Արմինֆո. Իմ կարծիքով, ճիշտ կլիներ, եթե նախագահի կողմից "Սահմանադրական դատարանի մասին" օրինագիծը ստորագրելուց հրաժարվելն ուղեկցվեր պատճառների պատշաճ բացատրությամբ։ Սա կօգներ խուսափել տարբեր ենթադրություններից եւ շահարկումներից: ԱրմԻնֆո-ին այդպիսի կարծիք է հայտնել Հայաստանի Հանրային խորհրդի նախագահ Ստեփան Սաֆարյանը։
Հունիսի 30-ին ՀՀ նախագահ Արմեն Սարգսյանը ԱԺ նախագահ Արարատ Միրզոյանին տեղեկացրել էր "Սահմանադրական դատարանի մասին"օրենքում փոփոխությունները ստորագրելուց հրաժարվելու մասին: Ընդ որում, մերժման պատճառները նախագահը չի հաղորդել։
"Իմ կարծիքով, վերջին գործընթացները հերթական անգամ առաջին պլան մղեցին գործող Սահմանադրության լուրջ խնդիրները ՝ իշխանության ճյուղերի հստակ տարանջատման առնչությամբ։ Եվ նախագահին առնչվող իրավիճակում քիչ ուշադրություն է դարձվում մի բավական կարևոր հանգամանքի։ Եթե երկրի կառավարման գործող մոդելը քաղաքական մեծամասնությանը օժտում է պատգամավորների երկու երրորդի ստորագրությամբ Սահմանադրությունը փոխելու իրավունքով, ապա հարց է առաջանում, թե որն է նախագահի պատասխանատվությունը", - նկատել է Սաֆարյանը։
Ըստ ՀԽ նախագահի՝ տվյալ կոնկրետ դեպքում բացարձակապես կարևոր չէ, որ վարչապետը Նիկոլ Փաշինյանն է, նախագահը՝ Արմեն Սարգսյանը, իսկ իշխանության կուսակցությունը "Իմ քայլը" դաշինքն է ։ Կարևոր է այն սկզբունքը, որով ձևավորվում է պետության կառավարումը և իշխանության ճյուղերի բաժանումը։ Այսպիսով, նրա գնահատմամբ, իր որոշումներով "Իմ քայլը" սահմանադրական կարգավորումներից դուրս չի գործել՝ որքան էլ նրան դրանում մեղադրի "ընդդիմությունը"։ Իր հերթին՝ նախագահը սեփական լիազորությունները փոխանցել է "Իմ քայլը" դաշինքին ՝ հրաժարվելով կիսել պատասխանատվությունը:
Որպես ևս մեկ ուղեկցող խնդիր՝ Սաֆարյանը առանձնացրել է ժամանակի սղությունը։ Նրա գնահատմամբ ՝ գործող իշխանությունը շտապողականություն է ցուցաբերել ՍԴ-ի շուրջ ստեղծված իրավիճակը կարգավորելու հարցում։ Պատճառն այն է, որ թովմասյանական ՍԴ-ն մասնակից է հակասահմանադրական, իր էությամբ ապօրինի հապճեպ գործընթացի, որը հետապնդում է զուտ քաղաքական նպատակներ։
"Հենց դրանով էր պայմանավորված խորհրդարանի կողմից Սահմանադրության մեջ կատարվելիք փոփոխությունների շտապ ընդունումը: Իշխանությանն անհրաժեշտ էր պաշտոնանկ անել ՍԴ նախագահին և անդամներին՝ նրանց կատարմամբ ապօրինությունները կասեցնելու նպատակով։ Խոսքը Ռոբերտ Քոչարյանի եւ առաջին ատյանի դատարանի հայտարարության քննարկման նպատակով հուլիսի 8-ին նշանակված ՍԴ նիստի մասին է", - ամփոփել է Սաֆարյանը։
Ազգային ժողովը երկրորդ եւ վերջնական ընթերցմամբ ընդունել է ՀՀ Սահմանադրության փոփոխությունների նախագիծը: "Իմ քայլը" խմբակցության նախագիծը փոփոխություններ է նախատեսում Սահմանադրական դատարանի նախագահի եւ անդամների լիազորությունների ժամկետը կարգավորող 213-րդ հոդվածում, ինչպես նաեւ մինչեւ Սահմանադրության յոթերորդ գլխի ուժի մեջ մտնելը նշանակված դատավորների հեռացում: Նախագիծը նախատեսում է նաեւ ՍԴ նախագահի լիազորությունների դադարեցում եւ նոր նախագահի նշանակում:
Այսպիսով, Հրայր Թովմասյանը, ում պաշտոնավարման 12-ամյա ժամկետը չի լրացել, կշարունակի աշխատել միայն որպես ՍԴ դատավոր: Հունիսի 26-ին ԱԺ-ի կողմից ընդունված սահմանադրական փոփոխություններն ուժի մեջ են մտել հունիսի 26-ին՝ դադարեցնելով ՍԴ դատավորներ Ալվինա Գյուլումյանի, Ֆելիքս Թոխյանի եւ Հրանտ Նազարյանի լիազորությունները: Երկու ամսվա ընթացքում պետք է ընտրվեն ՍԴ երեք նոր դատավորներ։