Երեթշաբթի, 24 Մարտի 2020 10:50
Ալեքսանդր Ավանեսով

Նախարար. Հայաստանում կորոնավիրուսով հիվանդացության նոր դեպքեր կարձանագրվեն, բայց կաճի նաեւ ապաքինված քաղաքացիների թիվը

Նախարար. Հայաստանում կորոնավիրուսով հիվանդացության նոր դեպքեր կարձանագրվեն, բայց կաճի նաեւ ապաքինված քաղաքացիների թիվը

Արմինֆո. Հայաստանում կորոնավիրուսով հիվանդացության նոր դեպքեր դեռ արձանագրվելու են, բայց կավելանա նաև  առողջացած քաղաքացիների թիվը։ Facebook-ի ուղիղ եթերի ընթացքում այդպիսի համոզմունք է հայտնել առողջապահության նախարար Արսեն Թորոսյանը։

Նրա խոսքով ՝ ներկայում հանրապետությունում կորոնավիրուսի թեստավորման 235 դրական արդյունք կա, վարակակիրների մի մասն ախտանշաններ չունեն: Նախարարը նաև հույս է հայտնել, որ առաջիկա ժամերին կորոնավիրուսի թեստավորման բացասական արդյունքներ կստացվեն, եւ այդ թվից 15  մարդ կհանեն։ Բացի այդ, ակնկալվում է, որ 70 քաղաքացիների մեկուսացումը կավարտվի։ "Դրա հավանականությունը չափազանց մեծ է", - ասել է նախարարը, հավելելով, որ այս պահին վերակենդանացման բաժանմունքում բժիշկների հսկողության տակ գտնվող վեց քաղաքացիների կյանքին վտանգ չի սպառնում:

 

Նախարարի հավաստմամբ, Հայաստանում կան բոլոր դեղամիջոցները, որոնք աշխարհում օգտագործվում են գոնե փորձարարական մակարդակով։ Ինչ վերաբերում է վերջին 41 դեպքերին, ապա դրանք հաստատվել են կիրակի եւ երկուշաբթի օրերին, ինչը ավելի ցածր է, քան նախորդ օրերին: "Մենք փորձում ենք կանխել հիվանդության տարածումը մեկուսացման եւ ինքնամեկուսացման միջոցով", - ասել է Թորոսյանը:

Նախարարը ողջունել է այսօրվանից սրճարանների, ռեստորանների և որոշ արտադրությունների գործունեության փակումը, ինչը կարևոր քայլ է հիվանդության տարածումը կանխելու ուղղությամբ: Նախարարը բոլորին կոչ է արել տանը մնալ, քանի որ զանգվածային վարակումները դժվարացնում են հիվանդության տարածումը կանխելուն նպատակաուղղված գործունեությունը։ "Դա նաեւ կարեւոր է մի քանի հիվանդանոցների վերազինումը ավարտին հասցնելու համար, մի քանի օր է հարկավոր, որպեսզի մեզ մոտ հայտնվի 500-600 նոր մահճակալ, որոնք նախատեսված են հենց կորոնավիրուսով հիվանդների բուժման համար։ Հետևեք կանոններին, որպեսզի մենք կարողանանք արժանապատվորեն դիմագրավել գլոբալ մարտահրավերը և իրավիճակից  դուրս գալ մեր հայրենիքի համար նվազագույն կորուստներով", - ասել է Թորոսյանը։  Նա նաեւ նշել է համաճարակի աճն աշխարհում, հատկապես, Իտալիայում։ Համաճարակի արդյունքում արդեն 6 հազար մարդ է մահացել։ Ընդ որում, այդ թիվն ամեն օր ավելանում է։

 

Նշենք, որ ՉԺՀ առողջապահության պետական կոմիտեի վերջին տվյալների համաձայն, Չինաստանում կորոնավիրուսով հիվանդների թիվն օրեցօր նվազում է, ներկայում հիվանդանոցներում է մնում 4 735 մարդ, ընդ որում ՝ բոլոր վարակվածների ավելի քան 90 տոկոսն ապաքինվել է:

 

Առողջապահության համաշխարհային կազմակերպության վերջին տվյալներով ՝ աշխարհում արդեն ավելի քան 330 հազար մարդ է վարակվել կորոավիրուսով, ավելի քան 14,5 հազարը մահացել է:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի