Արմինֆո. Այս իրավիճակում Արցախի համար "Անջատում հանուն փրկության" սկզբունքը դառնում է անխուսափելի։ ԱրմԻնֆո-ին այդպիսի կարծիք է հայտնել իրավապաշտպան Արթուր Սաքունցը։
"Անջատում հանուն փրկության" սկզբունքը, որը հանդիսանում է ժողովուրդների ինքնորոշման սկզբունքի ժամանակակից դրսևորումն է, թույլ է տալիս առանձին խմբերի, ժողովուրդների ոչ միայն տարանջատվել ինչ-որ պետությունից, երբ առկա է խտրականության, մարդու իրավունքների զանգվածային խախտման կամ ցեղասպանության վտանգ, այլև բացառում է պետության հետ միավորումը, եթե դա կարող է հանգեցնել վերը նշված հետևանքների։ Դա պետք է լինի ղարաբաղյան հակամարտության կարգավորման մեր հայեցակարգի հիմքում", - հոկտեմբերի 16-ին հայտարարել է ՀՀ վարչապետ Նիկոլ Փաշինյանը։
"Տարածքների մասին խոսակցություններն, առանց հաշվի առնելու Ադրբեջանում ամենաբարձր մակարդակով արտահայտվող եւ Ալիեւի ռեժիմի կողմից խրախուսվող ազգային հողի վրա ատելությունը, ինձ համար ուղղակի անհասկանալի են։ Անհասկանալի է, թե ինչի մասին կարող են բանակցել այն պայմաններում, երբ կողմերից մեկը մտադիր է ատելության հողի վրա մյուսին ոչնչացնել։ Արմատապես անընդունելի է մոտեցումը, երբ խոսքը տարածքների մասին է, այլ ոչ թե այնտեղ ապրող մարդկանց", - ընդգծել է նա։
Այս համատեքստում իրավապաշտպանը նշել է, որ Հայաստանի բարձրագույն քաղաքական ղեկավարության բառապաշարում անգամ այս ծանր օրերին բացակայում են էթնիկ հողի վրա ատելության տարրերը։ Ինչը, նրա կարծիքով, չափազանց կարևոր հանգամանք է։ Սաքունցը համոզված է, որ անվտանգության երաշխիքների մասին ցանկացած խոսակցություն ու բանակցություն անիմաստ է այն պայմաններում, երբ այդ գործընթացը կարգավորող կառույցները էթնիկ հատկանիշով ատելությունը չեն դիտարկում որպես գործոն:
Սաքունցի գնահատմամբ՝ ատելության և անհանդուրժողականության նման մթնոլորտի դեպքում խոսքն արդեն ոչ միայն ռազմական գործողությունների, անշուշտ, կարևոր և անհրաժեշտ կասեցման մասին է ։ Այսօր Արցախն ու Հայաստանը գործ ունեն հայ ժողովրդին ոչնչացնելու ձգտող ռեժիմի հետ։ Մինչդեռ, այդ իրողության հակազդեցությունը, նրա փոփոխությունը որպես քաղաքական խնդիր բանակցությունների հիմքում նախկինի պես ոչ մի կերպ չի դրսևորվում։
"Այս ֆոնին "անջատում հանուն փրկության" սկզբունքը, արցախցիների անվտանգությունն ապահովելու նպատակով, դառնում է անխուսափելի։ Ոչ Լավրովը, ոչ Թրամփը, ոչ էլ որևէ մեկը չեն կարող արցախցիներին անվտանգության երաշխիքներ տալ էթնիկ ատելության հիման վրա ակնհայտ խտրական մտածողության ալիևյան քաղաքականության նկատմամբ լիակատար արհամարհանքի պայմաններում։ Հենց այդ ատելության հիման վրա է սանձազերծվել այդ պատերազմը։ Այն սանձազերծվել է ֆիզիկական ոչնչացման նպատակով։ Եվ ոչ ոք իրավունք չունի անվտանգության որևէ երաշխիք տալ ալիևյան վարչակարգը նացիստական գաղափարախոսությամբ զսպելու քայլերի բացակայության պայմաններում",
- ամփոփել է իրավապաշտպանը։