Արմինֆո. Հուլիսի 30-ի լույս 31-ի գիշերը և այսօր առավոտյան հայ-ադրբեջանական պետական սահմանին պահպանվել է հարաբերական անդորր։
Ինչպես տեղեկացնում է ՀՀ ՊՆ մամուլի քարտուղար Շուշան Ստեփանյանն իր Ֆեյսբուքյան էջում, ադրբեջանական կողմը հրաձգային զինատեսակներից խախտել է կրակի դադարեցման ռեժիմը 14 անգամ` հայկական դիրքերի ուղղությամբ արձակելով շուրջ 155 կրակոց:
<Այգեձոր, Չինարի, Այգեպար, Ներքին Կարմիրաղբյուր ուղղություններով տեղակայված մարտական դիրքերի առանձին հատվածներում` 10 անգամ, Զանգակատուն, Ելփին ուղղություններով տեղակայված մարտական դիրքերի առանձին հատվածներում` 3 անգամ։
Բարձրունի ուղղությամբ տեղակայված մարտական դիրքի հատվածում` 1 անգամ>,- ընդգծել է Ստեփանյանը։