«ԳեոՊրոՄայնինգ» ընկերությունը պարգևատրեց իր ներկայության մարզերի   առողջապահական հաստատությունների 500 աշխատողի

Արմինֆո.«Բժշկական աշխատողի օրվա» կապակցությամբ «ԳեոՊրոՄայնինգ»միջազգային հանքարդյունաբերական ընկերությունների դիվերսիֆիկացված խումբը, որոշում կայացրեց պարգևատրել իր ներկայության մարզերի 500 բուժաշխատողի։ 
 

Ընկերությունը ամեն օր պայքարում է համաճարակի դեմ՝  համագործակցելով առողջապահական հաստատությունների հետ, պահպանելով պարետատան բոլոր որոշումները և պահանջները : Ընկերությունը նաև պայմանավորվածություն է ձեռք բերել առաջատար լաբորատորիաների հետ և իր սեփական միջոցներով իրականացնում է ընկերության աշխատողների լայնածավալ թեստավորում։

«ԳեոՊրոՄայնինգ» ընկերության նախագահ Ռոման Խուդոլիյ.

«Սիրելի՛ բուժաշխատողներ, ընդունեք մեր շնորհավորանքները Ձեր մասնագիտական ​​տոնի առթիվ: Երկար ժամանակ բուժաշխատողները՝ բժիշկները, բուժքույրերը, բժշկական հաստատությունների վարչական մասի աշխատողները, շտապօգնության անձնակազմի վարորդներն ու բժիշկները, լաբորատորիաների և դիսպանսերների աշխատակիցները գտնվում են համավարակի չհայտարարված պատերազմի առաջնագծում: Դուք արժանապատվորեն ընդունեցիք այս մարտահրավերը: Դուք պայքարում եք համավարակի դեմ ՝ փրկելով միլիոնավոր մարդկանց կյանքը՝ միևնույն ժամանակ վտանգելով ձերը:
Եվ սա ոչ միայն մեր գնահատականն է առողջապահության աշխատողներին, այլև պարզապես փորձ է վերադարձնել ձեզ մարդասիրության մի մասը, որը դուք այսօր տալիս եք հասարակությանը։ Ես խոնարհվում եմ ձեր առջև՝ ձեր մատուցած ծառայության, պրոֆեսիոնալիզմի և նվիրվածության համար, որով դուք կատարում եք ձեր պարտականությունը»։


Կորոնավիրուսային վարակի պատճառով կարանտինային միջոցառումների անհրաժեշտությամբ պայմանավորված՝  «ԳեոՊրոՄայնինգ» ընկերությունը, որի հայաստանյան ակտիվներում աշխատում է շուրջ 2500 մարդ, սանիտարական կանխարգելիչ միջոցառումներ իրականացնելու և վիրուսի տարածմանը հակազդելու նպատակով պարբերաբար լրացուցիչ միջոցներ է ձեռնարկում։ Սանիտարահիգիենիկ կանխարգելման նպատակով ընկերության ձեռնարկություններում համաճարակային իրավիճակը շուրջօրյա վերահսկվում է։  Հիվանդության կանխարգելման և ժամանակին հայտնաբերման նպատակով ծառայությունների գործունեությունը համակարգվում է մեկ կենտրոնից։ Բուժաշխատողները ավելացրել են այցելությունների և քննությունների քանակը: Ընկերության ձեռնարկություններն ապահովված են ախտահանիչ միջոցներով, ոչ կոնտակտային ջերմաչափերով և անհատական բժշկական պաշտպանիչ միջոցներով:  Պարբերաբար կատարվում է տրանսպորտի և աշխատատեղերի կանխարգելիչ ախտահանում։
 

Ընկերությունը իրականացնում է նաև հակաճգնաժամային  հումանիտար և սոցիալական ծրագրեր, որի ընդհանուր բյուջեն գերազանցում է 60 մլն դրամը: Մասնավորապես, ընկերության կողմից երկու ամիս շարունակ  60 տոննա սննդամթերք տրամադրվեց ազդակիր համայնքների 2 600 ընտանիքների, որոնք չունեն մշտական աշխատանք: Ընկերությունը նաև ֆինանսական օգնություն տրամադրեց Մեծ հայրենական պատերազմի մասնակիցներին և Արցախյան պատերազմում զոհված մարտիկների ընտանիքներին : 

Երեխաների պաշտպանության օրվա առթիվ իրականացվեցին երեխաների  առողջության պահպանմանը ուղղված  մի շարք ծրագրեր, մասնավորապես, «ԳեոՊրոՄայնինգ» ընկերությունը ֆինանսական օգնություն  ցուցաբերեց ընկերության ազդակիր համայնքների հաշմանդամություն ունեցող 160 երեխաների՝ դեղեր գնելու նպատակով (Գեղարքունիքի, Արարատի և Սյունիքի մարզերում): Ընկերության մշտական ուշադրության կենտրոնանում են նաև հեմատոլոգիական և նյարդաբանական հիվանդություններ ունեցող երեխաները։