Արմինֆո. Հայաստանում այլևս չկան անձինք, որոնք ակնկալում են իշխանության ավտորիտար ուղղահայաց կառուցել։ ԱրմԻնֆո-ին այդպիսի կարծիք է հայտնել Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը։
"1991 թվականին Հայաստանի անկախացումից հետո արդեն 1992 թվականին երկրում հայտնվեց իշխանության նկատմամբ ընդդիմություն։ Ընդդիմություն՝ իշխանափոխության միակ գաղափարով և նպատակով։ Ընդ որում, ոչ ոք չէր ուզում ժողովրդին ներկայացնել երկրի զարգացման ծրագրեր, դրանք ոչ ոք չուներ էլ։ Իշխանափոխության անհրաժեշտությունը պայմանավորվում էր, պարզապես, "հանցավոր ռեժիմի փոփոխության" անհրաժեշտությամբ", - ընդգծել է նա։
Սակայն 2018-ի գարնանը նախկին իշխանության հետ միասին, վերլուծաբանի գնահատմամբ, հեռացել են նաև գաղափարները, քանի որ իշխանափոխությունից զատ այլ գաղափար ընդդիմությունը, ներառյալ իշխանության եկած "Իմ քայլը" դաշինքը, երբեք չի ունեցել։ Արդյունքում՝ որոշ ուժեր փորձեցին դուրս գալ քաղաքական դաշտում այդ ձևով ստեղծված վակուումից ՝ կրկին վերադառնալով իշխանափոխության պահանջներին։ Սակայն հայ հասարակության համար, Սարգսյանի գնահատմամբ, նման խաղերն արդեն անհետաքրքիր են դարձել։
Այնուամենայնիվ, ըստ վերլուծաբանի, Հայաստանի ներքաղաքական կյանքը սկսել է դուրս գալ վակուումի վիճակից, իսկ ներքաղաքական գործընթացները սկսում են աստիճանաբար զարգանալ։ Ի տարբերություն նախորդ տասնամյակների՝ իրավիճակը, Սարգսյանի գնահատմամբ, բավական արագ փոխեց Ամուլսարի շուրջ բնապահպանական խնդիրը։ Նրա կարծիքով՝ ոչ ոք չէր սպասում, որ նոր իշխանության դեմ, վարչապետ Փաշինյանի դեմ հանդես կգա ոչ միայն հասարակության մի մասը, այլ նաև այն խորհրդարանականները, որոնք ԱԺ-ում հայտնվեցին արտահերթ խորհրդարանական ընտրություններում "Իմ քայլը" դաշինքի հաղթանակի արդյունքում։
Ամուլսարի ոսկու հանքը գտնվում է Ջերմուկ առողջարանից 10 կմ հեռավորության վրա: Ոսկու հետախուզված պաշարներով հանքավայրը Հայաստանում զբաղեցնում է երկրորդ տեղը ։ 2007-ին սկսված տեղանքի երկրաբանական հետախուզոմն ավարտվել է 2015-ին՝ հանքի արդյունահանման բնապահպանական և սոցիալական գնահատականով: Հանքի շահագործման դեմ հանդես են գալիս քաղաքացիական ակտիվիստներն ու բնապահպանները, որոնք այդ կապակցությամբ կազմակերպել են զանգվածային բողոքներ, ինչը "Լիդիան Արմենիա" ընկերությանը ստիպել է լրացուցիչ ուսումնասիրություններ կատարել:
Նման որակապես նոր իրավիճակի պատճառները, որի լուծումն ամբողջությամբ կապված է Ամուլսարի խնդրի լուծման հետ, Սարգսյանը տեսնում է վերջին տասնամյակում Հայաստանում ի հայտ եկած բնապահպանական շարժումներում։ Նրա կարծիքով՝ հենց այդ շարժումների մասնակիցներն են ձևավորել նոր տեխնոլոգիաներ և կադրեր ստեղծել իշխանության դեմ պայքարելու համար։ Որպես արդյունք՝ հենց նման շարժումը քանդեց իշխանության հին համակարգը՝ նախաձեռնելով համաժողովրդական բողոքի ալիք։
"Այսպիսով, հանրապետականներին փոխարինելու եկած իշխանությունը, սկզբունքորեն, կարող է հետայսու հետաձգել գրեթե ցանկացած խնդիր։ Ցանկացած, բայց ոչ շրջակա միջավայրի հետ կապված: Եվ բնապահպանության հարցում հասարակության հետ առճակատման մեջ մտնելով՝ իշխանությունն անմիջապես խարխլվեց։ Պարզ է, որ գիտակցելով այն սպառնալիքները, որոնք կրում է նման շրջադարձն անձամբ իր համար, վարչապետը փորձում է Ամուլսարի լուծում գտնել", - նշել է նա։
Վերլուծաբանի գնահատմամբ՝ Ամուլսարում դրված է այն պոտենցիալը, որը կարող է Նիկոլ Փաշինյանին դնել մի իրավիճակում, երբ նրա խորհրդարանը վարչապետ կնշանակի բոլորովին այլ մարդու։ Ճիշտ այնպես, ինչպես դա տեղի ունեցավ անցյալ տարի Սերժ Սարգսյանի խորհրդարանում։
Նշենք, որ սեպտեմբերի 9-ին ՀՀ վարչապետը դիմել էր Ջերմուկի բնակիչներին եւ քաղաքացիական ակտիվիստներին՝ կոչ անելով ապաշրջափակել Ամուլսարի հանք տանող ճանապարհները։ Փաշինյանը դա հիմնավորել է տեղում իրավիճակը ուսումնասիրելու անհրաժեշտությամբ, բողոքող ցուցարարներին հավաստիացնելով, որ մինչև 2020-ի կեսերը հանքը, ամեն դեպքում, չի շահագործվի։