Լարիսա Ալավերդյան. Նոր իշխանությունը սահմանադրական հեղաշրջում է իրականացնում ժողովրդի ձեռքերով

Արմինֆո. Նոր իշխանությունը Հայաստանում սահմանադրական հեղաշրջում է իրականացնում ժողովրդի ձեռքերով, որը չի կարող մեղադրանքի սուբյեկտ լինել։ Այս մասին Արմինֆո-ի թղթակցի հետ զրույցում հայտարարել է Հայաստանի առաջին օմբուդսմեն, <Ընդդեմ իրավական կամայականության> հասարակական կազմակերպության գործադիր տնօրեն Լարիսա Ալավերդյանը ։

Նա նշել է, որ անհասկանալի է, թե ինչու է դա արվում։ <Ես կարծում եմ, որ իշխանության նպատակը ոչ այնքան Սահմանադրական դատարանն իրեն ենթարկելն է։  Կարծում եմ ՝ հետապնդվում են նաև այլ նպատակներ։ Մասնավորապես, կարծում եմ, ՍԴ - ն անհրաժեշտ է նոր իշխանություններին այնպիսի դրույթներ ընդունելու համար, որոնց այդ կազմը չի գնա>, - ընդգծել է Ալավերդյանը։

Փորձագետը նաեւ ընդգծել է, որ իշխանությունները իրավիճակը տանում են դեպի հանրաքվե, քանի որ ցանկանում են իրենց վրայից գցել Սահմանադրության դրույթների փոփոխման պատասխանատվությունը: <Ոչ ոք չի թաքցնում, որ Սահմանադրական դատարանի շուրջ տեղի ունեցող գործընթացը նույնիսկ ոչ թե քաղաքական է, այլ՝ քաղաքականացված։ Փաստացի դա սահմանադրական հեղաշրջում է, և իշխանություններին շատ կարևոր է ՝ պատասխանատվություն չվերցնել դրա համար ։  Դա բնորոշ է բոլոր տոտալիտար ռեժիմներին, որոնք իրենց գործողությունները քողարկում են ժողովրդի համաձայնությամբ։ Իսկ մարդկանց անընդհատ ասում են, որ բոլոր փոփոխությունները բացառապես կապված են ՍԴ նախագահին փոխելու հետ։  Մարդիկ կմտածեն, որ իրենք հենց դրա համար են քվեարկում>, - նշել է Հայաստանի առաջին օմբուդսմենը։

Ալավերդյանի խոսքով՝ ժողովուրդն այժմ ներքաշվում է Սահմանադրության դեմ հանցագործության մեջ։  <Այստեղ հայտնի է, թե ով է կողմ այդ փոփոխություններին, ֆիգուրանտներն ու նրանց ազգանունները, իսկ երբ գործընթացի մեջ է ներքաշվում ժողովուրդը, դու չես կարող հետո դատապարտել ողջ ժողովրդին:  Իշխանության ներկայացուցիչներից յուրաքանչյուրն այնպիսի տգիտություն ու արհամարհանք է դրսեւորել սահմանադրականության միջազգային սկզբունքների նկատմամբ, որ դա պարզապես ապշեցնում է>, - ընդգծել է փորձագետը ։

Ալավերդյանը նաև նշել է, որ Սահմանադրական դատարանը չի կարող փաստացի խոչընդոտել հանրաքվեի անցկացմանը։ <Իհարկե, հանրաքվեն տեղի կունենա օրենքի խախտմամբ, բայց չէ որ Ազգային ժողովը երեկ արդեն խախտել է խորհրդարանի կանոնակարգը արտահերթ նիստ անցկացնելու ժամանակ ։  Այնպես որ, ես որևէ խոչընդոտ չեմ տեսնում օրենքի խախտմամբ հանրաքվե անցկացնելու համար>, - ընդգծել է նա ։

Փորձագետը նաեւ հայտնել է, որ ՍԴ ներկայացուցիչները, անկասկած, կարող են բողոքարկել այդ հանրաքվեն Մարդու իրավունքների եվրոպական դատարանում: <Սակայն, խնդիրն այն է, որ ՄԻԵԴ-ը չի կարող ստիպել գործող իշխանություններին վերականգնել ՍԴ դատավորներին իրենց պաշտոնում։  ՄԻԵԴ - ը կարող է միայն ստիպել իշխանություններին վճարել որոշակի գումար պատճառված վնասի համար>, - եզրափակել է Ալավերդյանը։

Նշենք, որ Հայաստանի Ազգային ժողովը որոշում է կայացրել Սահմանադրության փոփոխությունների նախագիծը հանրաքվեի դնելու մասին: Այդ որոշմանը կողմ է քվեարկել 88 պատգամավոր, դեմ ՝ 15, ոչ մի պատգամավոր ձեռնպահ չի մնացել։ <Բարգավաճ Հայաստան> խմբակցությունը չի մասնակցել քվեարկությանը։