Արմինֆո. Գեղարքունիքի մարզը վերադարձրել է կորոնավիրուսից զերծ միակ մարզի համբավը։
Ապրիլի 11-ին, հաղորդվել էր Գեղարքունիքի մարզում COVID-19-ով առաջին հիվանդի մասին։ Մեկ օր անց հայտնի էր դարձել, որ կորոնավիրուսի երկրորդ թեստավորման արդյունքը բացասական է: Վերաապահովագրվելու համար բժիշկները որոշել էին անցկացնել երրորդ թեստը։ Ինչպես Facebook-ի իր էջում հաղորդել է մարզպետ Գնել Սանոսյանը, երրորդ թեստի արդյյյյունքը նւոնյպես բաաացասական է:
«Գեղարքունիքի մարզի սիրելի' բնակիչներ. Ինչպես երեկ հայտնել էի, կորոնավիրուսով կասկածվող հիվանդին անհրաժեշտություն է առաջացել երրորդ անգամ հետազոտել։ Դրական լուր ունեմ բոլորիս համար` այն բացասական է։ Մեր պացիենտի բուժսպասարկման հետագա ընթացքը կկատարվի ըստ բժշկական ցուցումների։ Շնորհակալություն եմ հայտնում Առողջապահության համակարգի մեր գործընկերներին, այս դեպքում հատկապես Նորք Ինֆեկցիոն կլինիկական հիվանդանոցի եւ Սուրբ Գրիգոր Լուսավորիչ բժշկական կենտրոնի բոլոր բուժաշխատողներին, ովքեր այս օրերին աշխատում են գերծանրաբեռնված, անձնվիրաբար պայքարում յուրաքանչյուր հիվանդի առողջության եւ կյանքի համար եւ ցուցաբերում մասնագիտական բարձր պրոֆեսիոնալիզմ։ Շարունակում եմ հորդորել խստորեն հետեւել պարետի ցուցումներին, պահպանել հիգիենայի կանոնները, տանից դուրս գալ խիստ կարիքի պարագայում։
Եվ հետեւեք պաշտոնական լրահոսին։ Առողջ եղե՛ք», - գրել է մարզպետը։
Հավելենք, որ, վերջին տվյալների համաձայն, Հայաստանում հաստատվել է կորոնավիրուսի 1067 դեպք, ապաքինվել է 265 մարդ: Այս պահին փաստացի բուժում է ստանում 786 քաղաքացի։