Հայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիս

Արմինֆո. Ամերիկայի գծով  փորձագետ Սուրեն Սարգսյանը մեղադրել Է Ադրբեջանում ԱՄՆ դեսպանին անմեղության կանխավարկածի ոտնահարման մեջ ' Լոս Անջելեսում հայերի եւ ադրբեջանցիների միջեւ տեղի ունեցած միջադեպերի գնահատման ժամանակ: Ֆեյսբուքյան իր էջում Սարգսյանը գրել է. «Բաքվում ԱՄՆ դեսպանը Լոս Անջելեսի հայ-ադրբեջանական բախման մեջ հայերին է մեղադրել: Նա հայերին մեղադրել է պրովոկացիայի մեջ, ներողություն խնդրելով տեղի ունեցածի համար Ադրբեջանի իշխանություններից: Այն, որ ԱՄՆ դեսպանը մեղադրում է իր իսկ երկրի քաղաքացիներին, առ նվազն զարմանալի է և վստահ եմ իր երկրի քաղաքացի մեր հայրենակիցները դեսպանին կպատասխանեն: Ավելին, եթե դեսպանը չհերքի կամ ափսոսանք չհայտնի սխալ գնահատականի համար (դեռևս չի հերքել դեսպանությունը), ուրեմն ակնկալում եմ նաև Հայաստանի ԱԳՆ հայտարարությունը` այս կանխակալ գնահատականի համար: Ավելի ճիշտ կլինի, որ այն լինի համարժեք, դեսպան Թրեյսիին հրավիրեն ԱԳՆ և փոխնախարարը ներկայացնի խնդրի էությունն ու նման անհիմն մեղադրանքի բացասական հետևանքները, մանավանդ, երբ միջադեպը քննության փուլում է իրավապահների կողմից»:

Հիշեցնենք, որ հուլիսի 21-ին Լոս Անջելեսի հայ համայնքի ներկայացուցիչները հանրահավաք էին անցկացնում Ադրբեջանի գլխավոր հյուպատոսության մոտ՝ ի նշան բողոքի ընդդեմ հայ-ադրբեջանական սահմանին վերջին սրացման: Բախումն սկսվել է ադրբեջանցիների կողմից մի շարք սադրանքներից հետո, մասնավորապես, սադրիչներից մեկը հարվածել է հայ աղջկա։ Երկու կողմից էլ եղել են տուժածներ, միջամտել է ոստիկանությունը ։ Հարկ է նաև նշել, որ հայերի և ադրբեջանցիների միջև բախումներ են տեղի  ունեցել ինչպես ԱՄՆ տարբեր քաղաքներում, այնպես էլ աշխարհի տարբեր երկրներում։