Arminfo.info





 Երեթշաբթի, 17 Սեպտեմբերի 2019 16:02

Զոհրաբ Մնացականյան. Մենք փոքր պետություններ ենք աշխարհի քարտեզի վրա, սակայն մենք ժողովուրդներ ենք, ովքեր առանձնահատուկ ուժեղ զգացում ունեն ազատության և անկախության նկատմամբ

Զոհրաբ Մնացականյան. Մենք փոքր պետություններ ենք աշխարհի քարտեզի վրա, սակայն մենք ժողովուրդներ ենք, ովքեր առանձնահատուկ ուժեղ զգացում ունեն ազատության և անկախության նկատմամբ

Արմինֆո.Սեպտեմբերի 16-ին պաշտոնական այցով Վիլնյուսում գտնվող Հայաստանի արտգործնախարար Զոհրաբ Մնացականյանն այցելել է Արևելյան Եվրոպայի հետազոտությունների կենտրոն, որտեղ տեղի է ունեցել «Հայաստանը՝ թավշյա հեղափոխությունից մեկ տարի անց» խորագրով քննարկում լիտվացի առաջատար փորձագետների հետ:

 

Ինչպես ԱրմԻնֆո-ին հաղորդեցին ԱԳՆ մամուլի ծառայությունից, ողջունելով միջոցառման մասնակիցներին՝ ԱԳ նախարար Զոհրաբ Մնացականյանը նշել է, որ ուրախ է լինել պաշտոնական այցով Վիլնյուսում, և իր համար մեծ պատիվ է, որ այս քննարկմանը ներկա է նաև Լիտվայի անկախացման գործընթացի առաջնորդներից Վիտաուտաս Լանցբերգիսը: «Մենք փոքր պետություններ ենք աշխարհի քարտեզի վրա, սակայն մենք ժողովուրդներ ենք, ովքեր առանձնահատուկ ուժեղ զգացում ունեն ազատության և անկախության նկատմամբ: Պարո՛ն Լանցբերգիս, Ձեր ներկայությունն այսօր ինձ հիշեցրեց այն շատ կարևոր ժամանակաշրջանը, երբ Հայաստանը և Լիտվան, այլ փոքր ազատասեր ժողովուրդների հետ միասին, պայքարում էին իրենց անկախության համար»:

 

Քննարկմանը նախարար Մնացականյանը հանգամանալից ներկայացրել է Հայաստանի արտաքին քաղաքական առաջնահերթությունները և գերակայությունները, ինչպես նաև կառավարության կողմից իրականացվող բարեփոխումների օրակարգը. «Անկախությունից ի վեր մենք հռչակել ենք մեր հանձնառությունը, նպատակը՝ կառուցելու եվրոպական մոդելի պետություն, պետություն, որը հավատարիմ է ժողովրդավարության, իրավունքի գերակայության և մարդու իրավունքների սկզբունքներին ու կանոններին: Այս 28 տարիների ընթացքում մենք ականատես ենք եղել մեր երկրում բազմաթիվ փոփոխությունների: Ունեցել ենք և՛ առաջընթաց, և՛ խնդիրներ: Այս 28 տարիների ընթացքում մեր պատմության մեջ եղել են ողբերգական դրվագներ, բայց ընդհանուր առմամբ, կարծում եմ, մենք հետևողականորեն առաջ ենք շարժվել Հայաստանում ժողովրդավարության ամրապնդման ուղղությամբ: 2018թ. ապրիլ-մայիս ամիսներին տեղի ունեցած թավշյա հեղափոխությունը մեր ժողովրդի հաստատուն վճռականության դրսևորումն էր՝ լուծելու խնդիրները և շարժվելու առաջ  անկախությամբ ամրագրված սկզբունքների ամրապնդման իրավական ճանապարհով»:

 

Իր խոսքում ԱԳ նախարարը նաև ներկայացրել է Հայաստանի արտաքին քաղաքականության հիմքում ընկած արժեքները և սկզբունքները. «Հայաստանի արտաքին քաղաքականությունը հիմնված է արժեքների վրա: Մենք շատ հպարտ ենք մեր ինքնության, քաղաքակրթական ժառանգության, ժողովրդավարության և մարդու իրավունքների արժեքների նկատմամբ մեր հանձնառությամբ: Դրանք կարևոր սկզբունքներ և արժեքներ են, որոնք վերաբերում են մեր արտաքին քաղաքականությանը: Մենք, իհարկե, նաև հաշվի ենք առնում փոփոխվող աշխարհում Հայաստանի շահերի պահպանմանը և ամրապնդմանն առնչվող մարտահրավերները: Մեր արտաքին քաղաքականությունը կառուցված է ինքնիշխանության սկզբունքի վրա։ Եվ՛ Հայաստանում, և՛ Հայաստանից դուրս մենք շատ հաճախ բախվում ենք  Հայաստանի կողմ կամ դեմ դիրքորոշումների վերաբերյալ դատողությունների և գնահատականների։ Մենք վճռականորեն պնդում ենք, որ Հայաստանի արտաքին քաղաքականությունը բացառապես հայաստանամետ է․ այն ուղղորդվում է Հայաստանի ազգային շահով։

Եվ ավելին, մենք ունենք համահայկական շահը պահպանելու կարևոր սկզբունք, քանի որ մենք ազգ ենք, որը փոքրաթիվ է, բայց՝ սփռված ամբողջ աշխարհում։  20-րդ դարասկզբին տեղի ունեցած Ցեղասպանության հետևանքով մենք դարձել ենք ինստիտուցիոնալիզացված սփյուռք ունեցող ազգ։ Սփյուռքում ապրող մեր հայրենակիցներն իրենց ապաստան տված երկրներում դրսևորել են իրենց որպես նվիրված քաղաքացի, որոնք աշխարհի տարբեր մասերում ունակ են եղել տարբեր կառույցների միջոցով պահպանել իրենց ինքնությունը։ Եվ այդ կարողությունը շատ կարևոր է և՛ մեր՝ որպես հավաքական ազգի համար, և՛ ներկայումս որպես ազգ-պետություն. այն մեր զարգացմանը նպաստելու մեծ ներուժ է պարունակում։

Եվ ի վերջո, փոխգործակցության մեր հաստատակամությունը՝ որպես արտաքին քաղաքականության սկզբունք, եղել և մնում է անխախտ: Մենք հնչեցրել ենք դա ևս մեկ անգամ արտաքին քաղաքականության համատեքտում նաև ներկայիս կառավարության գործընկերության, մեր բոլոր գործընկերների հետ հարաբերությունների խորացման շրջանակներում, ովքեր այս կամ այն կերպ մեր գլոբալ, տարածաշրջանային փոխգործակցությունների մասնակիցներն են, և ում հետ մենք աշխատում ենք՝ փոխադարձաբար ամրապնդելու մեր օրակարգերը, մեր ազգային անվտանգությունը»:

 

Այնուհետև հանդիպումը շարունակվեց հարցուպատասխանի ձևաչափով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Ամուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբԱմուլսարի իրադարձություններից հետո Հայաստանի հանքագործների և մետալուրգների միությունը հանդես է եկել հայտարարությամբ
Հայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակիցՀայացք Մոսկվայից․ Ռուսաստանում շատերն անկեղծորեն հավատում են, որ Հայաստանը կառավարվում է ոչ թե Փաշինյանի, այլ Ջորջ՝ Սորոսի աշխատասենյակից
Արարատում վթարի հետեւանքով մահացել է ԱրմԻնֆո-ի լրագրողի մայրըԱրարատում վթարի հետեւանքով մահացել է ԱրմԻնֆո-ի լրագրողի մայրը
Էդմոն Մարուքյանը մտահոգված է Ռուսաստանում հայկական համարանիշերով մեքենաների խնդրովԷդմոն Մարուքյանը մտահոգված է Ռուսաստանում հայկական համարանիշերով մեքենաների խնդրով
Դիմորդները խոստացել են բուհ ընդունվելու համար պայքարը շարունակել ամենօրյա ռեժիմովԴիմորդները խոստացել են բուհ ընդունվելու համար պայքարը շարունակել ամենօրյա ռեժիմով
Հայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիսՀայ փորձագետը ԱՄՆ դեսպանին մերկացրել է անմեղության կանխավարկածի ոտնահարման  առնչությամբ՝ Լոս Անջելեսում հայ-ադրբեջանական բախումները գնահատելիս
Սերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակըՍերգեյ Լավրովն ու Արա Աբրահամյանը քննարկել են հայ-ադրբեջանական սահմանին տիրող իրավիճակը
Փորձագետ. Ալիեւներին ձեռնտու չէ մեծ պատերազմը ԿովկասումՓորձագետ. Ալիեւներին ձեռնտու չէ մեծ պատերազմը Կովկասում
Արծրուն Հովհաննիսյան. Հուլիսի 13-ը կմտնի պատմության մեջ՝ որպես հայկական արտադրության մարտական ԱԹՍ-ների մարտական կիրառության օրԱրծրուն Հովհաննիսյան. Հուլիսի 13-ը կմտնի պատմության մեջ՝ որպես հայկական արտադրության մարտական ԱԹՍ-ների մարտական կիրառության օր
Ռոբերտ Քոչարյան. Հայաստանի ապագան կազմակերպված պետությունն էՌոբերտ Քոչարյան. Հայաստանի ապագան կազմակերպված պետությունն է
Հայաստանի նախագահը եւս մեկ անգամ դեմ է արտահայտվել գույքահարկին վերաբերող օրենքին. Թվում է, թե ցանկացած օրենք ընդամենը թվաբանություն է, թվերի մասին է, սակայն այդ թվաբանության հետևում մարդկային կյանքեր ենՀայաստանի նախագահը եւս մեկ անգամ դեմ է արտահայտվել գույքահարկին վերաբերող օրենքին. Թվում է, թե ցանկացած օրենք ընդամենը թվաբանություն է, թվերի մասին է, սակայն այդ թվաբանության հետևում մարդկային կյանքեր են
Արցախի ԱԳՆ. Ադրբեջանը փորձում է բանակցային գործընթացում արդյունքների բացակայության մեղքը բարդել ԵԱՀԿ ՄԽ ներկայացուցիչների վրաԱրցախի ԱԳՆ. Ադրբեջանը փորձում է բանակցային գործընթացում արդյունքների բացակայության մեղքը բարդել ԵԱՀԿ ՄԽ ներկայացուցիչների վրա
«ՄՏՍ Հայաստանը» կգործարկի «Բարև բալիկ» ծրագիրը«ՄՏՍ Հայաստանը» կգործարկի «Բարև բալիկ» ծրագիրը
ԱՄՆ-ը կֆինանսավորի Հայաստանում հակակոռուպցիոն քաղաքականության առաջխաղացումըԱՄՆ-ը կֆինանսավորի Հայաստանում հակակոռուպցիոն քաղաքականության առաջխաղացումը
Արցախի ԱԳՆ Փախստականների ու ՆՏԱ-ների խնդիրը ղարաբաղյան կարգավորման գործընթացի առանցքային խնդիրներից էԱրցախի ԱԳՆ Փախստականների ու ՆՏԱ-ների խնդիրը ղարաբաղյան կարգավորման գործընթացի առանցքային խնդիրներից է
Փնտրել ըստ օրերի