Արմինֆո. Արցախի համար կարևոր է Լեռնային Ղարաբաղի հակամարտության ընդունելի, համապարփակ և վերջնական կարգավորումը, իսկ թե ինչ ճանապարհով հասնել նպատակին՝ փուլային կամ փաթեթային, երկրորդական հարց է։ ԱրմԻնֆո-ի թղթակցի հետ զրույցում այդպիսի կարծիք է հայտնել Արցախի նախագահի մամուլի քարտուղար Դավիթ Բաբայանը։
Նրա խոսքով՝ Արցախում բազմիցս կարևորել են խնդրի կարգավորման փիլիսոփայությունը, այլ ոչ թե նպատակին հասնելու տեխնոլոգիաները։
"Եթե մենք վերցնում ենք հակամարտության փուլային կարգավորման փիլիսոփայությունը, ապա առաջին փուլում պետք է լուծվեն ամենակարևոր հարցերը։ Օրինակ, Ադրբեջանը Արցախը ճանաչում է որպես անկախ պետություն, իսկ ԼՂՀ-ն արդեն Ադրբեջանը։ Ապա, կարելի է դիտարկել սահմանների, հաղորդակցության հարցը, այսինքն, հարցերի կարևորության աստիճանական նվազեցմանը զուգահեռ", - նշել է Բաբայանը, հավելելով, որ այն դեպքում, երբ Ադրբեջանը փորձում է հակամարտության կարգավորման տեխնոլոգիան քողարկել փուլային կարգավորման փիլիսոփայության տակ, ինչն, իր հերթին, ընդունման դեպքում, կհանգեցնի արցախյան պետականության ապամոնտաժման: Ընդ որում, նա հավելել է, որ դա հղի է ապագայում հայկական պետականության համար լուրջ հետեւանքներով:
Արցախի նախագահի ներկայացուցիչը ափսոսանք է հայտնել այն առնչությամբ, որ ադրբեջանական կողմն այսօր ձգտում է ոչ թե լուծել հակամարտության պատճառները, այլ պարտադրել կարգավորման իր տեսլականը ՝ առաջարկելով անընդունելի և ոչ հավասարազոր քայլեր:
"Այդ կապակցությամբ մենք բազմիցս ընդգծել ենք, որ սահմանների եւ կարգավիճակի հարցով անցյալին վերադարձ չի կարող լինել։ Խաղաղ գործընթացում կողմերի քայլերը պետք է համարժեք լինեն։ Իսկ այն, ինչ այսօր առաջարկում է Ադրբեջանը, ընդունման դեպքում կհանգեցնի աղետի", - եզրափակել է ԼՂՀ նախագահի մամուլի խոսնակը:
Ավելի վաղ ՀՀ ԱԳ նախարար Զոհրաբ Մնացականյանը նշել էր, որ Երևանում հնարավոր են համարում ղարաբաղյան հակամարտության փուլային լուծումը՝ կողմերի պարտավորությունների հարաբերակցության խիստ պահպանմամբ: Նա նշել է, որ հակամարտության փուլային կարգավորումը հնարավոր է միայն այն դեպքում, եթե հակամարտության բոլոր կողմերի համար պարիտետային փոխզիջումներ առաջարկվեն: "Եթե ինչ - որ մեկը կարծում է, որ փուլային տարբերակ կընտրվի պարտավորությունների հարաբերակցության խախտմամբ, ապա սխալվում է։ Ինչպես ասել է մեր գործընկերներից մեկը, փուլային տարբերակը հնարավոր է, բայց Արցախի կարգավիճակի հարցի սկզբնական լուծման դեպքում, իսկ հետո արդեն մնացած ամեն ինչ", - ընդգծել Է նախարարը, հավելելով, որ կարեւոր չէ, թե ինչպիսին կլինի լուծումը, փուլային կամ փաթեթային, կարեւորը ՝ կարգավորման ծրագրի իրականացման դեպքում հավասարակշռության պահպանումն է։ Նշենք, որ ապրիլի 21-ին Ռուսաստանի ԱԳ նախարար Սերգեյ Լավրովը հայտարարել էր, որ կողմերը քննարկում են ղարաբաղյան հարցի կարգավորման փուլային ճանապարհը՝ առաջին փուլում ենթադրելով առավել հրատապ խնդիրների լուծում, Լեռնային Ղարաբաղի շուրջ մի շարք շրջանների ազատում եւ տրանսպորտային, տնտեսական եւ այլ հաղորդակցությունների ապաշրջափակում: ավրովի այս հայտարարությունը հասարակական լայն արձագանք է գտել Հայաստանում։ Այս հայտարարությանը արձագանքել է նաև ՀՀ ԱԳ նախարար Զոհրաբ Մնացականյանը, ով անդրադառնալով տարածքային զիջումների մասին հարցին, վստահեցրել է, որ հայկական կողմերից ոչ մեկը չի կարող գնալ զիջումների, որոնք կարող են վտանգել Արցախի բնակչության անվտանգությունը։