Վարչապետ. Արցախում նախագահական ընտրությունների հետ կապված մանիպուլյացիաները չեն անցնի

Արմինֆո.Արցախում նախագահական ընտրությունների հետ կապված մանիպուլյացիաները չեն անցնի, հունվարի 25-ին Կապանում ասուլիսի ժամանակ հայտարարել է ՀՀ վարչապետ Նիկոլ Փաշինյանը ։

Նրա խոսքով, զրկվելով վերադարձի բոլոր հույսերից՝ Հայաստանի նախկին իշխանությունն այժմ հույսը դնում է Ղարաբաղում կայանալիք նախագահական ընտրությունների վրա՝ երկրի ղեկավարի պաշտոնում առաջադրելով այն անձին, որն արդեն մերժված է հանրապետության ժողովրդի կողմից: Արցախի և Հայաստանի ղեկավարների համար այս սցենարն ակնհայտ է, հասկանալի է նաև Ազգային անվտանգության տեսանկյունից։ Որպես օրինակ ՝ վարչապետը մատնանշում է Արցախի նկատմամբ Հայաստանի նոր իշխանությունների իբր հակաժողովրդական քաղաքականության մասին նախկին իշխանությունների ներկայացուցիչների հայտարարությունները։  Խոսքը, մասնավորապես, այն մասին է, որ այն անձի նախագահ ընտրվելու դեպքում, որը դեմ չէ Հայաստանի իշխանությունների վարած քաղաքականությանը, վտանգներ կառաջանան Ղարաբաղի անվտանգության համար ։  <Նույնիսկ հայտարարություններ են հնչում իբր Սերժ Սարգսյանի թողած հրաշալի ժառանգության մասին>,- նշել է Նիկոլ Փաշինյանը։

<Վերջերս լրատվամիջոցներից մեկում հոդված տպվեց, որտեղ, ըստ էության փաստաթղթից մեջբերում էր, թե Սերժ Սարգսյանը որ կետում է թողել բանակցային գործընթացը, և նախկին իշխանությունների կողմից պաշտոնական հերքումներ չեն եղել Երեք հիմնական պարբերություն է: Պարբերություն առաջին՝ Լեռնային Ղարաբաղի հակամարտության համապարփակ կարգավորման վերջնական նպատակներն են՝7 շրջանների` Աղդամի, Ֆիզուլիի, Ջեբրայիլի Զանգելանի, Կուբաթլիի, Քելբաջարի և Լաչինի վերադարձը Ադրբեջանին՝ պայմանով, որ պահպանվում է ԼՂ-ն Հայաստանին կապող միջանցքը: Կողմերի միջև համաձայնեցված ժամկետներում ՄԱԿ-ի կամ ԵԱՀԿ հովանու ներքո Լեռնային Ղարաբաղի ողջ բնակչության ազատ կամարտահայտությունը հանդիսացող համընդհանուր քվեարկության միջոցով Լեռնային Ղարաբաղի վերջնական իրավական կարգավիճակի որոշումը, որը կլինի իրավական առումով պարտադիր և կհամապատասխանի միջազգային իրավունքի նորմերին և սկզբունքներին՝ նկատի ունենալով, որ քվեարկության դրված հարցը կամ հարցերը չպետք է սահմանափակվեն և կարող են ներառել կարգավիճակին վերաբերող բոլոր տարբերակները: Տարածաշրջանում քաղաքական, առևտրային, տնտեսական և հումանիտար կապերի ամբողջական կարգավորում, դրացիական համագործակցության վերականգնում, Հարավային Կովկասի տարածաշրջանի ամբողջական կայունության ապահովում:

Պարբերություն երկրորդ. խաղաղապահ ուժերը կտեղակայվեն նախկին Լեռնային Ղարաբաղի ինքնավար շրջանի վարչական սահմանների երկայնքով, բացառությամբ Քելբաջարի և Լաչինի շրջանների մաս կազմող հատվածների: Քելբաջարի շրջանը կմնա ԵԱՀԿ անցումային մշտադիտարկման տակ: Պարբերություն երրորդ. մինչև վերջնական կարգավորման որոշումը Լեռնային Ղարաբաղի պետք է օժտվի ժամանակավոր կարգավիճակով>,- ասել է Փաշինյանը:

Վարչապետը նաեւ նշել է, որ կառավարության ղեկավարի պաշտոնը ստանձնելիս իրեն առաջարկվել է վերսկսել բանակցությունները հենց այս կետից, սակայն Ստեփանակերտում Արցախի և Հայաստանի անվտանգության խորհուրդների համատեղ նիստում բոլորովին այլ տեսակետներ են հնչել։

Ավելի վաղ ԱրմԻնֆոն հայտնել էր, որ Արցախի նախագահական և խորհրդարանական ընտրությունները տեղի կունենան 2020 թվականի մարտի 31-ին: Նախագահական ընտրություններին մասնակցելու իրենց մտադրության մասին հայտարարել են <Ազատ հայրենիք> կուսակցության նախագահ Արայիկ Հարությունյանը, ներկայիս արտգործնախարար Մասիս Մայիլյանը, Անվտանգության խորհրդի նախկին քարտուղար Վիտալի Բալասանյանը: