Երեթշաբթի, 29 Սեպտեմբերի 2020 17:34

Արմինֆո.Աշխարհում հայտնի մի շարք հայեր արտահայտվել են Թուրքիայի աջակցությամբ Ադրբեջանի կողմից Հայաստանի և Արցախի ժողովրդի դեմ նախապես ծրագրված ռազմարշավի կապակցությամբ։ Նրանց թվում են Սերժ Թանկյանը, Քիմ Քարդաշյանը, Լևոն Արոյանը, ֆուտբոլիստներ Հենրիխ Մխիթարյանը և Արթուր Մովսիսյանը, շոումեն Գարիկ Մարտիրոսյանը, դերասան և հումորիստ Միխայիլ Գալստյանը, կինոռեժիսոր Կարեն Շահնազարովը, նկարիչ Բորիս Եղիազարյանը և այլաք:

 

Սերժ Թանկյան. "Ակնհայտ է, որ Ադրբեջանի կոռումպացված նավթաօլիգարխիկ իշխանությունը  որոշ ժամանակ  ծրագրել էր այդ հարձակումը Լեռնային Ղարաբաղի վրա: Դա նախապես ծրագրված ռազմական հանցագործություն էր, որը խաղաղ բնակիչներին հարվածեց հենց Արցախի մայրաքաղաքի փողոցներում"։

 

Քիմ Քարդաշյան. "Հայերը հարձակման են ենթարկվել Արցախում: Մենք աղոթում ենք քաջարի տղամարդկանց եւ կանանց համար, ովքեր վտանգում են իրենց կյանքը հանուն Արցախի եւ Հայաստանի պաշտպանության: Հայաստանը դարձել է Ադրբեջանի սանձազերծած հարձակումների, ինչպես նաև դրանց ուղեկցող ապատեղեկատվության կանխատեսելի արշավի զոհը"։

 

Հենրիխ Մխիթարյան. "Ես կոչ եմ անում միջազգային հանրությանը հնարավորինս շուտ պաշտպանել Արցախին և օգնել դադարեցնելու ռազմական գործողությունները տարածաշրջանում խաղաղության և անվտանգության դեմ: Մենք մեր հայրենիքում ապրելու անքակտելի իրավունք ունենք ՝ առանց գոյության սպառնալիքի։ Մեր երեխաները իրավունք ունեն ապրել խաղաղության մեջ, այլ ոչ թե թաքնվել ապաստարաններում":

 

Յուրի Մովսիսյան. "Ադրբեջանը փակում է իր օդանավակայանները/սահմանները, որպեսզի իր քաղաքացիներին թույլ չտա լքել երկիրը, որպեսզի հնարավոր լինի ռազմաճակատ ուղարկել, մինչդեռ ողջ աշխարհի հայերը տոմսեր են գնում, որպեսզի վերադառնան Հայաստան և պաշտպանեն իրենց հայրենիքը":

 

Լեւոն Արոնյան. "Երբ ես փոքր էի, պապիկս ինձ ասաց, որ իմ նախնիները ծնունդով  ղարաբաղցի են եղել։ Ես հաղթեցի իմ առաջին ուժեղ մրցաշարը հիասքանչ Ստեփանակերտում։ Մենք այն մարդիկ ենք, ովքեր միշտ հպարտությամբ են պաշտպանվել պատմության ողջ ընթացքում։ Եվ այս անգամ մենք կանենք նույնը, ես գիտեմ":

 

Գարիկ Մարտիրոսյան. "Ադրբեջանական իշխանությունների կողմից Թուրքիայի լիակատար աջակցությամբ հայերի դեմ սանձազերծված պատերաազմը շարունակվում է։ Մահանում են մարդիկ։ Դադարեցրեք պատերազմը: Մենք միայն խաղաղություն ենք ուզում։ Միայն խաղաղ բանակցություններով կարելի է լուծել բոլոր վիճելի հարցերը։ Պետք է նստել բանակցությունների սեղանի շուրջ և մեկընդմիշտ լուծել այդ խնդիրները ։ Միայն այդպես։ Պատերազմը ամենասարսափելին է։ ՈՉ ԲՌՆՈՒԹՅԱՆԸ ԵՎ ԱԳՐԵՍԻԱՅԻՆ.!! Հայաստանը կողմ է խաղաղությանը":

 

Միխայիլ Գալուստյան. "Սսիրելի ընկերներ, ամբողջ օրը տագնապով հետևում եմ լուրերին.մեր աչքի առաջ սպանում են խաղաղ մարդկանց: Կրկին պատերազմ! Եվ կրկին Ադրբեջանի իշխանությունների ագրեսիվ գործողությունները հայ բնակչության դեմ, և կրկին ինչ-որ պատասխան միջոցների և հակագրոհների կեղծ կարգախոսների ներքո։ Հիմար չկա: Սա լավ նախապատրաստված պատերազմ է, բոլորի համար էլ ամեն ինչ հասկանալի է ։ Մարդիկ են զոհվում, խաղաղ քաղաքացիները, պարզապես սարսափելի է ։ .. Թուրքիան բացեիբաց (եւ նույնիսկ առանց ամաչելու) աջակցում է այդ պատերազմին։ Դադարեցնել պատերազմը. Մենք դեմ ենք պատերազմին։ Հայերը կողմ են խաղաղության"։

 

Կարեն Շահնազարով. "Կոչ եմ անում Կրեմլին կարծիք ձևավորել: Ժամանակն է, որ Ռուսաստանը կողմնորոշվի՝ ինքը կայսրություն է թե առեւտրային ձեռնարկություն է, որը խողովակներ է անցկացնում եւ բոլորին ապրանքներ վաճառում":

 

Բորիս Եղիազարյան. "Հայերի դեմ սկսված ներկայիս պատերազմը նենգ ու հզոր է: Եվ այդ պատճառով մենք դիմում ենք բարի կամքի տեր բոլոր մարդկանց՝ աղոթեք մեզ համար ով կարող է, աջակցեք մեզ ձեր խոսքով, տվեք մեզ սրտի ջերմություն։  Մենք կդիմանանք այդ պատերազմին։ Ալիեւը կխայտռաակվի: Եվ ադրբեջանցի ժողովուրդը վերջապես կազատվի իր բռնապետից, որը ողջ ադրբեջանական ընդդիմությանը տանջում է բանտերում։ Իսկ նրանք, ովքեր կարողացել են խուսափել բանտերից, գտնվում են արտասահմանում ։ Փառք Աստծո, որ մեր ժողովուրդը խուճապի չմատնվեց, այլ ընդհակառակը, թողնելով բոլոր քաղաքական տարաձայնությունները, միավորվեց մեկ սրտում, մեկ բռունցքում։ Հայաստանում ամբողջական մոբիլիզացիա է։ Անհրաժեշտության դեպքում մոբիլիզացվում է տարբեր երկրների, այդ թվում ՝ Ուկրաինայի ողջ հայությունը ։ Փառք Աստծո, փառք այն հերոսներին, ովքեր պատրաստ են պաշտպանել կյանքը՝ իրենց կյանքերով։