Չորեքշաբթի, 26 Փետրվարի 2020 18:43
Ալինա Հովհաննիսյան

Սուսաննա Սաֆարյան. Եթե կորոնավիրուսով վարակից խուսափելու գինը զբոսաշրջիկների արտահոսքը լինի, դա արդարացված է

Սուսաննա Սաֆարյան. Եթե կորոնավիրուսով վարակից խուսափելու գինը զբոսաշրջիկների արտահոսքը լինի, դա արդարացված է

Արմինֆո.Եթե կորոնավիրուսով վարակից խուսափելու գինը զբոսաշրջիկների արտահոսքը լինի, դա արդարացված է, փետրվարի 26-ին կայացած մամուլի ասուլիսի ժամանակ հայտարարել է ՀՀ էկոնոմիկայի նախարարության Զբոսաշրջության կոմիտեի նախագահ Սուսաննա Սաֆարյանը՝ պատասխանելով ԱրմԻնֆո-ի թղթակցի հարցին:  

 

Նա նշել է, որ այսօր պետությունն անում է հնարավոր ամեն ինչ ռիսկերի նվազեցման համար, սակայն հստակ կանխատեսում չի արել, թե կհաջողվի արդյոք խուսափել վիրուսի ներթափանցումից Հայաստան:

 

Անդրադառնալով 2020 թվականի սպասելիքներին ՝ կոմիտեի ղեկավարը նշել է, որ Հայաստան զբոսաշրջային հոսքերի վերաբերյալ կանխատեսում հնչեցվել է դեռ տարեսկզբին, երբ կորոնավիրուսի հետ կապված ռիսկեր չեն հայտնաբերվել: <Մենք նախատեսում ենք ապահովել առնվազն նույնքան աճ, որքան 2019 թվականի արդյունքներով։ Կորոնավիրուսը, բնականաբար, կարող է բացասաբար անդրադառնալ զբոսաշրջության դինամիկայի վրա ոչ միայն Հայաստանում, այլև ամբողջ աշխարհում, սակայն դեռևս վաղ է կանխատեսումներ անել ։  Պետք է հետևել իրավիճակին և անհրաժեշտության դեպքում կիրառել համապատասխան միջոցներ, սահմանափակումներ >, - ասել է նա ։

 

Ինչ վերաբերում է իրանցի զբոսաշրջիկներին, որոնք ավանդաբար մտնում են ԹՈՓ-5-ի մեջ, ապա կոմիտեի ղեկավարը նշել է, որ 2 շաբաթվա ընթացքում, քանի դեռ փակ են սահմանները, առանձնակի կորուստներ սպասել պետք չէ, քանի որ Հայաստանում Իրանի քաղաքացիների համար ակտիվ տուրիստական սեզոնը սկսվում է գարնանը ՝ Նովրուզի ժամանակ: <Կհետեւենք իրավիճակին եւ կընդունենք դրա զարգացմանը համապատասխանող որոշումներ>, - ասել է նա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի