Արմինֆո. Երևանի քաղաքապետի տեղակալ Տիգրան Վիրաբյանը լրագրողների հետ հանդիպմանը ներկայացրել է տոնական միջոցառումների ծրագիրը, ժամանակացույցն ու ծախսերը:
«Ամանոր 2020» միջոցառումները կմեկնարկեն դեկտեմբերի 21-ին՝ ժամը 20:00-ին, Հանրապետության հրապարակից՝ Գլխավոր տոնածառի լույսերը վառելու արարողությամբ: Սպասվում է հետաքրքիր մյուզիքլ՝ հայ էստրադային երգիչների մասնակցությամբ: Նախագծի իրականացման համար աշխատում է մեծաթիվ աշխատակազմ:
Նույնը օրը Երևանի 2750-ամյակի այգում կբացվի սուրբծննդյան տոնավաճառը, որտեղ ամեն օր կլինեն հետաքրքիր ծրագրեր:
Դեկտեմբերի 31-ին՝ ժամը 22:00-ից Հանրապետության հրապարակում կլինի համերգային ծրագիր: Այդ օրն առաջին անգամ կներկայացվի «Երևան 2020» միջոցառումների համար գրված երգը: Հանրապետության հրապարակից ուղիղ եթերում կհնչի վարչապետի Ամանորի ուղերձը, իսկ արդեն կեսգիշերն անց տոնախմբող քաղաքացիներին կմիանա Գորան Բրեգովիչն իր երգչախմբով:
Ձևավորման մասին խոսելով՝ քաղաքապետի տեղակալը նշել է, որ Հանրապետության հրապարակն այս տարի կներկայանա նոր տեսքով: Գլխավոր տոնածառին քաղաքացիները կմոտենան կառուցվող հատուկ վերգետնյա անցումով, որը հրապարակը կկապի Երևանի 2750-ամյակի այգուն: Հետաքրքիր ու ժամանակակից լուծումներով և գիշերային լուսավորությամբ աչքի կընկնեն հրապարակի շատրվանները: Հունվարի 5-ին հատուկ ծրագիր կլինի մանուկների համար: Ամանորի միջոցառումները կամփոփվեն հունվարի 13-ին:
«Տարիներ շարունակ քաղաքացիները ստիպված էին եղևնուն մոտենալ՝ խախտելով ճանապարհային երթևեկության և անվտանգության կանոնները, վտանգելով իրենց: Այս տարի այդ խնդիրը լուծում ենք կամրջի միջոցով»,-ասել է քաղաքապետի տեղակալը:
Անդրադառնալով միջոցառումների ծախսային մասին՝ Տիգրան Վիրաբյանը նշել է, որ Երևանի քաղաքապետարանը վերջին երկու տարիներին որևէ կերպ չի ավելացրել դրանք:
«Ես պետք է խոսեմ փաստերով և թվերով: 2017թ. Երևանի Ամանորի ծախսերի բյուջեն կազմել է 199 մլն 46 հազար ՀՀ դրամ, 2018-ին՝ 167 մլն 860 հազար ՀՀ դրամ և 2019թ.-ին՝ 158 մլն 512 հազար ՀՀ դրամ: Սա նշանակում է վերջին 2 տարիներին Երևանի բյուջեով նախատեսված ծախսային մասում ունենք շուրջ 40 մլն դրամի նվազում: Ինչ վերաբերում է կառավարության կողմից հատկացված 271 մլն դրամին, ապա նշեմ, որ այն պատվիրակված լիազորություն է: Միջոցներն ուղղվելու են Հանրապետության հրապարակում ու հարակից հատվածներում տոնական միջոցառումների կազմակերպմանը, որի համար համայնքային բյուջեից հատկացվել էր 54 մլն դրամ: Եղել է կառավարության կողմից առաջարկ՝ ավելացնել ծավալներն ու միջոցառումը դարձնել համապետական ու հրավիրել միջազգային հեղինակության արտիստ: Ի դեպ, ինչ վերաբերում է Գորան Բրեգովիչի հետ կնքված պայմանագրի արժեքին, ապա նշեմ, որ այն կազմում է 65 հազար եվրո: Իսկ Երևանի քաղաքապետարանը չի ավելացրել և չի ավելացնելու այս բյուջեն, ավելին, ամեն տարի կրճատվելու են այն ծախսերը, որոնք էապես չեն ազդի որակին»,-ընդգծել է փոխքաղաքապետը:
Տիգրան Վիրաբյանը խոսել է նաև գնումների ընթացակարգի մասին և նշել, որ թեև հնարավորություն է եղել մեկ անձից գնում կատարելու, սակայն ընտրվել է 4 տարբեր կազմակերպություն: Նշվել է, որ բոլոր ընկերություններն աշխատում են ԱԱՀ-ով և գումարի մի մասը վերադարձվում է բյուջե:
Հայ փորձագետներն ու Թուրքիայի առաջատար վերլուծական կենտրոնների ներկայացուցիչները քննարկել են երկրների միջև համագործակցության ընդլայնման հեռանկարները
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
