Երկուշաբթի, 20 Հունվարի 2020 17:47
Մարիաննա Մկրտչյան

Կոպիրկինը հայ-ռուսական հարաբերությունների կուրսի փոփոխության նախադրյալներ չի տեսնում՝ կապված Դմիտրի Մեդվեդևի կառավարության հրաժարականի հետ

Կոպիրկինը հայ-ռուսական հարաբերությունների կուրսի փոփոխության նախադրյալներ չի տեսնում՝ կապված Դմիտրի Մեդվեդևի կառավարության հրաժարականի հետ

Արմինֆո. Հայաստանում Ռուսաստանի դեսպան Սերգեյ Կոպիրկինը նախադրյալներ չի տեսնում հայ-ռուսական հարաբերությունների կուրսի փոփոխության համար՝  կապված Դմիտրի Մեդվեդեւի կառավարության հրաժարականի հետ:

 

Պատասխանելով համապատասխան հարցին ՝ նա նշել է, որ դրա համար նախադրյալներ չի տեսնում ՝ ընդգծելով, որ այսօր կա երկու երկրների միջեւ փոխգործակցության հետագա խորացման եւ ընդլայնման նպատակադրում։

 

<Հայաստանը Ռուսաստանի համար կարևոր երկիր է։  Մեր հարաբերություններն ունեն շատ ամուր հիմք, ընդհանուր, փոխադարձ շահերի լայն ոլորտ։  Հենց այդ պատճառով ես կարծում եմ, որ դա չի կարող կասկածի տակ դրվել>, - ասել է ռուս դիվանագետը: Նա ևս մեկ անգամ ևս վստահեցրել է, որ Ռուսաստանի կառավարությունում կադրային փոփոխությունները ոչ մի կերպ չեն ազդի երկու երկրների հարաբերությունների վրա:

 

Միեւնույն ժամանակ, Ռուսաստանի դեսպանը չի մեկնաբանել ընթացիկ տարվա ապրիլից Հայաստանի համար գազի գնի բարձրացման մասին տեղեկատվությունը: <Ես ձեռնպահ կմնամ որևէ մեկնաբանությունից, քանի որ դա մի հարց է, որը քննարկվում է այդ ոլորտում անմիջականորեն ներգրավված համապատասխան շրջանակների մակարդակով։  Իմ մեկնաբանություններն այդ հարցի առնչությամբ դժվար թե տեղին լինեն>, - ասել է Կոպիրկինը ՝ հիշեցնելով, որ բանակցությունները զգայուն հարց են եւ կոչ անելով սպասել դրանց վերջնական արդյունքներին։ 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի