Արմինֆո. Հրապարակվել է Արտակարգ դրության պետական հանձնաժողովի եզրափակիչ նիստում երկրի ղեկավարի ելույթի ամբողջական տեքստը:
Դրանում հակիրճ ասվում է․
Առաջին՝Ղազախստանի տնտեսության ինքնաբավության բարձրացում
Դրա համար պետք է զարգացնել նոր վերափոխումներն արդյունաբերությունում ՝առկա հզոր հումքային բազայի հիման վրա։
Մեզ հարկավոր է նորովի նայել ղազախական տնտեսության ապագա կառուցվածքին։ Որոշել յուրաքանչյուր սեկտորի՝ արդյունաբերական, էներգետիկ, գյուղատնտեսական, սպասարկման, դերակատարութոյունը։ Այլ կերպ ասած ՝ պետք է շտապ կարգով կառուցել տնտեսության նոր կառուցվածք։
Երկրորդ՝կշարունակենք առավելագույն աջակցություն ցուցաբերել գյուղատնտեսներին
Ղազախստանում շուրջ 1 մլն 700 հազար անձնական օժանդակ տնտեսություն կա ։ Սակայն,վերջիններիս արտադրանքը պաշտոնապես չի վաճառվում առևտրային օբյեկտների միջոցով և չի մտնում վերամշակող ձեռնարկություններ ։ Պետությունը դրանցից հարկեր չի ստանում, նման տնտեսություններում զբաղվածները գործնականում սոցիալապես պաշտպանված չեն։
Հանձնարարում եմ կառավարությանը<Ատամեկեն>ձեռնարկատերերի ազգային պալատի հետ համատեղ մի քանի տարածաշրջաններում գործարկել կոոպերացիոն շղթայի զարգացման պիլոտային նախագիծ: Այնուհետև կարելի է ձեռնամուխ լինել նախագծի մասշտաբայնացմանը,և 2021 թվականի կեսերին մշակել լիարժեք ծրագիր։
Երրորդ՝տնտեսության զարգացման, զբաղվածության աճի հզոր խթան և սոցիալական աջակցության գործոն պետք է դառնա մատչելի բնակարանների կառուցումը։
Ելբասիի նախաձեռնած<7-20-25>ծրագիրը մեծ թափ հաղորդեց հիփոթեքային վարկավորմանը և բնակարանաշինությանը ։
Հանձնարարում եմ գործարկել<5-10-20>վարկային բնակարաններով ապահովման նոր նախագիծ ։ Այդ նպատակով հակաճգնաժամային միջոցների շրջանակներում մենք կհատկացնենք 390 մլրդ տենգե։
Չորրորդ՝ կարծում եմ, որ հանուն սոցիալական արդարության ժամանակն է դիտարկել աշխատավարձերի եւ այլ տեսակի եկամուտների նկատմամբ անհատական եկամտակարկի պրոգրեսիվ սանդղակի կիրառման հարցը
Պրոգրեսիվ սանդղակի իմաստն այն է, որ ոչ բարձր աշխատավարձով քաղաքացիները ավելի քիչ են վճարելու, քան այսօր, իսկ բարձր վարձատրվող աշխատողների համար վճարվող հարկի գումարը կավելանա։
Մեր հիմնական նպատակն է՝ <ստվերից> դուրս բերել աշխատավարձերի առավել զանգվածային, ոչ թափանցիկ ստորին հատվածը։
Հինգերորդ՝աջակցություն ազգային բիզնեսին
Պահանջարկի անկման, ակտիվների եւ գրավների շուկայական արժեքի նվազման պայմաններում չափազանց կարեւոր է օգտագործել<Դամու>հիմնադրամի կողմից վարկերի երաշխավորման գործիքը:
Հիմնադրամի երաշխիքները կտարածվեն Ազգային բանկի՝ շրջանառու միջոցների վարկավորման ծրագրի շրջանակներում տրամադրվող վարկերի վրա:
Վեցերորդ՝օտարերկրյա կապիտալի համար ուժեղացված մրցակցության պայմաններում պետք է անցնել կապիտալի յուրաքանչյուր սեփականատիրոջ հետ ուղղակի աշխատանքի:
Պետք է մշակել անհատական աջակցության միջոցներ յուրաքանչյուր ներդրողի համար՝ ընդհանուր առմամբ տնտեսության վրա պոտենցիալ ազդեցության և առաջնահերթության հիման վրա։
Այս կարեւոր աշխատանքի շրջանակներում կառավարությունը պետք է ապահովի ամբողջ ներդրումային օրենսդրության կայունության ռեժիմը առաջնային ոլորտներում ռազմավարական ներդրողների համար:
Յոթերորդ՝ցավոք, ինչպես և ամբողջ աշխարհում, մեզ չի հաջողվի պահպանել բոլոր ձեռնարկություններն ու բոլոր աշխատատեղերը, ապահովել յուրաքանչյուր բիզնեսի կայունությունը
Ուստի կարեւոր է նորմատիվ մակարդակով արտակարգ դրության ռեժիմի սահմանումը ճանաչել տնտեսության այն հատվածների համար ֆորս-մաժորային հանգամանք, որոնք առավել տուժել են արտակարգ դրության ռեժիմի սահմանումից:
Բանկային կառույցները պետք է մշակենչաշխատող ակտիվների իրացման առարկայական ծրագրեր՝ միաժամանակ ուժեղացնելով բանկերի պատասխանատու անձնակազմի վերահսկողությունը եւ գնահատումը։
Ֆինանսական շուկայի կարգավորման և զարգացման գործակալությանն անհրաժեշտ է ուժեղացնել սթրեսային ակտիվներ ունեցող բանկերի մոնիթորինգը եւ վերահսկողությունը:
Համակարգային լուծում է՝ չաշխատող ակտիվների քաղաքակիրթ շուկայի ստեղծումը։ Պետք է ստեղծելարժեթղթավորման եւ ապահովագրության պարզ եւ աշխատող մեխանիզմ։