Կախատեսում. "Կորցնելով" Արցախը՝  "նախկիններն" ընդմիշտ կհուղարկավորեն սեփական վերադարձի գաղափարը

Արմինֆո."Կորցնելով" Արցախը՝ "նախկիններն" ընդմիշտ կհուղարկավորեն իշխանության վերադառնալու գաղափարը, թեև, իմ կարծիքով, նրանք վաղուց պետք է դա անեին։  ԱրմԻնֆո-ին այդպիսի կարծիք է հայտնել Միջազգային հարաբերությունների և անվտանգության հարցերի հայկական ինստիտուտի տնօրեն Ստեփան Սաֆարյանը։

"Այդ մարդիկ հասկացել են, որ Արցախի իշխանությունը մնում է իրենց վերադարձի վերջին հույսը։  Այս լույսի ներքո՝ ես Հայաստանի դեմ Արցախի փաստացի ընդվզման վերաբերյալ Ռոբերտ Քոչարյանի վերջին կոչերը գնահատում եմ որպես սպառնալիք ազգային անվտանգության համար։  Նման կոչերը "նախկինների" նախապատրաստությունն են հանուն Արցախի իշխանության իրենց համար վերջին ճակատամարտին, և դրանք բավականին վտանգավոր են", - նշել է նա։

Մեկնաբանելով նույն Քոչարյանի եւ հանրապետականների կողմից Հայաստանում արտահերթ խորհրդարանական ընտրությունների անցկացման հույսեր հնչեցնելը՝ վերլուծաբանը դրանք որակել է ապարդյուն։ Նրա գնահատմամբ՝ այսօր արտահերթ ընտրություններ անցկացնելու ոչ մի հիմք չկա։ Իսկ այդ ուղղությամբ  "նախկինների" բոլոր ջանքերն արդեն ձախողվել են, "թեժ աշուն" չստացվեց, իսկ այսօր նաև սպառնալիք է առաջացրել Արցախում նրանց շահերի համար։

Այս լույսի ներքո՝ Սաֆարյանը հեգնանքով է վերաբերվում Արցախում "յուրային" նախագահ ունենալու նպատակով Նիկոլ Փաշինյանի կողմից Արցախի նախագահի թեկնածուների նկատմամբ  ճնշման վերաբերյալ Քոչարյանի հայտարարություններին։ Վրելուծաբանի գնահատմամբ՝ Քոչարյանը ժամանակին ամեն ինչ արել է, որպեսզի ՀՀՇ-ի համար ընդունելի ԼՂՀ գերագույն խորհրդի խոսնակի թեկնածու դառնա՝ Արթուր Մկրտչյանի փոխարեն, ինչից հետո ՀՀ նախագահի հրամանով նշանակվել է վարչապետ։

"Դրանով իսկ Քոչարյանը կուրորեն և հլու-հնազանդ հետևում էր Լևոն Տեր-Պետրոսյանի հրամաններին։  Դրանով նա ապացուցում էր, որ Արցախը անկախ պետություն չէ, որ ինքը Հայաստանի նախագահի դրածոն է Արցախում, որին վերջինս կարող է տեղաշարժել երբ և ուր ուզենա։  Այս լույսի ներքո՝ ինձ թվում է, որ Քոչարյանն ավելի լավ կանի նման թեմաների շուրջ ընդհանրապես չխոսի", - ամփոփել է Սաֆարյանը։

2020 թվականին Արցախի Հանրապետությունում տեղի կունենան խորհրդարանական և նախագահական ընտրություններ։   Հանրապետության գործող նախագահ Բակո Սահակյանը կարող էր իր թեկնածությունն առաջադրել եւս երկու ժամկետով ՝ 2020 եւ 2025 թվականներին: Այնուամենայնիվ, նա հայտարարել է, որ չի առաջադրվի։  Դրանց մասնակցելու մտադրության մասին հայտարարել են պաշտպանության նախկին նախարար, Արցախի հերոս Սամվել Բաբայանը, ինչպես նաեւ Անվտանգության խորհրդի նախկին քարտուղար Վիտալի Բալասանյանը:

Գործող իշխանության թեկնածու է համարվում Հանրապետության նախկին վարչապետ, "Ազատ հայրենիք" կուսակցության առաջնորդ Արայիկ Հարությունյանը, ինչպես նաև խորհրդարանի խոսնակ Աշոտ Ղուլյանը ։  Այսպիսով, գործող իշխանությունների հետ կապ չունեցող միակ թեկնածուն Արցախի արտաքին գործերի նախարար Մասիս Մայիլյանն է ։