ԵԱՀԿ-ում մտահոգված են Հայաստանում ԶԼՄ-ների ազատության սահմանափակման առնչությամբ

Արմինֆո. ԵԱՀԿ մամուլի ազատության հարցերով ներկայացուցիչ Արլեմ Դեզիրը հանդես է եկել հայտարարությամբ, որում մտահոգություն է հայտնել Հայաստանում ԶԼՄ-ների ազատության սահմանափակման կապակցությամբ:

ԱրմԻնֆո-ին տրամադրված ԵԱՀԿ հայտարարության մեջ նշվում է, որ Դեզիրը մտահոգություն է հայտնել քրեական և վարչական օրենսգրքերի փոփոխությունների փաթեթի վերաբերյալ, որը Հայաստանում ընդունվել է մարտի 23-ին՝ COVID-19 համավարակին առնչվող ապատեղեկատվության դեմ պայքարի համատեքստում:

Կազմակերպության հաղորդագրության մեջ արձանագրվում է, որ ՀՀ-ում սահմանված արտակարգ դրության կապակցությամբ "լրագրողական գործունեություն իրականացնող ցանկացած կազմակերպության" (տերմինը ներառում է էլեկտրոնային հրապարակումներ, որոնք ԶԼՄ-ների գործունեության մաս չեն համարվում) կթույլատրվի հրապարակել միայն պաշտոնական տեղեկատվություն' կապված կորոնավիրուսի առնչությամբ երկրում  տիրող իրավիճակի հետ: Կազմակերպությունում նշում են, որ Հայաստանի կառավարությունը դա բացատրում է երկրում խուճապից խուսափելու, ինչպես նաեւ կորոնավիրուսով հիվանդների նկատմամբ ագրեսիայից խուսափելու անհրաժեշտությամբ:

ԵԱՀԿ-ում նաեւ ընդգծել են, որ լրագրողներն ու խմբագիրները քննադատել են այդ որոշումը, նկատելով, որ չկա հստակ սահմանում, թե որ հաղորդագրությունները կարող են խուճապ առաջացնել կամ չառաջացնել:

"Ես լիովին հասկանում եմ նոր օրենքի նպատակը՝ խուսափել խուճապից, ագրեսիայից եւ պայքարել COVID - 19 պանդեմիայի ժամանակ ապատեղեկատվության դեմ։ Միևնույն ժամանակ, ԶԼՄ-ները առանցքային դեր են խաղում բնակչությանը կարևոր տեղեկատվություն տրամադրելու և համաճարակի հետ կապված կեղծ լուրերին դիմակայելու գործում։ Օրենքը չպետք է խոչընդոտի լրագրողների աշխատանքին եւ համավարակի մասին հաղորդելու հնարավորությանը ։ Միայն իշխանությունների տրամադրած տեղեկատվության հրապարակումը լուրջ սահմանափակող միջոց է, որը կսահմանափակի ԶԼՄ - ների ազատությունն ու տեղեկատվության անհամաչափ հասանելիությունը", - ընդգծել է Դեզիրը։

ԵԱՀԿ-ում նաեւ նկատել են, որ արտակարգ դրության ժամանակ խախում որակվող հրապարակումների համար առավելագույն տուգանքը սահմանվել է 300 000 դրամ (600 դոլար) չափով, իսկ արգելված տեղեկատվության հեռացումից հրաժարումը 24 ժամվա ընթացքում՝ կտուգանվի նվազագույն աշխատավարձից 500-1000 անգամ ավելի (1,000 - 2,000 դոլար):

Դեզիրը նաեւ հիշեցրել Է անցյալ շաբաթ ՄԱԿ-ի հատուկ զեկուցողի հետ համատեղ տարածված հայտարարության մասին՝ կարծիքների ազատության իրավունքի խրախուսման ու պաշտպանության եւ ազատ արտահայտման վերաբերյալ, որում, մասնավորապես, ընդգծվել է, որ "մարդու առողջությունը կախված է ոչ միայն դյուրամատչելի բուժսպասարկումից ։ "Դա կախված է նաեւ սպառնալիքների բնույթի եւ իրենց, իրենց ընտանիքի եւ իրենց համայնքի պաշտպանության մասին ճշգրիտ տեղեկատվության հասանելիությունից: Ավելին, տեղեկատվության հասանելիության իրավունքը նշանակում է, որ կառավարությունները պետք է բացառիկ ջանքեր գործադրեն լրագրողների աշխատանքը պաշտպանելու համար ։ Լրագրությունը կարեւորագույն գործառույթ է իրականացնում հանրային առողջապահության արտակարգ իրավիճակի պահին, հատկապես, երբ այն ուղղված է հանրությանը քննադատորեն կարեւոր տեղեկատվության մասին տեղեկացնելուն եւ կառավարության գործողությունների մոնիթորինգին":

Հիշեցնենք, որ ԵԱՀԿ Մամուլի ազատության հարցերով ներկայացուցիչը հետևում է իրադարձությունների զարգացմանը ԵԱՀԿ անդամ  բոլոր 57 պետություններում։ Այն ապահովում է խոսքի ազատության եւ ԶԼՄ-ների ազատության խախտումների  կանխարգելումը եւ նպաստում  ԶԼՄ-ների ազատության բնագավառում ԵԱՀԿ պարտականությունների լիարժեք կատարմանը: