Զուրաբիշվիլի. Վրաստանը եղել է, կա եւ պետք է լիովին չեզոք լինի Հայաստանի եւ Ադրբեջանի նկատմամբ

Արմինֆո. Շատ կարևոր է պահպանել այն, ինչն առավել կարևոր է այս տարածաշրջանի համար, Վրաստանը եղել է, կա և պետք է լիովին չեզոք լինի իր երկու հարևան և բարեկամ երկրների նկատմամբ։ Այդ մասին հայտարարել Է Վրաստանի նախագահ Սալոմե Զուրաբիշվիլին "Ռուսթավի-2" հեռուստաալիքին տված հարցազրույցում՝ Լեռնային Ղարաբաղում Ադրբեջանի եւ Հայաստանի միջեւ զինված դիմակայության եւ այդ գործընթացում Թբիլիսիի դիրքորոշման մասին:

Սալոմե Զուրաբիշվիլին ընդգծել է Վրաստանի չեզոքությունը Հայաստանի եւ Ադրբեջանի միջեւ զինված հակամարտության հարցում: "Մեր բոլոր երեք երկրների տնտեսությունները կամ զարգացումը կախված է խաղաղությունից ու կայունությունից", - ասել է նա:

Նախագահ Զուրաբիշվիլիի խոսքով, այս շաբաթ նախատեսված են հեռախոսազրույցներ Ադրբեջանի եւ Հայաստանի ղեկավարների հետ: Նրա խոսքով, Թբիլիսիի հիմնական ուղերձը Բաքվի եւ Երեւանի համար նախկինի պես կլինի Թբիլիսիում երկխոսության եւ հրադադարի պլատֆորմի առաջարկը, մարդկային զոհերը դադարեցնելու համար:

Միևնույն ժամանակ, Վրաստանի նախագահի խոսքով, այսօրվանից երկու կողմից էլ լսվում է, որ իրենք պատրաստ են  Մինսկի խմբի գործունեության մեկնարկին։ "Մենք պետք է աջակցենք դրան։ Տեսնենք, թե երբ և ինչպես կարող է հավաքվել Մինսկի խումբը, գոնե Վրաստանում", - ասել  է նա։ Վրաստանի նախագահը եւս մեկ անգամ հավաստիացրել է հարեւան երկրների առաջնորդներին, որ իրենք կանեն ամեն ինչ եւ պատրաստ են այն ամենին, ինչը նրանց համար ընդունելի է, առաջին հերթին ՝ ապաԷսկալացման, հրադադարի եւ խաղաղ բանակցությունների հասնելու համար:

Խոսելով Լեռնային Ղարաբաղի շարունակվող հակամարտությունից Վրաստանի համար հնարավոր ռիսկերի մասին՝ նախագահ Զուրաբիշվիլին ընդգծել է երկրի տարանցիկ գործառույթի հնարավոր խախտումը եւ դրա համար անհրաժեշտ կայունությունը:

"Մենք տարածաշրջան ենք, որը կարեւոր է որպես տարանցիկ տարածաշրջան էներգետիկայի տեսանկյունից։ Մեր ապագա ներուժը կապված է տարանցման, տրանսպորտի, կապի, սեւծովյան զարգացման հետ։ Սա ամենամեծ ռիսկ է, որ կարող ենք կորցնել մեր գլխավոր հաղթաթուղթը ՝ կայունությունը։ Մենք հաճախ ենք ասել, որ մենք տարածաշրջանում կայունության եւ ժողովրդավարության կղզյակ ենք, դա անհրաժեշտ է վերականգնել", - ասել է Վրաստանի նախագահը, հաղորդում է Civil Georgia-ն։

Միեւնույն ժամանակ, Վրաստանի նախագահի խոսքով, այլ ուժեր կարող են շահագրգռված լինել, որ այստեղ ամեն ինչ կարգին չլինի, դա բոլորին հասկանալի է, եւ հավելել է, որ նման օտարերկրյա ուժ է համարում "մեր հյուսիսային հարեւանին": Այս համատեքստում նա ուշադրություն է հրավիրել "կեղծ լուրերի" վրա, կարծես "մենք մի երկրի բարեկամն ենք (ավելի շատ), քան մյուսինըը, թե՝ մենք օգնում ենք այս կամ այն կողմին": Վրաստանի նախագահի համոզմամբ, "սա տիպիկ ապատեղեկատվություն է, որովհետև մեզ համար այնքան կարևոր է չեզոք լինել այս հակամարտությունում, որպեսզի մեր երկու հարևանների միջև անհավասարակշռություն չլինի. եթե ինչ-որ մեկը փորձում է իրականությունը այլ կերպ ներկայացնել, դա շատ վատ է մեզ համար, վատ է տարածաշրջանի համար":

Անդրադառնալով  այն հարցին, թե արդյոք Թբիլիսին Մոսկվային միջանցք կտրամադրի Հայաստան ռուսական զորքերի  անցման համար, Վրաստանի նախագահը դա համարել է հիպոթետիկ հարց՝ ասելով.  "Ազգային անվտանգության խորհրդի նիստից հետո մենք հանդես ենք եկել հայտարարությամբ, որտեղ հստակ ասված է, որ կասեցվել է ռազմական տարանցման  թույլտվությունը՝ ցանկացած ձեւով: Սա նախնական պատասխան է, բայց այդ հարցն էլ այսօր հիպոթետիկ  է":