Արմինֆո. Թուրքիայի ներխուժումը Սիրիա լրացուցիչ հնարավորություններ է բացում Հայաստանի հետ Իսրայելի համագործակցության համար։ ԱրմԻնֆո-ին այդպիսի կարծիք է հայտնել իսրայելցի հասարակական գործիչ, քաղաքագետ Ավիգդոր Էսկինը։
"Թուրքիայի ակնհայտ անսանձ, ագրեսիվ պոռթկումների դեպքում հզոր Հայաստանը կարեւոր է ողջ տարածաշրջանի եւ ամբողջ աշխարհի համար՝ որպես կայունացնող գործոն։ Ժամանակն է դա գիտակցել եւ Հայաստանին օգնություն ցուցաբերել նրա կայացման եւ ամրապնդման գործում", - ընդգծել է նա։
Էսկինի խոսքով՝ Սիրիա թուրքական ներխուժուման մեկնարկից հետո ռազմական գործողությունների զոհերն արդեն հարյուրներով են հաշվվում, ինչը քաղաքագետը զարմանալի չի համարում՝ կոչ անելով հիշել ութսունականների սկզբից Անկարայի կողմից բնաջնջված տասնյակ հազարավոր քրդերի մասին։ Սակայն, այս անգամ խոսքը ոչ թե, պարզապես, Սիրիա թուրքական ներխուժման, այլև այնտեղ արմանատական սուննի ուղղվածության ահաբեկչական ավազակախմբերի, այդ թվում ՝ տխրահռչակ "Իսլամական պետության" գրոհայինների ներդրման մասին է։
Իրադարձությունների նման ընթացքը, ըստ քաղաքագետի կանխատեսումների, սպառնալիքի տակ է դնում Սիրիայում ռուսական ռազմական գործողության արդյունքները։ Եվ եթե Էրդողանին հաջողվի Թուրքիայի տարածքում գտնվող բոլոր արյունարբու ֆանատիկոսներին թույլ տալ մուտք գործել հարևան երկիր, Սիրիայի ապագան կրկին վտանգի տակ կհայտնվի։ Նրա կարծիքով, կարեւոր դաս է քրդական շարժման հերթական քաղաքական ձախողումը, եւ եթե երկու տարի առաջ նրանք անկախության շանսեր ունեին, ապա հենց սեփական տարանջատումը հանգեցրեց նրանց տապալման։ Ինչի հետևանքներն այսօր նկատվում են։
"Իսրայելում շատ լավ հասկանում են սպառնալիքը, որը ներկայացնում է ներկայիս Թուրքիան մերձավորարեւելյան ողջ տարածաշրջանի համար։ Էրդողանի վերջին քայլերն ապացուցում են քաղաքակրթական նորմերի շրջանակներում գործելու նրա անկարողությունը։ Իսրայելի վարչապետ Բենիամին Նեթանյահուն օգնություն է խոստացել քուրդ աշխարհազորայիններին։ Իսրայելի որոշ նախարարներ երկրի կողմից անկախ Քրդստանը ճանաչելու կոչ են անում", - ամփոփել է Էսկինը։
Հոկտեմբերի 9-ին թուրքական բանակը ներխուժեց հարևան Սիրիայի հյուսիսային շրջաններ։ Թուրքիայի նախագահ Ռեջեփ Թայիփ Էրդողանը նման գործողությունները որակում է ՔԱԿ և ԻՊ դեմ ուղղված "խաղաղության ակունք" գործողություն, որի նպատակը, նրա ասելով, ահաբեկիչներից Թուրքիայի հարավային սահմանի անվտանգության ապահովումն է, Սիրիայի տարածքային ամբողջականության պաշտպանությունը եւ սիրիացիների վերադարձը, "որոնց Թուրքիան չի կարող անվերջ պահել": Անկարայի գործողությունները քննադատության են արժանացել գրեթե բոլոր հարեւան երկրների, ԵՄ և ԱՄՆ կողմից: Վերջիններս ոչ երկիմաստ կերպով սպառնացել են Թուրքիային պատժամիջոցներով։ Թուրքիայի պաշտպանության նախարարությունը հաղորդել է, որ, վերջին տվյալներով, գործողության ընթացքում ոչնչացվել է 174 ահաբեկիչ։ Սիրիայում հաղորդել են 8 խաղաղ բնակիչների զոհվելու եւ 20 վիրավորների մասին։
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ