Արմինֆո.Պաշտպանության նախարարի տեղակալ Գաբրիել Բալայանը համոզված է բանակում կատարված հանցագործությունների համար նախատեսված պատիժների խստության մեջ:
Լրագրողների հետ զրույցում պատասխանելով այն հարցին, թե արդյոք նա բանակում հանցագործությունների համար պատժի խստացման անհրաժեշտություն չի տեսնում,
հատկապես, չբացահայտված հանգամանքներում մահվան դեպքերի ֆոնին, Բալայանը փաստել է, որ դրանք առանց այդ էլ չափազանց խիստ են։ Նրա խոսքով՝ դա ակնհայտ է դառնում, երբ զուգահեռներ ես անցկացնում զինվորականների եւ քաղաքացիական անձանց կողմից նույն արարքի համար նախատեսված պատիժների միջեւ։ Ընդ որում, նա արձանագրել է, որ ոչ այնքան վաղուց, պատգամավոր Նաիրա Զոհրաբյանի առաջարկով խստացվել է պատիժը զինված ուժերում ինքնասպանության հասցնելու համար:
Նա նաև վստահեցրել է, որ հանցագործությունների բոլոր մեղավորները պատժի են ենթարկվում օրենքի ողջ խստությամբ, չնայած այն հանգամանքին, որ երբեմն տեղեկատվությունը չի հրապարակվում՝ անվտանգության նկատառումներից ելնելով, քանի որ հակառակորդն ամեն ինչ տեսնում է: Նա ընդսմին հավաաստիացրել է, որ ամեն ինչ արվում է ԶՈՒ-ում նման միջադեպերը նվազեցնելու և բացառելու համար։ Բալայանը հավելել է, որ աշխարհում չկան զինված ուժեր, որտեղ նման միջադեպեր չեն լինում։
"Ես չեմ ասում, որ դա նորմալ է ։ Բայց ոչ ոք ապահովագրված չէ նման միջադեպերից ։ Նույնիսկ՝ աշխարհի լավագույն բանակները, որոնց թվում է նաև հայոց բանակը", - ասել է պաշտպանության փոխնախարարը, միաժամանակ չհամաձայնելով, որ մենթալիտետը չի փոխվել, և հենց դրանով են պայմանավորված միջադեպերը ։ Նրա խոսքով ՝ երիտասարդների մտածելակերպը փոխվել է, սակայն դեռ աշխատելու բան կա՝ վերահսկողության խստացումից մինչեւ կադրերի պրոֆեսիոնալիզմի եւ նրանց բարոյահոգեբանական վիճակի բարձրացում։
Բալայանը նաև կարծում է, որ պետք չէ բացեր փնտրել օրենքում, որոնցով կարելի է արդարացնել այդ հանցագործությունները, անհրաժեշտ է ապահովել կանոնադրության խիստ պահպանում:
"Ես նաև բացառում եմ, որ նման միջադեպերը պայմանավորված են բանակում անպատժելիության մթնոլորտով։ Նման բան, պարզապես, բացառված է", - ասել է պաշտպանության փոխնախարարը, հավելելով, որ պետք չէ խուսափել ԶՈւ շարքերում առաջնորդներից, քանի որ ռազմական գործողությունների ժամանակ հենց այդ առաջնորդների հետևից կգնան։
Հավելենք, որ վերջին միջադեպը տեղի է ունեցել նախօրեին Արցախում։ Ժամկետային զինծառայողը հայտնաբերվել է մարտական դիրքում ՝ գլխի շրջանում ստացած համացու հրազենային վնասվածքով: Փաստի առթիվ ՀՀ ՔԿ-ում քրեական գործ է հարուցվել ՀՀ ՔՕ 104 հոդվածի 1-ին մասի հատկանիշներով (սպանություն):