Arminfo.info





 Ուրբաթ, 13 Մարտի 2020 19:52
Մարիաննա Մկրտչյան

Վինչենցո Դել Մոնակո. Հայաստանում ժողովրդավարական միտումները վերադարձրել են հայկական շուկայի նկատմամբ իտալական բիզնեսի հետաքրքրությունը

Վինչենցո Դել Մոնակո. Հայաստանում ժողովրդավարական միտումները վերադարձրել են հայկական շուկայի նկատմամբ իտալական բիզնեսի հետաքրքրությունը

Արմինֆո. Մարիաննա Մկրտչյան: Հայաստանում Իտալիայի արտակարգ և լիազոր դեսպան Վինչենցո Դել Մոնակոն ԱրմԻնֆո գործակալությանը տված հարցազրույցում պատմել է հայ-իտալական հարաբերությունների, առևտրատնտեսական և մշակութային փոխգործակցության, կորոնավիրուսի դեմ համատեղ պայքարի  և շատ այլ բաների մասին:

 

Պարոն դեսպան, ինչ մակարդակում են այսօր  հայ-իտալական քաղաքական հարաբերությունները։ Արդյո՞ք տեսանելի ապագայում սպասվում են բարձր մակարդակի այցելություններ:

 

Առաջին հերթին, թույլ տվեք շնորհակալություն հայտնել Ձեզ երկկողմ հարաբերությունների վիճակի վերաբերյալ մեր տեսակետները Արմինֆո-ի և ձեր ընթերցողների հետ կիսելու այս արժեքավոր հնարավորության համար: Ես Ձեր հարցին շատ ուղիղ կպատասխանեմ. մենք շատ բարձր դինամիկա ենք տեսնում երկու մայրաքաղաքների միջեւ քաղաքական հարաբերություններում ։ Քաղաքական երկխոսությունը հատկապես դինամիկ է, եւ այն կարող է օգտագործվել որպես փոխադարձ ինստիտուցիոնալ այցերը խթանելու կայուն լծակ։

 

Մենք նշում ենք լայն կոնվերգենցիան միջազգային օրակարգի բազմաթիվ կետերի շուրջ և ակտիվորեն համագործակցում ենք միջազգային հարթակներում, կազմակերպությունների և համաժողովների շրջանակներում, որտեղ համատեղ ենք գտնվում։

 

Թույլ տվեք նաեւ շատ դրական դինամիկա մատնանշել Հայաստանի եւ Եվրոպական միության միջեւ հարաբերություններում։ Ես կարևորում եմ ձեր հարաբերությունները ԵՄ-ի հետ, որոնք կարող են հանգեցնել արտառոց արդյունքների։ Հայաստան-ԵՄ հարաբերությունները օկտանի բարձր տոկոսով յուրօրինակ վառելիք են Իտալիայի եւ Եվրամիության անդամ այլ պետությունների հետ երկկողմ հարաբերությունների զարգացման համար:

 

Ինչպե՞ս կգնահատեիք հայ-իտալական առևտրատնտեսական հարաբերությունները: Արդյո՞ք կան փոխգործակցության ինչ-որ նոր ուղղություններ, որոնք երկրները կարող են զարգացնել։ Մենք գիտենք, որ անցած տարի դրական դինամիկա է արձանագրվել երկու երկրների միջև առևտրաշրջանառությունում, և այդ առումով կուզենայի իմանալ, թե որ հայկական ապրանքներն են պահանջարկ վայելում իտալական շուկայում և հակառակը։

 

Ես լիովին համաձայն եմ Ձեր գնահատականին: Անցած տարին շատ դրական էր երկկողմ առեւտրատնտեսական հարաբերությունների համար, եւ ապրանքաշրջանառության վիճակագրությունը այդ իրողության ամենացայտուն վկայությունն է։ Ես նաև կավելացնեի, որ նույնիսկ Հայաստանի ներքին տնտեսական աճի տեմպերն աննկատ չեն մնացել արտասահմանում։

 

Իրոք, Հայաստանում ժողովրդավարական միտումները վերադարձրել են իտալական բիզնեսի և գործարարների հետաքրքրությունը հայկական շուկայի և այն հնարավորությունների նկատմամբ, որոնք այն առաջարկում է։ Գործարար համայնքը մեծ նշանակություն է տալիս Հայաստանի կառավարության բարեփոխումների ծրագրին, հատկապես օրենքի գերակայության ոլորտում։ Իմ անձնական մասնագիտական փորձից կարող եմ մատնանշել օրենքի գերակայության հիմնարար դերը ներդրումների ներգրավման և տնտեսական զարգացման գործում։

 

Հայաստանի վարչապետ Նիկոլ Փաշինյանը անցյալ տարվա նոյեմբերի վերջին Միլան եւ Հռոմ կատարած իր այցի ժամանակ հստակ ուղերձ հղեց իտալական գործարար հանրությանը, եւ ես կարող եմ Ձեզ հավաստիացնել, որ այդ ուղերձը դրական է ընկալվել:

 

Հայաստանը դրվատանքի արժանի ջանքեր է գործադրում այդ ուղղությամբ, և արդյունքներն արդեն տեսանելի են։

 

Կա նաև զգալի ներուժ Եվրասիական տնտեսական միությանը Հայաստանի անդամության առնչությամբ՝ ի լրումն այն հնարավորությունների, որոնք առաջարկում է հայկական շուկան ։

 

Ինչ վերաբերում է այն հարցին, թե Հայկական որ ապրանքներն են պահանջարկ վայելում իտալական շուկայում, ապա թույլ տվեք ընդգծել, որ 2019 թվականին մենք արձանագրել ենք նաև Հայաստանից Իտալիա տեքստիլ և ոսկերչական ճյուղեր ապրանքների արտահանման աճ:

 

Իտալացիները շատ պահանջկոտ սպառողներ են, որոնց գրավում է այնպիսի երկրներից ստացվող արտադրանքը, ինչպիսին Հայաստանն է ՝ խորապես արմատավորված մշակույթով։ Ձեր արտադրանքը կրում է մշակութային ուղերձ, պարունակում է ձեր տարածքի և ձեր անտիկ քաղաքակրթության ինքնությունն ու ավանդույթները:

 

Միեւնույն ժամանակ, Հայաստանը մաթեմատիկոսների եւ ֆիզիկոսների երկիր է, եւ "ապագայի եւ անցյալի" միջեւ նման կապը կարող է հեշտությամբ դառնալ հաղորդակցման հզոր գործիք ՝ ավելի լավ ներթափանցելու համար նաեւ իտալական շուկա:

 

Իտալական Renco շինարարական ընկերությունը ՀՀ կառավարության հետ պայմանագիր է կնքել նոր ՋԷԿ-ի (ջերմային էլեկտրակայան) կառուցման վերաբերյալ: Իրականացման ո՞ր փուլում է գտնվում նախագիծը: Արդյո՞ք վերոհիշյալ շինարարական ընկերությունը նախատեսում է այլ լայնածավալ նախագծերի իրագործում  ՀՀ տարածքում:

 

2019 թվականի առաջին կեսին միջազգային ֆինանսական գործընկերների հետ (IFC, DEG, OFID, ADB) նախագծի ֆինանսական փակմանը հասնելուց հետո Renco-ն 2019 թվականի մայիսին սկսել է շինարարական աշխատանքները: Աշխատանքները պետք է տևեն մոտավորապես մինչև 2021 թվականի ամառ։ Արդեն իրականացվել է շինարարական աշխատանքների համալիր, այդ թվում՝ պեղումներ, հողային աշխատանքներ, էլեկտրակայանի և շենքի հիմնական սարքավորումների հիմքի լցման ավարտը: Այսօր լցված է մոտ 15.000 խորանարդ մետր բետոն։ 2020 թվականի մայիսին Renco - ն պետք է սկսի ստանալ տեխնոլոգիական սարքավորումներ, ինչը թույլ կտա սկսել վերոհիշյալ տարրերի մեխանիկական տեղադրումը ջրատարների եւ գազատարների կառուցման հետ մեկտեղ: Ընկերությունը կարող է նաեւ որոշում ընդունել ավելի շատ միջոցներ ներդնել Հայաստանում, այդ թվում՝ նաեւ այլ ոլորտներում:

 

Անցյալ տարվա վերջին Հայաստանում տեղի ունեցավ "Ceramisia" գործարանի բացումը, որը հիմնադրվել է "Multi Group" կոնցեռնի եւ իտալական "Italian Stoneware" հոլդինգի համատեղ ներդրումային նախագծի շրջանակում: Արդյո՞ք կան այլ համանման նախագծերի ստեղծման ծրագրեր, եթե այո, ապա ո՞ր ոլորտներին կարող են դրանք առնչվել:

 

Ինչպես Դուք ճիշտ ասացիք, Ceramisia-ն 2019 թվականի իտալահայկական հաջողության պատմության մի մասն է։ Գործարանն աշխատում է անխափան և եվրոպական ամենաբարձր չափանիշներին համապատասխան։ Կերամիկան հաջողությամբ դիրքավորվում է միջազգային շուկայում, եւ "Արտադրված է Հայաստանում, մշակված է Իտալիայում" ապրանքանիշն ապացուցել է իր արդյունավետությունը:

 

Որքան ես հասկանում եմ,  դա, իրոք, մեծ մարքեթինգային քայլ է ձեռնարկատերերի կողմից: Ես նաեւ ցանկանում եմ ավելացնել, որ ընկերությունը վարձել է մեծ թվով աշխատակիցների' շուկայի պահանջարկը բավարարելու համար,եւ ես չեմ զարմանա, եթե ապագայում նոր աշխատողների պահանջարկը լինի:

 

Ամփոփելով՝ կարող եմ ասել, որ իմ տպավորությամբ, "Italian Stoneware" ընկերության և Գագիկ Ծառուկյանի միջև գործընկերությունը բավականին հաջող է։ Ընդհանուր առմամբ, ես հավատում եմ, որ ապագայում Հայաստանում ավելի շատ նախաձեռնություններ եւ ավելի շատ իտալական ներդրումներ կլինեն։

 

Ի՞նչ վիճակում են երկու երկրների մշակութային-հումանիտար կապերը: Ի՞նչ նոր համատեղ նախագծեր են սպասվում։

 

Մշակութային փոխգործակցությունը Հայաստանի և Իտալիայի միջև երկկողմ հարաբերությունների հիմնական ուղղություններից մեկն է։ Տեղի իշխանությունների հետ անբասիր համագործակցության շնորհիվ անցյալ տարի մենք հայ ժողովրդին, երկրում բնակվող միջազգային հանրությանը եւ զբոսաշրջիկներին առաջարկեցինք հատուկ նախաձեռնություն՝ մեծ ծրագիր հինավուրց արվեստից մինչեւ ժամանակակից գեղանկարչություն, երաժշտությունից մինչեւ 3D Mapping: Այդ նախաձեռնությունները կյանքի կոչելու համար մեր դեսպանատնից լուրջ ջանքեր են պահանջվել, եւ ես կցանկանայի օգտվել հնարավորությունից, որպեսզի երախտագիտությունս հայտնեմ իմ աշխատակիցներին իրենց նվիրվածության համար: Վերջնական արդյունքը տպավորիչ էր, եւ ես անհամբեր սպասում եմ նոր նախաձեռնությունների ընթացիկ տարում:

 

Արդյո՞ք կորոնավիրուսի համաճարակը հարվածել է երկու երկրների համագործակցությանն այնպիսի ուղղություններով, ինչպիսիք են տնտեսությունը, զբոսաշրջությունն ու այլ ոլորտներ.  եթե այո, ապա որքա՞ն լուրջ է:

 

Կորոնավիրուսի բռնկումը չի ազդել և չի ազդի Հայաստանի և Իտալիայի միջև երկկողմ հարաբերությունների մակարդակի վրա։ Ավելին, այն համերաշխությունը, որ ես ամեն օր ստանում եմ հայկական հաստատություններից ու քաղաքացիներից, ավելի է սերտացնում մեր կապերը։

 

Իտալիան շատ ծանր պահ է ապրում։ Ի տարբերություն սեպտեմբերի 11-ի, պատմությունը ծավալվում է առանց տեսանելի թշնամու, սակայն զոհերի եւ վարակված մարդկանց թիվը ցույց է տալիս սպառնալիքի ողջ լրջությունը, որը բխում է նենգ Covid-19-ից:

 

Իմ կառավարության որդեգրած կուրսը շատ պարզ է. լիակատար թափանցիկություն և առավելագույն համագործակցություն ԱՀԿ-ի, ԵՄ-ի, մեր գործընկերների և միջազգային հանրության հետ։ Ոչ մի այլ միջոց  չկա մարտահրավեր նետելու եւ հաղթելու այս համավարակին, բացի  մեր ջանքերի համակարգումը՝ կիսելով առաջադեմ եւ դժվար նվաճված փորձը: Համավարակները անտեսում է սահմաններն ու վարչական տարանջատումները։

 

Ես մշտապես կապի մեջ եմ Հայաստանի իշխանությունների հետ, շնորհակալ եմ նրանց համագործակցության, այդ վարակից տուժած Իտալիայի քաղաքացուն ցուցաբերվող օգնության համար։ Ես նաեւ բարձր եմ գնահատում ձեր մարմինների թափանցիկությունը, որ նրանք ցույց տվեցին վարակի դրսեւորման վաղ փուլում:

 

Երբ այս ճգնաժամը հաղթահարվի, իսկ այն կհաղթահարվի, մենք կգնահատենք այն վնասը, որը նա կհասցնի բիզնեսին, եւ կարճ ժամանակում կվերականգնենք այդ ընթացքում կորցրածը։ Թույլ տվեք ընդգծել, որ վարակը չի փոխանցվում ապրանքների միջոցով: Դեհ՝ իսկ առայժմ, այդ ոչ նյութական թշնամու դեմ պայքարը պետք է կլանի մեր ողջ եռանդը։

 

Իտալիան հարուստ փորձ ունի պատմամշակութային ժառանգության կառույցների և հուշարձանների վերականգնման գործում։ Հայտնի է, որ իտալական կողմը պատրաստակամություն է հայտնել այդ ուղղությամբ ունեցած փորձը կիսել Հայաստանի հետ։ Ո՞ր փուլում է փոխգործակցությունն այս բնագավառում:

 

Պատմական ժառանգության պահպանումն ու վերականգնումն, իսկապես, այն ոլորտներն են, որտեղ Իտալիան գտնվում է առաջատար դիրքերում։ 2019 թվականի հուլիսից Մշակութային ժառանգության կառավարման, արժևորման և պաշտպանության տարածաշրջանային կենտրոն (ROCHEMP) սկսել է իր աշխատանքը, և ես գոհ եմ հատկապես Հայաստանի իշխանությունների և փորձագետների միջև փոխգործակցությունից ՝ սկսած Rochemp-ի տնօրեն Անի Ավագյանից և Բոլոնիայի համալսարանի իտալացի գործընկերներից:

 

Շնորհակալություն, պարոն դեսպան՝ հետաքրքիր զրույցի համար:


Նորություններ
Թուրքական եւ ադրբեջանական զինված ուժերը համատեղ զորավարժություններ կանցկացնենԹուրքական եւ ադրբեջանական զինված ուժերը համատեղ զորավարժություններ կանցկացնեն
Ադրբեջանի ժողովրդական ճակատի կողմնակիցները դատապարտել են Ա․ Էլչիբեյի  հասցեին Իլհամ Ալիևի բացասական արտահայտություններըԱդրբեջանի ժողովրդական ճակատի կողմնակիցները դատապարտել են Ա․ Էլչիբեյի  հասցեին Իլհամ Ալիևի բացասական արտահայտությունները
Ադրբեջանի ՊՆ-ն թարմացրել է զոհվածների ցուցակ․  2885 սպանված եւ 50 անհետ կորածԱդրբեջանի ՊՆ-ն թարմացրել է զոհվածների ցուցակ․  2885 սպանված եւ 50 անհետ կորած
Ալիեւը մտադիր է առավելագույնս օգտվել <ազատագրված> հողերի ներուժիցԱլիեւը մտադիր է առավելագույնս օգտվել <ազատագրված> հողերի ներուժից
Բելառուսական արտադրության ժամանակակից վերելակները հաջողությամբ տեղադրվում են Երեւանի բազմաբնակարան շենքերումԲելառուսական արտադրության ժամանակակից վերելակները հաջողությամբ տեղադրվում են Երեւանի բազմաբնակարան շենքերում
Թուրքիայի Բուրսա քաղաքի հայկական եկեղեցին վաճառքի է հանվելԹուրքիայի Բուրսա քաղաքի հայկական եկեղեցին վաճառքի է հանվել
Վարչապետը մի շարք կադրային նշանակումներ է կատարելՎարչապետը մի շարք կադրային նշանակումներ է կատարել
Առողջապահության նախարար է նշանակվել Անահիտ ԱվանեսյանըԱռողջապահության նախարար է նշանակվել Անահիտ Ավանեսյանը
Ալեն Սիմոնյանը չի հավատում տեղեկությանը, որ ԱԺ խոսնակը կրկնակի գործակալ է եղելԱլեն Սիմոնյանը չի հավատում տեղեկությանը, որ ԱԺ խոսնակը կրկնակի գործակալ է եղել
Ռոմանոս Պետրոսյան․ Բնապահպանական ծրագրերի իրականացման գրասենյակում այսուհետ որևէ ծրագիր չի իրականացվելու միայն թղթերով արդյունքներ ցույց տալու համարՌոմանոս Պետրոսյան․ Բնապահպանական ծրագրերի իրականացման գրասենյակում այսուհետ որևէ ծրագիր չի իրականացվելու միայն թղթերով արդյունքներ ցույց տալու համար
Տիգրան Բալայանը կոչ է արել պատժամիջոցներ կիրառել Ադրբեջանի նախագահ Իլհամ Ալիևի նկատմամբՏիգրան Բալայանը կոչ է արել պատժամիջոցներ կիրառել Ադրբեջանի նախագահ Իլհամ Ալիևի նկատմամբ
Ադրբեջանից գերիների վերադարձի ու նրանց իրավունքների պաշտպանության հարցով Մարդու իրավունքների պաշտպանը դիմել է ԵԱՀԿ Մինսկի խմբի համանախագահներինԱդրբեջանից գերիների վերադարձի ու նրանց իրավունքների պաշտպանության հարցով Մարդու իրավունքների պաշտպանը դիմել է ԵԱՀԿ Մինսկի խմբի համանախագահներին
Ռոմանոս Պետրոսյանը միջազգային կառույցների ուշադրությունը հրավիրել է Ադրբեջանի կողմից սանձազերծված պատերազմի հետևանքով ստեղծված  ծանր հետևանքների վրաՌոմանոս Պետրոսյանը միջազգային կառույցների ուշադրությունը հրավիրել է Ադրբեջանի կողմից սանձազերծված պատերազմի հետևանքով ստեղծված  ծանր հետևանքների վրա
ՀՀ նախագահի աշխատակազմը ստացել է առողջապահության նախարար Արսեն Թորոսյանին աշխատանքից ազատելու մասին առաջարկըՀՀ նախագահի աշխատակազմը ստացել է առողջապահության նախարար Արսեն Թորոսյանին աշխատանքից ազատելու մասին առաջարկը
Առնո Բաբաջանյանի 100-ամյակը կնշանավորվի մի շարք միջոցառումներովԱռնո Բաբաջանյանի 100-ամյակը կնշանավորվի մի շարք միջոցառումներով
Լավրով․ ՌԴ-ն պատրաստ է օգնել ղարաբաղյան հարցի այնպիսի լուծման որոնմանը, որը կապահովի խաղաղություն, կայունություն, անվտանգություն այս տարածաշրջանումԼավրով․ ՌԴ-ն պատրաստ է օգնել ղարաբաղյան հարցի այնպիսի լուծման որոնմանը, որը կապահովի խաղաղություն, կայունություն, անվտանգություն այս տարածաշրջանում
ՌԴ ԱԳ նախարար․ Ներկայումս ստուգվում են անվանական ցուցակները՝ Ղարաբաղում հակամարտությունից հետո ռազմագերիների փոխանակման համարՌԴ ԱԳ նախարար․ Ներկայումս ստուգվում են անվանական ցուցակները՝ Ղարաբաղում հակամարտությունից հետո ռազմագերիների փոխանակման համար
Հայաստանում Ֆրանսիայի դեսպանության աջակցությամբ ֆրանսիացի գրող Վալերի Մանտոյի՝ Հրանտ Դինքի մասին «Ակոս» գիրքը թարգմանվել է հայերենՀայաստանում Ֆրանսիայի դեսպանության աջակցությամբ ֆրանսիացի գրող Վալերի Մանտոյի՝ Հրանտ Դինքի մասին «Ակոս» գիրքը թարգմանվել է հայերեն
ԱԺ պատգամավորն առաջարկում է զինել Ադրբեջանի հետ սահմանամերձ համայնքների բնակիչներինԱԺ պատգամավորն առաջարկում է զինել Ադրբեջանի հետ սահմանամերձ համայնքների բնակիչներին
Բնապահպանության եւ ընդերքի տեսչական մարմնում քննարկել են սիգի ապօրինի որսի նկատմամբ վերահսկողության խստացման հնարավորություններըԲնապահպանության եւ ընդերքի տեսչական մարմնում քննարկել են սիգի ապօրինի որսի նկատմամբ վերահսկողության խստացման հնարավորությունները
Արման Աբովյան․ Նիկոլ Փաշինյանն ու իշխող խմբակցությունն ի վիճակի չեն լուծել ռազմագերիների վերադարձի հարցըԱրման Աբովյան․ Նիկոլ Փաշինյանն ու իշխող խմբակցությունն ի վիճակի չեն լուծել ռազմագերիների վերադարձի հարցը
Լիլիթ Մակունց․ Մենք պատրաստ ենք քննարկել արտահերթ ընտրությունների հարցըԼիլիթ Մակունց․ Մենք պատրաստ ենք քննարկել արտահերթ ընտրությունների հարցը
Նիկոլ Փաշինյանը հանդիպել է ժամկետային զինծառայողների ծնողների հետՆիկոլ Փաշինյանը հանդիպել է ժամկետային զինծառայողների ծնողների հետ
Վազգեն Մանուկյան․ Փաշինյանի օրոք Հայաստանը ներդրումներ չի ստանաՎազգեն Մանուկյան․ Փաշինյանի օրոք Հայաստանը ներդրումներ չի ստանա
Խորհրդարանում կայացել է քննարկում՝ «Ադրբեջանում հայկական կողմի գերիների վերադարձի խնդիրները» թեմայովԽորհրդարանում կայացել է քննարկում՝ «Ադրբեջանում հայկական կողմի գերիների վերադարձի խնդիրները» թեմայով
Հաստատվել է կորոնավիրուսային հիվանդության 263 նոր դեպքՀաստատվել է կորոնավիրուսային հիվանդության 263 նոր դեպք
ԱԻՊԾ․ Երեկ ադրբեջանական կողմը փոխանցել է սպանված երկու հայ զինծառայողի աճյունԱԻՊԾ․ Երեկ ադրբեջանական կողմը փոխանցել է սպանված երկու հայ զինծառայողի աճյուն
Օմբուդսմեն․ Դատապարտելի է  Վազգեն Մանուկյանի կողմից վիրավորական ձևակերպումներ օգտագործելը քաղաքացիներին ուղղված իր խոսքումՕմբուդսմեն․ Դատապարտելի է  Վազգեն Մանուկյանի կողմից վիրավորական ձևակերպումներ օգտագործելը քաղաքացիներին ուղղված իր խոսքում
Լարսը փակ է․ ռուսական կողմում կա կուտակված 340 բեռնատար ավտոմեքենաԼարսը փակ է․ ռուսական կողմում կա կուտակված 340 բեռնատար ավտոմեքենա
ԱԳՆ. Մենք բարձր ենք գնահատում Ռուսաստանի ջանքերը տարածաշրջանում խաղաղություն և կայունություն հաստատելու ուղղությամբԱԳՆ. Մենք բարձր ենք գնահատում Ռուսաստանի ջանքերը տարածաշրջանում խաղաղություն և կայունություն հաստատելու ուղղությամբ
Հունվարի 11-ի եռակողմ հայտարարության մեջ անտեսվում են հայկական կողմի պահանջները   Հունվարի 11-ի եռակողմ հայտարարության մեջ անտեսվում են հայկական կողմի պահանջները  
ՌԴ երեք հեռուստաալիքներ Հայաստանում առանց լիցենզիայի հեռարձակման իրավունք կստանանՌԴ երեք հեռուստաալիքներ Հայաստանում առանց լիցենզիայի հեռարձակման իրավունք կստանան
Ամերիաբանկը հունվարի 19-ին շուկայում կտեղաբաշխի պարտատոմսերի հերթական տրանշը՝ 5 մլրդ դրամ ծավալով   Ամերիաբանկը հունվարի 19-ին շուկայում կտեղաբաշխի պարտատոմսերի հերթական տրանշը՝ 5 մլրդ դրամ ծավալով  
Անդրանիկ Քոչարյանը կարծում է, որ հիմա 44-օրյա պատերազմի դեպքերի հետաքննության քննիչ հանձնաժողով ստեղծելու ժամանակը չէ   Անդրանիկ Քոչարյանը կարծում է, որ հիմա 44-օրյա պատերազմի դեպքերի հետաքննության քննիչ հանձնաժողով ստեղծելու ժամանակը չէ  
ՀՀ ԱԳՆ․ Ադրբեջանը չի կարող լինել մշակութային ու կրոնական հուշարձանների պատշաճ պահպանության երաշխավորըՀՀ ԱԳՆ․ Ադրբեջանը չի կարող լինել մշակութային ու կրոնական հուշարձանների պատշաճ պահպանության երաշխավորը
Նամականիշում բժշկական արտահագուստով մարդը քիմիական ախտահանման է ենթարկում Արցախը հայերից. ՀՀ ՄԻՊ-ը՝ Ադրբեջանի իշխանությունների հերթական հայատյացության դեպքի մասինՆամականիշում բժշկական արտահագուստով մարդը քիմիական ախտահանման է ենթարկում Արցախը հայերից. ՀՀ ՄԻՊ-ը՝ Ադրբեջանի իշխանությունների հերթական հայատյացության դեպքի մասին
ՌԴ ԱԳՆ․ Ռուսաստանն ամեն կերպ կաջակցի Հայաստանի եւ Ադրբեջանի ժողովուրդների միջեւ ուղիղ երկխոսության հաստատմանըՌԴ ԱԳՆ․ Ռուսաստանն ամեն կերպ կաջակցի Հայաստանի եւ Ադրբեջանի ժողովուրդների միջեւ ուղիղ երկխոսության հաստատմանը
Կորոնավիրուսի դեմ պայքարի պարետատան գործողություններն ուսումնասիրող քննիչ հանձնաժողովը շուտով կանցնի աշխատանքիԿորոնավիրուսի դեմ պայքարի պարետատան գործողություններն ուսումնասիրող քննիչ հանձնաժողովը շուտով կանցնի աշխատանքի
ԱԱԾ-ն բացահայտել է իրացնելու նպատակով մարտի դաշտից ապօրինի կերպով զենք ձեռք բերելու և պահելու  հանցավոր խումբԱԱԾ-ն բացահայտել է իրացնելու նպատակով մարտի դաշտից ապօրինի կերպով զենք ձեռք բերելու և պահելու  հանցավոր խումբ
Հաստատվել է կորոնավիրուսային հիվանդության 396 նոր դեպքՀաստատվել է կորոնավիրուսային հիվանդության 396 նոր դեպք
Իրան․ Ղարաբաղյան հակամարտության ավարտը տարածաշրջանում խաղաղություն եւ կայունություն կբերիԻրան․ Ղարաբաղյան հակամարտության ավարտը տարածաշրջանում խաղաղություն եւ կայունություն կբերի
Georgian Airways-ը հույս ունի, որ Թբիլիսի - Երեւան-Մոսկվա չվերթները կդառնան կանոնավորGeorgian Airways-ը հույս ունի, որ Թբիլիսի - Երեւան-Մոսկվա չվերթները կդառնան կանոնավոր
ՌԴ-ում ԱՄՆ և Ֆրանսիայի դեսպանները տեղեկացվել են ղարաբաղյան հիմնախնդրի կարգավորման շուրջ բանակցությունների արդյունքների մասինՌԴ-ում ԱՄՆ և Ֆրանսիայի դեսպանները տեղեկացվել են ղարաբաղյան հիմնախնդրի կարգավորման շուրջ բանակցությունների արդյունքների մասին
Ռուսաստանի ԱԻՆ մասնագետները շարունակում են պարեկություն իրականացնել Լաչինի միջանցքումՌուսաստանի ԱԻՆ մասնագետները շարունակում են պարեկություն իրականացնել Լաչինի միջանցքում
Լարսը փակ է, ռուսական կողմում կուտակված է 100 բեռնատար ավտոմեքենաԼարսը փակ է, ռուսական կողմում կուտակված է 100 բեռնատար ավտոմեքենա
Վերին ԼարսՎերին Լարս" հսկիչ անցակետի վերակառուցման աշխատանքները կսկսվեն այս տարվա փետրվարին  
«Անադոլու». Ադրբեջանը մտադիր Է Ռուսաստանի հետ բանակցություններ վարել Հայաստանի տարածքով երկաթուղու կառուցման շուրջ   «Անադոլու». Ադրբեջանը մտադիր Է Ռուսաստանի հետ բանակցություններ վարել Հայաստանի տարածքով երկաթուղու կառուցման շուրջ  
Հայաստանի պաշտպանության նախարարը հանդիպել է ՀՀ-ում Բելառուսի դեսպանի հետՀայաստանի պաշտպանության նախարարը հանդիպել է ՀՀ-ում Բելառուսի դեսպանի հետ
ISESCO-ի ղեկավարը գնում է քաղաքական սադրանքների՝ նպատակ ունենալով Շուշին հռչակել ISESCO-ի ղեկավարը գնում է քաղաքական սադրանքների՝ նպատակ ունենալով Շուշին հռչակել "իսլամական աշխարհի մայրաքաղաք"
Արա Այվազյան. Նոյեմբերի 9-ի համաձայնագիրը արցախյան հակամարտության կարգավորման փաստաթուղթ չէ   Արա Այվազյան. Նոյեմբերի 9-ի համաձայնագիրը արցախյան հակամարտության կարգավորման փաստաթուղթ չէ  
Ադրբեջանական ծագման մթերքներ Հայաստան չեն ներկրվել   Ադրբեջանական ծագման մթերքներ Հայաստան չեն ներկրվել  
Պատգամավոր. Ռազմագերիների եւ պատանդների հարցը կարեւորագույն խնդիր է Հայաստանի համար   Պատգամավոր. Ռազմագերիների եւ պատանդների հարցը կարեւորագույն խնդիր է Հայաստանի համար  
ԿԳՄՍՆ-ն հայտարարում է Լեյն Կիրկլանդի անվան 2021-2022 թթ. կրթաթոշակային ծրագրիի հայտերի ընդունման մեկնարկի մասինԿԳՄՍՆ-ն հայտարարում է Լեյն Կիրկլանդի անվան 2021-2022 թթ. կրթաթոշակային ծրագրիի հայտերի ընդունման մեկնարկի մասին
Արա Այվազյան. Հայկական կողմերի առաջնահերթություններից է նաև Արցախի տարածքների դեօկուպացիանԱրա Այվազյան. Հայկական կողմերի առաջնահերթություններից է նաև Արցախի տարածքների դեօկուպացիան
Հայ սովորողների համար «Քան» ակադեմիայի կայքում անվճար հասանելի կդառնան ֆիզիկայի և օրգանական քիմիայի բաժինները   Հայ սովորողների համար «Քան» ակադեմիայի կայքում անվճար հասանելի կդառնան ֆիզիկայի և օրգանական քիմիայի բաժինները  
ՎՏԲ-Հայաստան Բանկը ԶԼՄ-ներում հիշատակումների թվով դարձել է առաջատար՝ 2020թ.-ի 3-րդ և 4-րդ եռամսյակների արդյունքներովՎՏԲ-Հայաստան Բանկը ԶԼՄ-ներում հիշատակումների թվով դարձել է առաջատար՝ 2020թ.-ի 3-րդ և 4-րդ եռամսյակների արդյունքներով
Քարինտակում հայտնաբերվել է զոհված կնոջ մարմինՔարինտակում հայտնաբերվել է զոհված կնոջ մարմին
ՀՀ զինդատախազ Վահե Հարությունյանը հանդիպել է Արցախում ծառայություն իրականացնող ՌԴ դատախազության աշխատակիցներինՀՀ զինդատախազ Վահե Հարությունյանը հանդիպել է Արցախում ծառայություն իրականացնող ՌԴ դատախազության աշխատակիցներին
Վազգեն Մանուկյան․ Եթե իշխանության ղեկին մնար Սերժ Սարգսյանը, պատերազմ ուղղակի չէր սկսվիՎազգեն Մանուկյան․ Եթե իշխանության ղեկին մնար Սերժ Սարգսյանը, պատերազմ ուղղակի չէր սկսվի
Ստեփանծմինդա-Լարս ավտոճանապարհը ձնահյուսի վտանգի պատճառով փակ էՍտեփանծմինդա-Լարս ավտոճանապարհը ձնահյուսի վտանգի պատճառով փակ է
Կարդալ ավելին



Մեկնաբանվողներ
Ռուսաստանի ԳՀՎ գնդապետ. Այս պատերազմը, որը սանձազերծել է Ադրբեջանը՝ Թուրքիայի ճնշմամբ, չափազանց վտանգավոր է Ռուսաստանի համարՌուսաստանի ԳՀՎ գնդապետ. Այս պատերազմը, որը սանձազերծել է Ադրբեջանը՝ Թուրքիայի ճնշմամբ, չափազանց վտանգավոր է Ռուսաստանի համար
ՀՀ երրորդ նախագահ Սերժ Սարգսյանը մեկնել է ԱրցախՀՀ երրորդ նախագահ Սերժ Սարգսյանը մեկնել է Արցախ
Բորիս Պոդոպրիգորա. Ղարաբաղին հատուկ կարգավիճակ տալու նախադրյալներ կանԲորիս Պոդոպրիգորա. Ղարաբաղին հատուկ կարգավիճակ տալու նախադրյալներ կան
Լապշին. Իսրայելի Պաշտպանության նախարարությունն այժմ վիթխարի ճնշում է զգում՝ Բաքվին սպառազինությունների մատակարարումները դադարեցնելու պահանջովԼապշին. Իսրայելի Պաշտպանության նախարարությունն այժմ վիթխարի ճնշում է զգում՝ Բաքվին սպառազինությունների մատակարարումները դադարեցնելու պահանջով
ԱԻՆ-ը ներկայացրել է վարքագծի կանոնները  ԱԻՆ-ը ներկայացրել է վարքագծի կանոնները  "Օդային տագնապ" հայտարարելու դեպքում
Իսրայելում Ադրբեջանին իսրայելական զենքի վաճառքը դադարեցնելու պահանջով խնդրագիր է նախաձեռնվելԻսրայելում Ադրբեջանին իսրայելական զենքի վաճառքը դադարեցնելու պահանջով խնդրագիր է նախաձեռնվել
Արցախի ՊԲ ստորաբաժանումները ոչնչացրել են հակառակորդի 12 տանկԱրցախի ՊԲ ստորաբաժանումները ոչնչացրել են հակառակորդի 12 տանկ
Հրաչյա Արզումանյան․  Հայաստանի եւ հայ ժողովրդի համար սա էքզիստենցիալ պատերազմ էՀրաչյա Արզումանյան․  Հայաստանի եւ հայ ժողովրդի համար սա էքզիստենցիալ պատերազմ է
Փարիզ. Ֆրանսիայի իշխանություններն անում են հնարավորը՝ Հայաստանի եւ Ադրբեջանի միջեւ երկխոսության վերսկսման համարՓարիզ. Ֆրանսիայի իշխանություններն անում են հնարավորը՝ Հայաստանի եւ Ադրբեջանի միջեւ երկխոսության վերսկսման համար
ԲՀԿ ղեկավար Գագիկ Ծառուկյանը երկու ամսով կալանավորվել էԲՀԿ ղեկավար Գագիկ Ծառուկյանը երկու ամսով կալանավորվել է
Երեւանը Ադրբեջանի առաջնորդին կոչ է արել սթափ և առանց ցավագին հույզերի ընկալել ղարաբաղյան հակամարտության գոտում ստեղծված իրականությունը   Երեւանը Ադրբեջանի առաջնորդին կոչ է արել սթափ և առանց ցավագին հույզերի ընկալել ղարաբաղյան հակամարտության գոտում ստեղծված իրականությունը  
Փորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք էՓորձագետ Ընտրությունների նախաշեմին Մնացականյանի այցը Վաշինգտոն օրակարգի բացակայության արդյունք է
Ծառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններԾառուկյան․ ժամանակն է ամրագրել, որ հոգեկան լուրջ խնդիրներ ունեցող անձինք իրավունք չունենան զբաղեցնել քաղաքական բարձրագույն պաշտոններ
ԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համարԼՀԿ-ը Արկադի Խաչատրյանի թեկնածությունը կառաջադրի ԱԺ ֆինանսավարկային եւ բյուջետային հարցերի հանձնաժողովի նախագահի պաշտոնի համար
Կանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ ենԿանխատեսում Քանի դեռ Հայաստանին եւ Արցախին սպառնում են ոչնչացմամբ, ցանկացած փաստաթղթի մասին խոսակցությունները վաղաժամ են