Չորեքշաբթի, 29 Հունվարի 2020 14:39
Ալինա Հովհաննիսյան

Պահարանում նվագելուց մինչեւ ՌԴ վաստակավոր արտիստի կոչում. Միխայիլ Միրզաբեկովն առաջին անգամ ելույթ կունենա Հայաստանում

Պահարանում նվագելուց մինչեւ ՌԴ վաստակավոր արտիստի կոչում. Միխայիլ Միրզաբեկովն առաջին անգամ ելույթ կունենա Հայաստանում

Արմինֆո. Փետրվարի 23-ին Կարեն Դեմիրճյանի անվան մարզահամերգային համալիրում տեղի կունենա Կովկասյան շանսոնի երեկո, որի հատուկ հյուրը կլինի Ռուսաստանի վաստակավոր արտիստ, կլարնետահար Միխայիլ Միրզաբեկովը:

Սա պատմական հայրենիքում երաժշտի առաջին համերգն է, որին Միրզաբեկովը հատուկ հուզմունքով վերաբերվում։ "Չէ որ սա հայրենիքս է:  Իսկ դա նշանակում է, որ ինձ համար չափազանց պատասխանատու առաքելություն է", - Արմինֆո-ի թղթակցի հետ զրույցում ասել է կլարնետահարը։

 

Մինչ այդ Միրզաբեկովը բազմիցս ներկայացրել է հայ հանդիսատեսին, սակայն ելույթները մասնավոր բնույթ են կրել։  Այս անգամ, կովկասյան շանսոնի երեկոյին, կլարնետահարը մտադիր է կատարել իր մի քանի ստեղծագործություններ։   Իսկ երևանյան հանդիսատեսի համար անակնկալ կլինի "Հավերժական Հայաստան" երգը, որի երաժշտությունը գրել է Միրզաբեկովը հրեա երաժիշտ, կոմպոզիտոր, բանաստեղծ և այդ ստեղծագործության խոսքերի հեղինակ Բեռնար Օսիպովի խնդրանքով:

 

Ուժագրավ է, որ ինքը՝ Օսիպովը, երբեք չի եղել Հայաստանում։  Միրզաբեկովի պատմելով՝ Հայաստանին նվիրված նման սրտառուչ խոսքեր երաժիշտը գրել է այն բանից հետո, երբ իմացել է հայ մեծանուն շանսոնյե Շառլ Ազնավուրի մահվան մասին, ում ստեղծագործությանը հատուկ հիացմունքով ու հարգանքով էր վերաբերվում։

"Բեռնարդն ինձ զանգահարեց և կարդաց Հայաստանի մասին գրված բանաստեղծությունը։  Ես զարմացած էի, քանի որ նման երգ, իմ կարծիքով, կարող էր գրել մի մարդ, ով գիտի Հայաստանը, նրա ոգին", - ասել է երաժիշտը։

 

Կլարնետահարի խոսքով՝ Օսիպովը Միրզաբեկովին խնդրել է երաժշտություն գրել այդ խոսքերի համար, ինչն էլ արվել է։

 

"Երբ ես արդեն պատրաստի ստեղծագործությունն ուղարկեցի Ջիվանին (Ջիվան Գասպարյան - խմբ.), նա ինձ ասաց, որ այդ երգը լինելու է բոլոր հայերի շուրթերին", - ասել է նա:  Միաժամանակ, կլարնետահարը պատմել է, որ փետրվարին կայանալիք համերգին մտադրություն կա "Հավերժական Հայաստան" երգի քառատողերից մեկը հայերեն թարգմանել, որը կկատարի հայ հայտնի էստրադային երգիչներից մեկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի