Ռուսաստանի ԳՀՎ գնդապետ. Այս պատերազմը, որը սանձազերծել է Ադրբեջանը՝ Թուրքիայի ճնշմամբ, չափազանց վտանգավոր է Ռուսաստանի համար

Արմինֆո. Ադրբեջանն ամբողջ ճակատով գնաց Հայաստանի վրա։ Ինչպես միշտ, այս ամենը տեղի է ունեցավ բավական անսպասելի, բայց ես կարծում եմ, որ մեր փառահեղ հետախույզները տեղեկություններ ունեին այդ պատերազմի նախապատրաստման մասին։ Այս մասին հայտարարել է ռազմական փորձագետ, ՌԴ Գլխավոր հետախուզական վարչության պաշտոնաթող գնդապետ Ալեքսանդր Ժիլինը։

Նրա խոսքով ՝ այս պատերազմը նախապատրաստվել է առնվազն 2 տարի։ Ադրբեջանում աշխատել են թուրք և ամերիկացի մասնագետներ։ Եվ ես այս մարտական գործողությունները չեմ դիտարկում որպես կռիվ Ղարաբաղի համար։ Ղարաբաղն այստեղ միանգամայն երկրորդական է։ Ինչպես կարծում է նախկին զինվորական հետախույզը, սա Էրդողանի պատերազմն է Կովկասի համար՝  Ռուսաստանի դեմ։ Իսկ Ղարաբաղը Casus belli է։

"Նայեք թուրք առաջնորդի հայտարարություններին։ Դրանք կոշտ են, նրանք որոշակի են: Եվ, փաստորեն, Էրդողանը հայտարարել է, որ Ադրբեջանը ռեսուրս է որոշակի նպատակների հասնելու համար, որոնք այդ մարդը դնում է։ Իսկ այդ նպատակները շատ ու շատ գլոբալ են։ Եվ որքան էլ այստեղ մեզ մոտ ծիծաղեն պարոն Էրդողանի վրա, այսօր նա ամենաարդյունավետ քաղաքական գործիչներից մեկն է։ Նա ցինիկ է, նա խորամանկ է եւ նրա թիմը կարողանում է իրավիճակը նախապես հաշվարկել", - հայտարարել է Ժիլինը։ "Եթե մենք գնահատենք Թուրքիայի հետ մեր հարաբերությունները Էրդողանի օրոք, և ես դա ասում եմ որոշ ամոթի զգացումով, նա մեզ "ունեցել է" ամենուր, որտեղ միայն հնարավոր է։ Մենք կորացել ենք եւ կառուցում ենք ատոմակայան, մենք խողովակաշար ենք անցկացրել, մենք բացել ենք մեր շուկաները նրա առջեւ: Այսօր, երբ մենք այդ գազա- և նավթամուղերի կառուցման համար նման ծախսեր ենք կրել, փաստորեն, փակել են մեր մատակարարումները, մենք լիակատար վնաս ենք կրել", - ընդգծել է փորձագետը։

"Ավելին, ահա այս պատերազմը, որը սանձազերծել է Ադրբեջանը Թուրքիայի ճնշման տակ, այն չափազանց վտանգավոր է Ռուսաստանի Դաշնության համար։ Ինչու՞: Որովհետև մենք բազմազգ պետություն ենք։ Եվ քանի դեռ բոլորը վերլուծում են Ղարաբաղը, թե՝ արդյոք  այդ տարածքներն օկուպացված են, դրանում րէ վտանգը, Ադրբեջանն օգտագործվում է որպես  պլացդարմ, որպես ռեսուրս և դառնում է, ասենք բացահայտ, մեր ռազմավարական թշնամին։ Եվ այսօր ասել, որ կարելի է ինչ-որ կերպ պայմանավորվել Ալիևի հետ ինչ-որ քաղաքական խորհրդակցությունների միջոցով, զառանցանք է։ Կարելի է պայմանավորվել կոշտության դիրքերից։ Օրինակ՝ պայման դնել, որ 72 ժամից մենք փակում ենք ողջ ադրբեջանական բիզնեսը ՌԴ-ում ՝ սկսած շուկաներից և վերջացրած այդ բոլոր "ֆուտսիթիով"։ Կամ մենք կարող ենք աշխատել քրդերի հետ, որ Թուրքիան ցնցվի դրանից։ Մենք ունենք նաեւ այլ ռեսուրսներ, որոնք մենք պարտավոր ենք գործարկել, որպեսզի արմատախիլ անենք այդ ամենը", - կարծում է Ժիլինը։

Փորձագետի խոսքով ՝ իրավիճակը, որը զարգանում է Ղարաբաղի շուրջ, Ռուսաստանի համար կարող է աղետալի լինել։ Այն կարող է պայթեցնել բազմազգ Ռուսաստանը ներսից, բավական են սադրանքներ՝  "կազմակերպված ԿՀՎ-ն կամ ուկրաինացի տղաների կողմից"։ "Եվ այս ամենը կվերածվի արյունալի շիլաշփոթի, իսկ մենք ուժ չենք ունենա կանգնեցնել այդ ամենը", - ընդգծել է փորձագետը՝ հիշեցնելով նաեւ ռուսական Կովկասում "քնած բջիջների" ակտիվացման հնարավորության եւ այն ամենի մասին, ինչի մասին հայտարարել է ԱԴԾ տնօրենը:

Փորձագետն ընդգծել է, որ խոսքը գնում է այն մասին, որ եթե Էրդողանին կհաջողվի հասնել որոշակի նպատակների, եւ, "Աստված մի արասցե, մենք դավաճանաբար հանձնենք է Հայաստանը", ապա մեր հեղինակությունը Կովկասում կզրոյանա ամբողջությամբ: Մենք այլեւս չենք կարող  վերահսկել այնտեղ իրավիճակը։ Այդ պատճառով, երբ խոսքը գնում է այդ պատերազմի մասին, պետք է մեզ հաշիվ տանք. սկզբում Ուկրաինան, հետո Արևելյան Եվրոպան, հետո Բելարուսիան և հետո այդ պատերազմը"։ "Սրանք բոլորը մեկ միասնական հակառուսական ծրագրի իրադարձություններն են։ Ես կարծում եմ, որ մեր հետախուզությունը մեր քաղաքական ղեկավարությանը զեկուցում է այդ ամենի մասին։ Եվ դրա նշաններից մեկը "Կովկաս 2020" զորավարժություններն են, որոնք անցկացրել են՝ զգալիորեն մեծացնելով ներուժը։ Դա յուրովի նախազգուշացում էր. "տղաներ, պետք չէ խաղալ կրակի հետ": Չլսեցին: Ոչ Էրդողանը, ոչ Ալիևը։ Կոնսոլիդացիան այնտեղ տեղի է ունենում Վաշինգտոնի, Անկարայի եւ Բաքվի մակարդակով։ Եվ ահա այս ամենը ՝ Ռուսաստանում ազգամիջյան պատերազմ կազմակերպելու ճանապարհի տեխնոլոգիական կառուցումն է, որն ամենածանրն է, որից ելք, գործնականում,  չկա, ՌԴ-ում կազմակերպել ներքին պայթյուն, որը կփլուզի մեր երկիրը", - կարծում է նախկին հետախույզը։

Փորձագետը կարծում է, որ իրավիճակը պետք է դիտարկել որպես ճգնաժամային եւ բոլոր լծակներով ճնշում գործադրել Թուրքիայի, եւ, առաջին հերթին, Թուրքիայի նկատմամբ: Որովհետև եթե իրավիճակը զարգանա գործարկված ծրագրի իրականացման ուղղությամբ, Ռուսաստանը ոչ միայն կկորցնի Կովկասը, այլ կարող է կորցնել երկիրը։

"Ես ուզում եմ դիմել Կրեմլի մարդկանց. թող ձեզ համար պատմական տեղեկանք նախապատրաստեն Ռուսաստանի և Թուրքիայի փոխհարաբերությունների մասին։ Քանի՞ անգամ է Թուրքիային սպառազինել Ռուսաստանի դեմ: Եւ ո՞վ է ասել ձեզ, պարոնայք, ովքեր С400  են վաճառել մեր անհաշտ հակառակորդին, որ այդ հրթիռները չեն կիրառվի Գյումրիից թռչող մեր ինքնաթիռների դեմ։ Պուտինի Էրդողանի տված թեկուզ մեկ խոստումը կատարվե՞լ է: Ինչ է, մենք չե՞նք տեսնում, թե ինչպես է Թուրքիան մեզ գրոհում Սիրիայում։ Մենք չե՞նք տեսնում, որ նա մեզ գրոհում է Լիբիայում՝ փորձելով այնտեղից դուրս նետել մեր ամբողջ նավթարդյունահանումը։ Ինձ մի օրինակ բերեք, թե ով է այսօր այդքան ակտիվ հակազդում Ռուսաստանին, ինչպես Թուրքիա։ Նույնիսկ ԱՄՆ-ն այնքան ակտիվ չի հակազդում, ինչպես դա անում է Էրդողանը ։ Նա ուժեղ քաղաքական գործիչ է, նա միայն հաղթանակներ ունի, իսկ մեզ մոտ բլեֆ է", - ամփոփել է  մտքերը Ալեքսանդր Ժիլինը։