Arminfo.info





 Հինգշաբթի, 6 Օգոստոսի 2020 19:38
Ալինա Հովհաննիսյան

Արագածոտնի մարզում կոռուպցիոն հանցագործությունների դեպքերով հարուցված քրեական գործերն ավելացել են 40 տոկոսով

Արագածոտնի մարզում կոռուպցիոն հանցագործությունների դեպքերով հարուցված քրեական գործերն ավելացել են 40 տոկոսով

Արմինֆո. ՀՀ Արագածոտնի մարզի դատախազությունում ամփոփվել են 2020թ. առաջին կիսամյակում մարզի տարածքում բացահայտված կոռուպցիոն հանցագործության դեպքերով քրեական հետապնդման մարմինների գործունեության, պետական շահերի պաշտպանության ոլորտում մարզի դատախազության նախաձեռնությունների արդյունքները:

 

Ինչպես հաղորդել է ՀՀ գլխավոր դատախազության հանրային կապերի բաժինը, ըստ այդմ՝ ՀՀ Արագածոտնի մարզի դատախազության դատախազների դատավարական հսկողության կամ ղեկավարման ներքո գտնված վարույթներով այս տարվա առաջին 6 ամիսներին առերևույթ կոռուպցիոն դեպքերով հարուցվել է 35 քրեական գործ: Այս ցուցանիշը 14-ով կամ 40%-ով ավելի է նախորդ տարվա նույն ժամանակահատվածի համեմատ:  

 

«Հայտնաբերված կոռուպցիոն դեպքերից 12-ն արձանագրվել է կրթության, 17-ը՝ տեղական ինքնակառավարման, 3-ը՝ բժշկական սպասարկում իրականացնող կազմակերպություններում, 1-ը՝ պետական ոչ առևտրային կազմակերպությունում կատարված կոռուպցիոն հանցավոր դրսևորումների առթիվ, իսկ 2-ը վերաբերում է իրավապահ մարմինների պետական ծառայություն իրականացնող անձանց կողմից առերևույթ հանցագործությունների կատարմանը:

 

2020թ. առաջին 6 ամիսների ընթացքում հարուցված քրեական գործերով 19 անձի նկատմամբ հարուցվել է քրեական հետապնդում, որոնցից՝ համայնքների 5 ղեկավարի, դպրոցների 6 տնօրենների, 1 ուսուցչի, 1 համայնքապետարանի աշխատակցի, 3 դպրոցի աշխատակցի, 3 քաղաքացու՝ պաշտոնատար անձանց կողմից հանցագործության կատարմանն օժանադակելու համար:  Նշված ժամանակահատվածում մեղադրական եզրակացությամբ դատարան է ուղարկվել 5 անձի վերաբերյալ 3 քրեական գործ, իսկ դատարանում ավարտվել է 2 քրեական գործ, 3 անձի վերաբերյալ, որոնցից 1 քրեական գործով 2 անձի նկատմամբ կայացվել է մեղադրական դատավճիռ:

 

2020թ. առաջին կիսամյակում կոռուպցիոն բնույթի հանցագործությունների վերաբերյալ դեպքերով հարուցված քրեական գործերով նախնական արձանագրված պետությանը և համայնքներին պատճառված վնասը կազմել է 74.343.213 ՀՀ դրամ, որից 15.483.025 ՀՀ դրամը վերականգնվել է: Ընդ որում՝ 2020թ. առաջին կիսամյակում ՀՀ ՔԿ Արագածոտնի մարզային քննչական վարչությունում կիսամյակում կոռուպցիոն բնույթի հանցագործություններով քննված քրեական գործերով վերականգնվել է 30.535.174 ՀՀ դրամ: Մնացած մասը վերականգնելու ուղղությամբ գործադրվել է պատշաճ քրեադատավարական գործիքակազմ: Բռնագանձումը պատշաճ ապահովելու համար նախաքննության ընթացքում մեղադրյալներին պատկանող գույքի վրա դրվել է արգելանք: Կոռուպցիոն հանցագործությունների պատճառների ու նպաստող պայմանների, ինչպես նաև հայտնաբերված պետական շահերի խախտումները վերացնելու նպատակով ՀՀ Արագածոտնի մարզպետին, համայնքների ղեկավարներին, ՀՀ ջրային կոմիտեի «Ջրառ» ՓԲԸ-ի տնօրենին ներկայացվել են տարբեր խնդիրների վերաբերյալ 6 միջնորդագրեր, որոնց արդյունքում պատասխանատու պաշտոնատար անձանց նկատմամբ կիրառվել են կարգապահական տույժեր:  Համընդգրկուն աշխատանքներ են տարվել նաև բացառապես դատախազական գործառույթ հանդիսացող՝ պետական շահերի պաշտպանության ոլորտում: Այս շրջանակներում կատարվել կամ կատարվում են 8 ուսումնասիրություններ՝ որոնք վերաբերում են ընդերքօգտագործող սուբյեկտների կողմից համայնքներում ներդրումներ կատարելու, շրջակա միջավայրի պահպանության դրամագլխի համալրման վճարների գծով պարտավորությունների կատարման, համայնքի ղեկավարների կողմից օրենքին հակասող հողամասեր տրամադրելու գործընթացին և այլ ոլորտների:

Կատարվող ուսումնասիրություններով անհրաժեշտ սուբյեկտներին դատախազության կողմից տրվել են 21 նախազգուշացումներ, ինչի արդյունքում ևս ընթանում է պետությանը պատճառված վնասների վերականգնում: 

 

2020թ. առաջին կիսամյակում Արագածոտնի մարզի դատախազությունից մեղադրական եզրակացությամբ դատարան է ուղարկվել 3 քրեական գործ՝ 5 անձի վերաբերյալ, մինչդեռ 2019թ. նույն ժամանակահատվածում դատարան քրեական գործեր չեն ուղարկվել», - ասվում է հաղորդագրությունում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Երեւանը Ադրբեջանի առաջնորդին կոչ է արել սթափ և առանց ցավագին հույզերի ընկալել ղարաբաղյան հակամարտության գոտում ստեղծված իրականությունը   Երեւանը Ադրբեջանի առաջնորդին կոչ է արել սթափ և առանց ցավագին հույզերի ընկալել ղարաբաղյան հակամարտության գոտում ստեղծված իրականությունը  
Փորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք էՓորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք է
Ծառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններԾառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ
ԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համարԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համար
Կանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ ենԿանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ են
Ռոբերտ Քոչարյան. Հայաստանում կա հասարակության որոշակի հատված, որն անկեղծորեն հավատում է, թե,  իբր, կոռուպցիայի դեմ պայքարում հավաքված միջոցները կփոխանցվեն իրենցՌոբերտ Քոչարյան. Հայաստանում կա հասարակության որոշակի հատված, որն անկեղծորեն հավատում է, թե,  իբր, կոռուպցիայի դեմ պայքարում հավաքված միջոցները կփոխանցվեն իրենց
Փաշինյան․ Պաշտոնական թվերը ապացուցում են հակաճգնաժամային միջոցառումների արդյունավետությունըՓաշինյան․ Պաշտոնական թվերը ապացուցում են հակաճգնաժամային միջոցառումների արդյունավետությունը
Ռուսաստանցի փորձագետ. Պարզվեց, որ Բելառուսի իշխանությունը չափազանց պարզունակ է բարդ հասարակության համարՌուսաստանցի փորձագետ. Պարզվեց, որ Բելառուսի իշխանությունը չափազանց պարզունակ է բարդ հասարակության համար
Արմեն Սարգսյան. «Սևրի պայմանագիրն այսօր էլ մնում է որպես կարևոր փաստաթուղթ՝ Հայկական հարցի արդարացի լուծման հասնելու հայ ժողովրդի իրավունքի մասին»Արմեն Սարգսյան. «Սևրի պայմանագիրն այսօր էլ մնում է որպես կարևոր փաստաթուղթ՝ Հայկական հարցի արդարացի լուծման հասնելու հայ ժողովրդի իրավունքի մասին»
Ամուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբԱմուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբ
Հայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակիցՀայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակից
Արարատում վթարի հետեւանքով մահացել է ԱրմԻնֆո-ի լրագրողի մայրըԱրարատում վթարի հետեւանքով մահացել է ԱրմԻնֆո-ի լրագրողի մայրը
Էդմոն Մարուքյանը մտահոգված է Ռուսաստանում հայկական համարանիշերով մեքենաների խնդրովԷդմոն Մարուքյանը մտահոգված է Ռուսաստանում հայկական համարանիշերով մեքենաների խնդրով
Դիմորդները խոստացել են բուհ ընդունվելու համար պայքարը շարունակել ամենօրյա ռեժիմովԴիմորդները խոստացել են բուհ ընդունվելու համար պայքարը շարունակել ամենօրյա ռեժիմով
Հայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիսՀայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիս
Փնտրել ըստ օրերի