Երեթշաբթի, 11 Օգոստոսի 2020 15:56

Արմինֆո.  Իմ կարծիքով, Հայաստանի արտգործնախարարի հայտարարությանը չափազանց մեծ նշանակություն են տալիս, ընդ որում՝ ինչպես Հայաստանում, այնպես էլ Ադրբեջանում։ ԱրմԻնֆո-ին այդպիսի կարծիք է հայտնել իսրայելցի քաղաքագետ Ալեքսանդր Ցինկերը ՝ մեկնաբանելով The Jerusalem Post-ին Հայաստանի ԱԳ նախարար Զոհրաբ Մնացականյանի հարցազրույցը։

 

Մնացականյանը իսրայելական պարբերականին տված հարցազրույցում Իսրայելին կոչ է արել դադարեցնել Ադրբեջանին զենքի վաճառքը։ <Ադրբեջանին զենքի վաճառքը մահացու է, քանի որ Ադրբեջանը երբեք չի վարանում կիրառել այդ զենքերը քաղաքացիական ենթակառուցվածքների, քաղաքացիական բնակչության դեմ: Մենք հետևողական ենք այս հարցի հետապնդման առումով, այն մշտապես լինելու է մեր օրակարգի անքակտելի մասը թե՛ երկկողմ և թե՛ միջազգային հարթակներում: Իսրայելը պետք է վերջ դնի Ադրբեջանի հետ իր մահացու գործարքին>,- հայտարարել է նախարարը։

 

<Դիվանագետի դեպքում վերջնագրի լեզվով երկրների միջև քաղաքական իրավիճակի և հարաբերությունների վերլուծությունն անընդունելի է ։ Եվ այդ հայտարարությունը չի նպաստում մեր երկրների միջև հարաբերությունների ակտիվացման և կարգավորման՝ սկսված գործընթացին։ Մյուս կողմից՝ հայտարարությունը պաշտոնապես չի արվել, այն հնչեցվել է իսրայելական անկախ պարբերականին տված հարցազրույցում ։ Եվ ես ուզում եմ հավատալ, որ Մնացականյանի հայտարարության հիմքում ընկած էին նրա անձնական հույզերը, այլ ոչ թե՝ Իսրայելի նկատմամբ Հայաստանի՝ նոր-նոր ձևավորվող քաղաքականությունը>,-ընդգծել է Ցինկերը ։

 

Այս համատեքստում, քաղաքագետն ընդգծել է, որ որոշակի պարզաբանումների արդյունքում Իսրայելի ԱԳՆ-ում ըմբռնումով են վերաբերել Մնացականյանի հայտարարությանը: Ցինկերի գնահատմամբ ՝ ոչ դիվանագիտական, բայց, անշուշտ, Հայաստանի քաղաքացու տեսանկյունից արդարացի հայտարարությանը։

 

Իսրայելն իր հերթին, քաղաքագետի գնահատմամբ, երբեք չի հաստատում եւ չի զարգացնում սեփական միջպետական հարաբերությունները՝ ի վնաս երրորդ երկրների: Նույնպիսի քաղաքականություն է վարում Հայաստանը։ Այս համատեքստում Ցինկերը համոզված է, որ հայ - իսրայելական հարաբերությունների զարգացումը ոչ մի կերպ տեղի չի ունենա՝ Իրանի կամ Ադրբեջանի շահերի հաշվին ։

 

Այս առումով քաղաքագետը կանխատեսում է, որ Թեհրանի եւ Բաքվի դժգոհությունը Իսրայելում հայկական դեսպանատան հայտնվելու կապակցությամբ ժամանակի ընթացքում

կհանդարտվի՝ հատկապես Երեւանի եւ Երուսաղեմի վրա ճնշում գործադրելու որեւէ հեռանկարի բացակայության պայմաններում ։ <Մեր երկրների կառավարությունները ինքնուրույն որոշումներ կկայացնեն՝ կապված արտաքին քաղաքականության հետ ։ Այդպես եղել է ու կլինի։ ՀՀ դեսպան Արմեն Սմբատյանը, սկսած հուլիսի վերջից, գտնվում է Թել Ավիվում եւ զբաղված է դեսպանատան բարեկարգմամբ: Համոզված եմ, որ լիարժեք դիվանագիտական առաքելության բացումը նոր որակ կհաղորդի մեր հարաբերություններին>, - ամփոփել է Ցինկերը ։