Արմինֆո. Հայաստանի համար "Կարմիր գիծը" Լեռնային Ղարաբաղի ինքնորոշման իրավունքն է, դրանից հրաժարվել Երեւանը չի կարող։ Այդ մասին "ՌԻԱ Նովոստի"-ին տված հարցազրույցում հայտարարել է վարչապետ Նիկոլ Փաշինյանը։
"Միշտ, բոլոր ժամանակներում Հայաստանը պատրաստ է եղել փոխզիջման։ Եվ ամենահայտնի նախաձեռնությունը Կազանյան նախաձեռնությունն է, երբ Հայաստանը պատրաստ էր որոշակի փոխզիջման։ Սակայն Ադրբեջանը հրաժարվեց ստորագրել այդ համաձայնագրերը, քանի որ չէր ցանկանում եւ չի ցանկանում ճանաչել Լեռնային Ղարաբաղի հայերի ինքնորոշման իրավունքը։ Եվ Լեռնային Ղարաբաղի ինքնորոշման իրավունքը մեզ համար "կարմիր գիծ" է, որից այն կողմ մենք չենք կարող անցնել", - ընդգծել է նա։
Փաշինյանը նաեւ հայտարարել է Թուրքիայի կողմից գրոհայիններին Ղարաբաղ տեղափոխելու ապացույցների մասին։ "Կան ապացույցներ, որ Թուրքիան Սիրիայից գրոհայիններ է տեղափոխել Լեռնային Ղարաբաղ, դա արվել է, քանի որ Ադրբեջանը չի կարող ինքնուրույն պատերազմել այնտեղ: Այդ մասին արդեն ողջ աշխարհն է խոսում։ Սա շատ կարեւոր նրբություն է, եւ կարեւոր է նաեւ այն պատճառով, որ կօգնի հասկանալ, թե ով եւ ինչ նկատառումներով է սկսել այդ ռազմական գործողությունները։ Իհարկե, կան որոշակի ապացույցներ, որ Սիրիայի ահաբեկիչ գրոհայինները մասնակցում են Լեռնային Ղարաբաղի դեմ մարտերին ։ Այդ տեսաապացույցներն արդեն հրապարակվել են սոցիալական ցանցերում եւ ԶԼՄ-ներում: Սա արդեն ապացուցված է ամբողջ աշխարհում", - հայտարարել է Փաշինյանը: "Կարեւոր է հասկանալ, թե ինչու։ Քանի որ ակնհայտ էր, որ Ադրբեջանի բանակը միայնակ ի վիճակի չէ պատերազմել Լեռնային Ղարաբաղի ինքնապաշտպանության բանակի դեմ։ Եվ այդ պատճառով Թուրքիան որոշել է ահաբեկիչներին ներգրավել", - հավելել է Փաշինյանը։
Միաժամանակ, Փաշինյանը հայտարարել է, որ հավատարիմ է Ղարաբաղի հարցով մոսկովյան պայմանավորվածություններին։ Նրա խոսքով, Երեւանը Լեռնային Ղարաբաղի հակամարտության կարգավորման համար պատրաստ է իրականացնել այն քայլերը, որոնց մասին պայմանավորվել են Մոսկվայում Հայաստանի, Ռուսաստանի, Ադրբեջանի ԱԳՆ ղեկավարների եռակողմ խորհրդատվություններում:
"Մոսկովյան հայտարարության մեջ նախատեսվում են հստակ քայլեր, թե ինչպես վերականգնել կոնկրետ բանակցային գործընթացը։ Եվ այդ համաձայնագրի տակ արդեն նկարագրված են կոնկրետ քայլեր, և մենք պատրաստ ենք գնալ այնպիսի քայլերի, որպեսզի լուծենք Լեռնային Ղարաբաղի հարցը։ Եվ մենք պատրաստ ենք նման փոխզիջումների, մենք պատրաստ ենք համամասնական փոխզիջումների, որոնց պատրաստ է Ադրբեջանը", - ասել է Փաշինյանը։ Վարչապետը հույս է հայտնել, որ Լեռնային Ղարաբաղի հակամարտությունը վերջնականապես կլուծվի փոխզիջման ճանապարհով։ "Ես կցանկանայի, որ արդյունքում Լեռնային Ղարաբաղի հակամարտությունը վերջնականապես լուծվի։ Փոխզիջման հիման վրա: Որպեսզի գտնենք այնպիսի լուծում, որն ընդունելի լինի բոլոր կողմերի՝ Հայաստանի, Լեռնային Ղարաբաղի և Ադրբեջանի համար։ Եվ դա կլիներ վերջնական լուծում", - ասել է Փաշինյանը։
Քնարիկ Հովհաննիսյան. Հայաստանի ջրային քաղաքականությունն անմխիթար վիճակում է
Հայաստանում բողոքի ակցիաները երկու բաղադրիչ ունեն՝ օբյեկտիվ և արտաքին. քաղաքագետ
Գեներալ-մայոր. Հայաստանն այսօր պատրաստ չէ Թուրքիայի և Իրանի հետ սահմանների ինքնուրույն պահպանությանը
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Փաշինյանը չի ճանաչել Արցախը, փոխարենը ճանաչել Է Պաղեստինը. քաղաքագետ
Վերախմբավորումից հետո մեր շարժումն էլ ավելի մասշտաբային կդառնա. արքեպիսկոպոս
Ֆրանսիացի հայտնի գործիչները Մակրոնին խնդրում են ֆրանսիական զորքեր ուղարկել Հայաստան 
Ընդդիմադիր պատգամավորների կողմից իրենց մանդատները վայր դնելու հարցն օրակարգում է. Մինասյան 
"Տավուշ հանուն հայրենիքի" շարժումը մարզերում հանդիպումներ կունենա ՀՀ քաղաքացիների հետ
Մեկնարկել է ավտոերթը դեպի Գյումրի՝ գյումրեցի Բագրատ Գալստանյանի գլխավորությամբ
Այս տարօրինակ լռությունն ընդհատելու ժամանակն է. Դիվանագետների համահայկական խորհուրդը դիմել է օտարերկրյա դիվանագիտական առաքելություններին և միջազգային կազմակերպություններին
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
