Arminfo.info





 Երեթշաբթի, 17 Մարտի 2020 13:25
Անի Մշեցյան

Մասիս Մայիլյան. Մենք մտադիր ենք ստեղծել արդյունավետ կառավարման համակարգ, որն ի վիճակի կլինի պատասխանել արտաքին և ներքին մարտահրավերներին

Մասիս Մայիլյան. Մենք մտադիր ենք ստեղծել արդյունավետ կառավարման համակարգ, որն ի վիճակի կլինի պատասխանել արտաքին և ներքին մարտահրավերներին

Արմինֆո. ԱրմԻնֆո-ի թղթակցի հետ հարցազրույցում ԼՂՀ նախագահի թեկնածու, Արցախի արտաքին գործերի նախարար Մասիս Մայիլյանը պատմել է իր նախընտրական քարոզարշավի հիմնական առաջնահերթությունների, նպատակների ու խնդիրների, Արցախ-Հայաստան հարաբերությունների, նախընտրական քարոզչության և այլնի մասին:

 

- Պարոն Մայիլյան, պատմեք Ձեր նախընտրական ծրագրի առանձնահատկությունների մասին:

 

Մեր ծրագրի առանձնահատկությունը բխում է մեր պետության ՝ ներկա պահին ստեղծված իրողություններից։ Կարծում ենք, որ Արցախի ներկայիս քաղաքական համակարգը չի համապատասխանում ժամանակի հրամայականներին և զսպում է մեր երկրի զարգացումը։ Բիզնեսի հետ պետական կառավարման համակարգի սերտաճման զգալի աստիճանը սկսում է լուրջ սպառնալիք ներկայացնել ազգային անվտանգությանը ։ Նման հանգամանքներում որոշումների ընդունման համակարգը չի կարող համապատասխանել հասարակության եւ պետության շահերին։ Վերջին տարիների շատ կարևոր իրադարձություններ վկայում են նման մոտեցման անարդյունավետության մասին։ Մենք չենք կարող մեզ թույլ տալ շարունակել պահպանել նկարագրված պրակտիկան։ Մեր բոլոր բարեփոխումները բխելու են նաև իմ նկարագրած իրողությունների փոփոխության խնդրից:

 

- Ի՞նչ նպատակներ և խնդիրներ եք դնում ձեր առջև:

 

Բարեփոխումների մեր ծրագրի առանցքային խնդիրը քաղաքական և տնտեսական գործունեության ոլորտների իրավական կարգավորումն է։ Մեր նպատակը քաղաքական կառույցների և պետական ինստիտուտների նկատմամբ կապիտալի բռնապետության մեխանիզմների վերացումն է։ Մենք ծրագրում ենք մի շարք փոխկապակցված օրենքների ընդունման ճանապարհով ստեղծել սեփականության պաշտպանության մեխանիզմներ, ինչը կվերացնի պատգամավորական մանդատներին և պետական պաշտոններին ամեն գնով տիրանալու խոշոր սեփականատերերի շարժառիթները: Բիզնեսն ու ձեռնարկատիրական գործունեությունը պետք է օրենսդրորեն և փաստացի տարանջատվեն։ Քաղաքական կուսակցությունները նույնպես չպետք է կախված լինեն խոշոր սեփականատերերի ֆինանսական հնարավորություններից: Ազատ ընտրությունների վրա ոչ մի ստվերային մեխանիզմ չպետք է լինի։

 

Ասվածը չի նշանակում, որ բյուջետային միջոցների հաշվին ապօրինի հարստացման փաստերն անտեսվելու են ։ Ոչ ոք չի կարող ժխտել անարդարության առկայությունը մեր երկրի սոցիալ-տնտեսական կյանքում։ Սեփականության և ձեռներեցության իրավական պաշտպանության ծրագրի շրջանակներում կլուծվի նաև առանձին դատական որոշումների հիման վրա ապօրինի ձեռք բերված կապիտալը վերադարձնելու խնդիրը ։ Սեփականությունը չի կարող ամուր պաշտպանված լինել, եթե հասարակությունը չի ճանաչում այդ սեփականության օրինականությունը։ Միայն ազգային հարստության արդար բաշխումը կարող է համաձայնության մթնոլորտ ստեղծել հասարակությունում: Մենք մեր առջև երկրում նման մթնոլորտ ձևավորելու խնդիր ենք դնում։ Այս ծրագիրը կարող է պայմանականորեն անվանել տնտեսական համաներում ՝ հանրությանը հասցված վնասի փոխհատուցման բավական կոշտ պայմաններով։

 

Ձեր տեսանկյունից ո՞րն է առաջնահերթություն ՝ Հայաստանի հետ վերամիավորումը, թե՞ անկախությունը։

 

Հայաստանի Հանրապետության և Արցախի հարաբերությունների իրավական լղոզվածության փաստը գնալով ավելի խորը խնդիրներ է ստեղծում մեր

Ժողովրդի համար։ Մենք գործ ունենք իրավաքաղաքական դիսոնանսի հետ ։ Հայաստանի անկախության մասին հռչակագրում պահպանվող՝ Հայաստանի Գերագույն խորհրդի եւ Լեռնային Ղարաբաղի Ազգային խորհրդի 1989թ.դեկտեմբերի 1-ի համատեղ որոշումը՝ 1992 թվականի ԼՂՀ Անկախության հռչակագրի ֆոնին, ոչ մի կերպ չի կարգավորում պաշտոնական Երեւանի եւ Ստեփանակերտի փոխհարաբերությունների իրավական դաշտը: Արցախի քաղաքացիները, ըստ էության զրկված են շատ քաղաքական իրավունքներից: Այդ հարցերը երկար ժամանակ չեն քննարկվել։ Հետևաբար՝ պահպանվում է հայ հանրության շրջանում կարծիքների անհաշտ դիմակայության մթնոլորտը։ Մենք մտադիր ենք լրջորեն զբաղվել այդ խնդրով։

 

Հայաստանի հասարակությանը շատ է հետաքրքրում այն հարցը, թե ինչու է պաշտպանության նախկին նախարար Սամվել Բաբայանը որոշել աջակցել Ձեզ ձեր ընտրարշավում։ Պատմեք, խնդրեմ, այս մասին ավելի մանրամասն: Ըստ Ձեզ ՝ ինչո՞ւ է Բաբայանը որոշել աջակցել Ձեզ։

 

Ընդհանրապես, հարցի հիմնական մասը պետք է հասցեագրվի Սամվել Բաբայանին ։ Նա բազմիցս արտահայտվել է իր որոշման մասին ։ Մենք ունենք երկրում արմատական բարեփոխումներ իրականացնելու և կառավարման արդյունավետ համակարգ ստեղծելու ընդհանուր ձգտում, որն ի վիճակի կլինի պատասխանել արտաքին և ներքին մարտահրավերներին ։ Բացի այդ, վերջերս ավելի քան քսան հազար մարդ պաշտպանել է պաշտպանության նախկին նախարարին ակտուալ քաղաքականություն վերադարձնելու նախաձեռնությունը։ Ես չէի կարող անտեսել իմ թեկնածությունը պաշտպանելու նրանց պատրաստակամությունը։ Դրանք մեր քաղաքացիներն են, և նրանց կարծիքը կարևոր է ինձ համար ։ Առավել ևս, որ իմ նախընտրական ծրագրի և <Միասնական հայրենիք> կուսակցության ծրագրի միջև տարաձայնություններ չկան։

 

Վերջերս Ձեզ և ձեր թիմի ներկայացուցիչներին կապում են Սորոսի հիմնադրամի հետ ։ Ինչպե՞ս կմեկնաբանեք այս հանգամանքը։

 

Մեր քաղաքական թիմում չկան մարդիկ, ովքեր դրամաշնորհներ են ստանում Սորոսի հիմնադրամից, և այդ հիմնադրամը երբեք չի համագործակցել Արցախի ոչ կառավարական կազմակերպությունների հետ։ <Բաց հասարակություն> հիմնադրամի թեման, ինչպես թվում է, վաղուց արդեն դարձել է քաղաքականապես ակտիվ շատ խմբերի զուտ ներքաղաքական պլատֆորմաների հիմքը։ Կառուցողական գաղափարներ չունեցող քաղաքական գործիչները պարզապես ստեղծում են քայքայիչ ուժերի կերպարներ իրենց մրցակիցների շրջանում։ Սա քաղաքական հակառակորդներին վարկաբեկելու՝ խորհրդային ԿԳԲ-ի ոճով ծրագրված գործողություն է ։ Սկզբում տեղի է ունենում Սորոսի և նրա հիմնադրամների դեմոնացման տեղեկատվական արշավ, ապա իրենց համար  անցանկալի գործիչներին <սորոսականի> պիտակ կպցնելու փորձեր են արվում:

Այդ փորձերն ապարդյուն են՝ այն պարզ պատճառով, որ ես երբեք չեմ համագործակցել <Բաց հասարակություն> հիմնադրամի հետ։

 

Որպես անկախ փորձագետ՝ իմ հանրային գործնեության ընթացքում մասնակցել եմ հետազոտական և խաղաղարար ծրագրերի, որոնք իրականացվել են Եվրոպական միության աջակցությամբ։ Վարկաբեկման օպերացիաների հեղինակները վատ կարծիք ունեն մեր ժողովրդի մասին։ Հաշվարկն արվում է այն հույսով, որ մարդիկ չեն կարողանա «Բաց հասարակություն» հիմնադրամը տարբերել Հայաստանի Հանրապետության հիմնական գործընկերներից մեկը հանդիսացող Եվրոպական միությունից:

 

Ինչպե՞ս եք գնահատում հաղթելու Ձեր շանսերը:

 

Շատ բարձր. Քաղաքացիների հետ շփումն ավելի ու ավելի է ամրապնդում հաղթանակի վստահությունը։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Էդմոն Մարուքյանը մտահոգված է Ռուսաստանում հայկական համարանիշերով մեքենաների խնդրովԷդմոն Մարուքյանը մտահոգված է Ռուսաստանում հայկական համարանիշերով մեքենաների խնդրով
Դիմորդները խոստացել են բուհ ընդունվելու համար պայքարը շարունակել ամենօրյա ռեժիմովԴիմորդները խոստացել են բուհ ընդունվելու համար պայքարը շարունակել ամենօրյա ռեժիմով
Հայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիսՀայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիս
Սերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակըՍերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակը
Փորձագետ. Ալիեւներին ձեռնտու չէ մեծ պատերազմը ԿովկասումՓորձագետ. Ալիեւներին ձեռնտու չէ մեծ պատերազմը Կովկասում
Արծրուն Հովհաննիսյան. Հուլիսի 13-ը կմտնի պատմության մեջ՝ որպես հայկական արտադրության մարտական ԱԹՍ-ների մարտական կիրառության օրԱրծրուն Հովհաննիսյան. Հուլիսի 13-ը կմտնի պատմության մեջ՝ որպես հայկական արտադրության մարտական ԱԹՍ-ների մարտական կիրառության օր
Ռոբերտ Քոչարյան. Հայաստանի ապագան կազմակերպված պետությունն էՌոբերտ Քոչարյան. Հայաստանի ապագան կազմակերպված պետությունն է
Հայաստանի նախագահը եւս մեկ անգամ դեմ է արտահայտվել գույքահարկին վերաբերող օրենքին. Թվում է, թե ցանկացած օրենք ընդամենը թվաբանություն է, թվերի մասին է, սակայն այդ թվաբանության հետևում մարդկային կյանքեր ենՀայաստանի նախագահը եւս մեկ անգամ դեմ է արտահայտվել գույքահարկին վերաբերող օրենքին. Թվում է, թե ցանկացած օրենք ընդամենը թվաբանություն է, թվերի մասին է, սակայն այդ թվաբանության հետևում մարդկային կյանքեր են
Արցախի ԱԳՆ. Ադրբեջանը փորձում է բանակցային գործընթացում արդյունքների բացակայության մեղքը բարդել ԵԱՀԿ ՄԽ ներկայացուցիչների վրաԱրցախի ԱԳՆ. Ադրբեջանը փորձում է բանակցային գործընթացում արդյունքների բացակայության մեղքը բարդել ԵԱՀԿ ՄԽ ներկայացուցիչների վրա
«ՄՏՍ Հայաստանը» կգործարկի «Բարև բալիկ» ծրագիրը«ՄՏՍ Հայաստանը» կգործարկի «Բարև բալիկ» ծրագիրը
ԱՄՆ-ը կֆինանսավորի Հայաստանում հակակոռուպցիոն քաղաքականության առաջխաղացումըԱՄՆ-ը կֆինանսավորի Հայաստանում հակակոռուպցիոն քաղաքականության առաջխաղացումը
Արցախի ԱԳՆ Փախստականների ու ՆՏԱ-ների խնդիրը ղարաբաղյան կարգավորման գործընթացի առանցքային խնդիրներից էԱրցախի ԱԳՆ Փախստականների ու ՆՏԱ-ների խնդիրը ղարաբաղյան կարգավորման գործընթացի առանցքային խնդիրներից է
Նախկին նախարար Հայաստանի վրա հարձակման թուրքական ծրագիրը կապված է <Մեղրիի միջանցքի> հետՆախկին նախարար Հայաստանի վրա հարձակման թուրքական ծրագիրը կապված է <Մեղրիի միջանցքի> հետ
Նախագահ. Ցավոք, մեզ մոտ ամեն ինչ, նույնիսկ իրավապաշտպանությունն է քաղաքականացվելՆախագահ. Ցավոք, մեզ մոտ ամեն ինչ, նույնիսկ իրավապաշտպանությունն է քաղաքականացվել
Վերլուծաբան․ Իշխանության դեմ նախկին արտոնյալի դեմարշը միանգամայն կանխատեսելի էրՎերլուծաբան․ Իշխանության դեմ նախկին արտոնյալի դեմարշը միանգամայն կանխատեսելի էր
Փնտրել ըստ օրերի