Երեթշաբթի, 18 Փետրվարի 2020 12:20
Կարինա Մանուկյան

Փաշինյանը՝ բանակում տեղի ունեցող միջադեպերի մասին. Կայացվեցին մի շարք կարեւոր, այդ թվում կադրային որոշումներ

Փաշինյանը՝ բանակում տեղի ունեցող միջադեպերի մասին. Կայացվեցին մի շարք կարեւոր, այդ թվում կադրային որոշումներ

Արմինֆո.Հայաստանի խորհրդարանում փակ քննարկում է ընթանում ՀՀ ԶՈՒ գլխավոր շտաբի պետ Արտակ Դավթյանի մասնակցությամբ: Քննարկումը, որը նախաձեռնվել է բանակում տեղի ունեցած ողբերգական միջադեպերի կապակցությամբ, անցկացվում է Ազգային ժողովի մարդու իրավունքների պաշտպանության եւ հանրային հարցերի, ինչպես նաեւ պաշտպանության եւ անվտանգության մշտական հանձնաժողովների մասնակցությամբ:

 

Միևնույն ժամանակ, փետրվարի 18-ին վարչապետ Նիկոլ Փաշինյանը Facebook-ի իր էջում անդրադարձել է նախօրեին կառավարությունում պաշտպանական գերատեսչությունների ներկայացուցիչների մասնակցությամբ տեղի ունեցած խորհրդակցությանը: ՙԵրեկ կառավարությունում քննարկում ունեցանք այս տարվա ընթացքում բանակում տեղի ունեցած դեպքերի վերաբերյալ: Կայացվեցին մի շարք կարեւոր, այդ թվում կադրային որոշումներ: Այս ֆոնին՝ հարկ եմ համարում ընդգծել, որ 2019 թվականին բանակում արձանագրված մահվան դեպքերի պատմական մինիմում ենք ունեցել:

Եւ մեր խնդիրն է այս դինամիկան պահպանել: Սրա համար, սակայն, կարեւոր եմ համարում բանակի շուրջ նյարդային մթնոլորտի բացառումը: Չկա բանակ-հասարակություն բաժանում: Մենք մեկ մարմին ենք, մեկ ընտանիք, մեկ օրգանիզմ: Եւ մենք կհաղթենք: Փա՛ռք Հայոց փառապանծ բանակին՚, - գրել է վարչապետը: ԱրմԻնֆո-ի աղբյուրի տվյալներով՝ կայացված որոշումների արդյունքում առաջիկա մի քանի օրվա ընթացքում պետք է սպասել ՀՀ պաշտպանության նախարարության ռազմական ոստիկանության պետ Արթուր Բաղդասարյանի, ՀՀ ՊՆ անձնակազմի հետ տարվող աշխատանքների  վարչության պետ Ալիկ Ալեքսանյանի հրաժարականները:  Պաշտոնից կզրկվի կամ ինքըլ հրաժարական կտա Արցախի Պաշտպանության բանակի հրամանատար, գեներալ-լեյտենանտ Կարեն Աբրահամյանը։

Չի բացառվում, որ Աբրահամյանի հրաժարականին հետևեն պաշտոնանկություններ  Արցախի ՊԲ-ում։   Հավելենք, որ տարեսկզբից ի վեր բանակում հաճախակի են դարձել հրազենի գործադրմամբ և մահացու ելքով ողբերգական միջադեպերը: Այս առնչությամբ խորհրդարանականները բազմիցս կոչ են արել պատկան մարմիններին ուշադրություն դարձնել ստեղծված իրավիճակին։  Այս համատեքստում պաշտոնատար անձանց կողմից մատնանշվել է բանակում քրեական ենթամշակույթի դեմ պայքարի անհրաժեշտությունը։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի