Արմինֆո.ԿԳՄՍՆ-ն սկսել է հավաքագրել համակարգչային սարքեր` ուսուցիչներին և աշակերտներին տրամադրելու համար։ Այս մասին ասվում է նախարարության ֆեյսբուքյան էջում։ ՀՀ կրթության, գիտության, մշակույթի և սպորտի նախարարության համաձայն՝ դպրոցականների և ուսուցիչների շուրջ 10 տոկոսը չունեն համապատասխան սարքեր, և առնվազն 21.000 նման սարքերի կարիք կա մարզերում։
Անհատներն ու կազմակերպությունները դրանք կարող են ներկայացնել Երևանի Խ. Դաշտենցի անվան թիվ 114 ավագ դպրոց (հասցե` Երևան, Հանրապետության փող., 73 շենք, հեռ` 091202960):
Սարքավորումների համար սահմանված տեխնիկական չափանիշներն ու նվազագույն տվյալներն այստեղ՝ https://heravar.armedu.am/main/news/22։
Տեղեկացվում է, որ նվիրաբերված սարքերը փոխանցվելու են դրանց կարիքն ունեցող մեր աշակերտներին և մանկավարժներին` հեռավար կրթության հասանելիությունն ընդլայնելու և արդյունավետությունը բարձրացնելու նպատակով: