Ուրբաթ, 14 Փետրվարի 2020 21:16
Կարինա Մանուկյան

Նիկոլ Փաշինյանը և Իլհամ Ալիևը կմասնակցեն ԼՂ հակամարտության թեմայով քննարկմանը

Նիկոլ Փաշինյանը և Իլհամ Ալիևը կմասնակցեն ԼՂ հակամարտության թեմայով քննարկմանը

Արմինֆո.Փետրվարի 15-ին Մյունխենի անվտանգության համաժողովի (MSC) շրջանակներում տեղի կունենա կլոր սեղան ղարաբաղյան հակամարտության թեմայով։  MSC-ի պաշտոնական կայքի տեղեկատվության համաձայն ՝ միջոցառմանը կմասնակցեն Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը:

 

Քննարկումը տեղի կունենա փետրվարի 15-ին՝ տեղական ժամանակով 17:30-ից մինչև 18:15-ը: Քննարկման համակարգողը կլինի ԱՄՆ ռուսական հիմնադրամի նախագահ և գլխավոր գործադիր տնօրեն Սելեստա Վալանդերը:

 

Մյունխենի անվտանգության համաժողովին մասնակցում են ավելի քան 40 երկրների նախագահներ, կառավարությունների ղեկավարներ ու արտաքին գործերի նախարարներ: Մասնավորապես, մասնակիցների թվում են ՀՀ նախագահ Արմեն Սարգսյանը, Կանադայի վարչապետ Ջասթին Թրյուդոն, Ֆրանսիայի նախագահ Էմանուել Մակրոնը, Նիդեռլանդների վարչապետ Մարկ Ռուտեն, Ավստրիայի կանցլեր Սեբաստիան Կուրցը, Ռուսաստանի արտաքին գործերի նախարար Սերգեյ Լավրովը, ԱՄՆ պետքարտուղար Մայք Պոմպեոն, ԱՄՆ Ներկայացուցիչների պալատի խոսնակ Նենսի Փելոսին, Իրանի արտաքին գործերի նախարար Մուհամեդ Ջավադ Զարիֆը, ՆԱՏՕ-ի գլխավոր քարտուղար Յանս Ստոլտենբերգը, ԵԱՀԿ գլխավոր քարտուղար Թոմաս Գրենինգերը և այլք:  

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի