Արմինֆո. <Ադրբեջանը բավականաչափ ուժ ունի օկուպացիայից իր հողերը ազատելու համար, իսկ Անկարան իր հերթին պատրաստ է զարգացնել պաշտպանական համագործակցությունը Բաքվի հետ>: Այս մասին ասել է Թուրքիայի արտգործնախարար Մևլութ Չավուշօղլուն ։
Ընդ որում՝ Չավուշօղլուն հավելել է, որ Անկարան զգուշացրել է Երեւանին նաեւ հայ-ադրբեջանական պետական սահմանի հուլիսյան բախումների ժամանակ, սակայն Երեւանը <անտեսել է միջազգային իրավունքի նորմերը>:
<Համաշխարհային հանրությունը չպետք է Երևանին ու Բաքվին կշեռքի նույն նժարի վրա դնի ։ Ադրբեջանը պայքարում է հանուն արդարության>, - հավաստիացրել է թուրքական դիվանագիտության ղեկավարը, սակայն չի հստակեցրել, թե ինչ արդարության մասին է խոսքը։
<Եկել է այդ խնդրի ամբողջական լուծման ժամանակը։ Առկա է ՄԱԿ-ի ԱԽ 4 բանաձև ։ Ստատուս քվոն ձեռնտու է Հայաստանին, և ԵԱՀԿ Մինսկի խմբի համանախագահներն արդյունավետ քայլեր չեն ձեռնարկում իրավիճակը փոխելու համար>, - ասել է նա ։
Նախարարն ընդգծել է, որ հրադադարի ռեժիմը չի լուծում հակամարտությունը ։ Չավուշօղլուն նշել է, որ միջազգային հանրությունը պետք է վերաբերվի Ադրբեջանում տիրող իրավիճակին, ինչպես՝ Ուկրաինայում եւ Վրաստանում տեղի ունեցող իրադարձություններին:
<Բաքուն տարածքային ամբողջականությանը հստակ աջակցության կարիք ունի ։ Ադրբեջանը ճիշտ է ինչպես բարոյական, այնպես էլ՝ իրավական տեսանկյունից ։ Մենք պատրաստ ենք աջակցել Բաքվին՝ և բանակցությունների սեղանի շուրջ, և մարտի դաշտում ։ Եթե Ադրբեջանը ցանկանում է խնդիրը լուծել ռազմի դաշտում, մենք կաջակցենք Բաքվին ։ Թուրքիան պատրաստ է ցուցաբերել ցանկացած աջակցություն, որի կարիքը Ադրբեջանը կունենա>, - ասել է թուրք նախարարը ։
Թուրքիայի ԱԳ նախարարը նաեւ դատապարտել է Ֆրանսիայի նախագահ Էմանուել Մակրոնի դիրքորոշումը հակամարտության գոտում իրավիճակի վերաբերյալ: <Ֆրանսիայի նախագահը մտահոգություն չի ցուցաբերում Ադրբեջանի հողերի շարունակվող բռնազավթման կապակցությամբ և համերաշխություն է ցուցաբերում ագրեսորին ՝ ի դեմս Հայաստանի ։ Փարիզն այդպիսով պաշտպանում է Ադրբեջանի հողերի օկուպացիան>,
- ասել է Չավուշօղլուն։
Մինչդեռ, ըստ ՌԻԱ Նովոստիի, Չավուշօղլուն նաեւ նշել է. <Մենք խոսել ենք ՌԴ նախագահ Վլադիմիր Պուտինի, ՌԴ ԱԳ նախարար Սերգեյ Լավրովի հետ Լեռնային Ղարաբաղի հակամարտության մասին։ Ինչպես մենք միասին գործում ենք Սիրիայում, այնպես էլ փորձել ենք այստեղ, բայց չի հաջողվել ։ Ասում են ՝ թող պատերազմը դադարի։ Թող։ Պետք է հրադադար հայտարարել, բայց Հայաստանը պետք է հեռանա օկուպացված տարածքներից ։ Արդյո՞ք դա ասվում է ։ Ոչ։ Այդ դեպքում ինչպե՞ս կլուծվի հարցը>,- ասել է Չավուշօղլուն։ Նրա խոսքով ՝ <Ադրբեջանը երկար է համբերել է> ։
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Վերլուծաբան. Երևանի և Մոսկվայի միջև շարունակվող լարվածությունը կարող է հանգեցնել Ռուսաստանի կողմից նոր սահմանափակող միջոցառումների
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
