Արմինֆո.Ռուսաստանը հսկայական աջակցություն է ցուցաբերել Հայաստանին, եւ անթույլատրելի է նրան մեղադրել պատերազմ հրահրելու մեջ ։ Այս մասին օգոստոսի 19 - ին մամուլի ասուլիսի ժամանակ հայտարարել է Հայաստանի երրորդ նախագահ Սերժ Սարգսյանը ։
"Ինչպես հիշում եք, 2010 թվականին տեղի ունեցավ Դմիտրի Մեդվեդեւի այցը Հայաստան, որն այն ժամանակ Ռուսաստանի նախագահն էր: Այցի ընթացքում ստորագրվել է լրացուցիչ արձանագրություն, որի համաձայն, ռուսական ռազմակայանն ստանձնել է լրացուցիչ պարտավորություններ։ Բանն այն է, որ մինչ այդ ռուսական բազան պատասխանատու էր միայն ԱՊՀ արտաքին սահմանների համար։ Սակայն, 2010 թվին ստորագրված համաձայնագրի համաձայն, այն արդեն ստանձնել է Հայաստանի սահմանի ողջ երկարության համար պատասխանատվությունը։
Ավելին, Ռուսաստանը նաեւ իր վրա է վերցրել մեր սպառազինությունը թարմացնելու պատասխանատվությունը։ Մինչեւ 2018 թվականի ապրիլյան իրադարձությունները Հայաստանը Ռուսաստանից ստացել է ավելի քան 50 000 տոննա ռազմատեխնիկական օգնություն։ Տվյալ դեպքում՝ օգնությունը նշանակում է, որ դրա դիմաց չես վճարում", - ընդգծել է Սարգսյանը։
Երրորդ նախագահը նկատել է, որ նման իրավիճակում ճիշտ չէ խոսել այն մասին, թե, իբր, Ռուսաստանը իմացել ապրիլյան պատերազմի մասին։ Նման հայտարարություն անել չի կարելի։ "Ռուսաստանը մեր ռազմավարական դաշնակիցն է։ Նման գաղափարների տարածումը տգիտություն է, իսկ պատերազմ հրահրելու համար, այսինքն՝ դավաճանության մեջ դաշնակցին մեղադրելն անթույլատրելի է։ Ակնհայտ է, որ նման հայտարարությունները հետեւանքներ կունենան", - նշել է Հայաստանի երրորդ նախագահը։ Դուք կհիշեք, որ Հայաստանից բացի ոչ ոք "Իսկանդեր" չունի, նույնիսկ՝ Բելառուսը։ Եվ Ադրբեջանը 2016 թվին լայնածավալ ռազմական գործողությունների չգնաց "Իսկանդերի" պատճառով։ Այդ պատճառով, մեզ մոտ այդ զենքի առկայության փաստը խոսում է Հայաստանի նկատմամբ Ռուսաստանի հատուկ վերաբերմունքի մասին", - նկատել է Սարգսյանը։
Նա նաեւ նկատել է, որ ադրբեջանական ԶՈՒ սկսել են մարտական գործողությունները՝ օգտագործելով հատուկ նշանակության ուժեր: "Նրանց հրետանին հասանելի էր մեր որոշ ռազմական ավաններից։ Բայց նրանք չեն օգտագործել հրետանին: Բանն այն է, որ նրանք հասկանում էին, թե ինչպիսին կլինի մեր պատասխանը։ "Իսկանդեր" հրթիռները կարող են հասնել Բաքու և Գյանջա։ Ադրբեջանի ԶՈՒ-ն նաեւ օդուժ չի կիրառել ։ Հենց որ նրանք մոտենային սահմանին, անմիջապես կհայտնվեին C-300-ի տեսադաշտում։ Այդ Ս-300-ները մենք ստացել ենք որպես ռազմատեխնիկական աջակցություն", - նկատել է Հայաստանի երրորդ նախագահը։
Սարգսյանը նաև հայտարարել է, որ շատերը կարծում են, թե Մոսկվան մեկ զանգով կարող էր կանխել մարտական գործողություններն Արցախում։ "Սակայն, ինչու եք այդքան վստահ։ Ադրբեջանը չի ենթարկվում Ռուսաստանին։ Բացի այդ, հնարավոր է, որ Արցախում ռազմական գործողությունները տևեցին 4 օր, որպեսզի Ադրբեջանը համոզվի, որ իրենց չի հաջողվի արցախյան հակամարտությունը լուծել ռազմական ճանապարհով", - եզրափակել է երրորդ նախագահը։