Արմինֆո. Ամուլսարի հանքին հասանելիություն ստանալու դեպքում Lydian International ընկերությունը նախատեսում է շինարարական աշխատանքները վերսկսել ոչ շուտ, քան 2020 թվականի ապրիլ-մայիս ամիսներին:
Հետո, եթե ամեն ինչ ընթանա ըստ ժամանակացույցի, ոսկու առաջին ձուլակտորի ստացումը սպասվում է ոչ վաղ, քան 2020 թվականի վերջը կամ 2021 թվականի առաջին եռամսյակը: Այդ մասին հայտարարել է "Lydian International" ընկերության ժամանակավոր նախագահ Էդվարդ Սելլերսը՝ վարչապետ Նիկոլ Փաշինյանի գլխավորությամբ կառավարությունում Ամուլսարի ծրագրի վերաբերյալ հերթական քննարկման ժամանակ։
Այսպես, ըստ Փաշինյանի ֆեյսբուքյան էջում հրապարակված տեսանյութի, սեպտեմբերի 7 - ին տեղի ունեցած քննարկման ընթացքում կառավարության ղեկավարն, առաջին հերթին, ընկերության ներկայացուցիչներից հետաքրքրվել է Ջերմուկ քաղաքի համար հողի, օդի, ջրի և կենսաբազմազանության աղտոտման տեսքով շրջակա միջավայրի համար բացասական հետևանքները կանխելու երաշխիքներով (Ամուլսարի ոսկու հանքավայրը Ջերմուկից 10 կմ հեռավորության վրա է) և հարակից համայնքներով: Ի պատասխան՝ Էդվարդ Սելլերսը հայտարարել է, որ ընկերությունը շահագրգռված չէ շրջակա միջավայրին վնաս հասցնելու եւ աղտոտելու հարցում: Նա հաստատել է ընկերության պարտավորությունները ՇՄԱԳ-ի շրջանակներում (շրջակա միջավայրի վրա ազդեցության գնահատում), ինչը կնշանակի կենսաբազմազանության պահպանում և շրջակա միջավայրի համար սպառնալիքների չեզոքացում:
Այնուհետև Նիկոլ Փաշինյանը պատասխանատուներից հետաքրքրվել է, թե արդյոք Հայաստանն ունի գործիքակազմ, լծակներ բոլոր հնարավոր խախտումները ֆիքսելու և դրանց արձագանքելու համար։ Ինչպես նշել է բնապահպանության նախարար Էրիկ Գրիգորյանը, համաձայն ՀՀ օրենսդրության, 2018 թվականի հունվարի 1-ից հանքարդյունաբերական բոլոր ընկերությունները պարտավոր են օդի, ջրի որակի, կենսաբազմազանության, թափոնների մոնիթորինգ իրականացնել և տվյալներ ներկայացնել ոչ միայն լիազոր մարմնին, այլև՝ հրապարակել դրանք: Ոլորտի պատասխանատուների խոսքով՝ շրջակա միջավայրի համար ռիսկերի հայտնաբերման եւ "Լիդիան"-ի ղեկավարության կողմից ստանձնած պարտավորությունների խախտման դեպքում հանքը շահագործող ընկերությանը կտրվի 90 օր՝ խախտումները վերացնելու համար: Հակառակ դեպքում՝ հանքը կփակվի։
Ամփոփելով քննարկման արդյունքները՝ Նիկոլ Փաշինյանն արձանագրել է, որ "Լիդիան" ընկերությունը ամենաբարձր մակարդակով հաստատում է ՇՄԱԳ-ի շրջանակներում ստանձնած պարտավորությունները: "Դա նշանակում է, որ օդի, ջրի, հողի, ֆաունայի եւ կենսաբազմազանության որակը հանքի շահագործման արդյունքում փոփոխություններ չեն կրի", - պարզաբանել է նա: Բացի այդ, ինչպես նշել է վարչապետը, "Լիդիանը" պատրաստ է ՀՀ կառավարությանը եւ քաղաքացիական հասարակության ներկայացուցիչներին հասանելի դարձնել ընկերության կողմից իրականացվող մոնիթորինգի տվյալները: "Մենք նաև արձանագրում ենք, որ ՇՄԱԳ-ից շեղվելու դեպքում ընկերությանը տրվում է որոշակի ժամանակահատված ՝ աշխատանքները փաստաթղթին համապատասխանեցնելու համար։ Արձանագրում ենք նաեւ, որ մինչեւ 2020 թվականի վերջը Հայաստանի կառավարությունը կունենա մոնիտորինգի սեփական համակարգ, ինչը չի վերացնում "Լիդիանի" մոնիթորինգի համակարգի հնարավորությունների համատեղ օգտագործումը", - եզրափակել է Նիկոլ Փաշինյանը:
Հիշեցնենք, որ վարչապետ Նիկոլ Փաշինյանն այսօր Facebook-ի ուղիղ եթերում հայտարարել էր, որ այս պահին Ամուլսարի հանքի շահագործումն արգելելու որևէ իրավական հիմք չկա: Նիկոլ Փաշինյանը նաև Ջերմուկի բնակիչներին պաշտոնապես կոչ է արել բացել Ամուլսարի հանք տանող բոլոր ճանապարհները: Ջերմուկցիների արձագանքը չուշացավ. առողջարանային քաղաքի բնակիչները հայտարարեցին, որ համայնքում լարված իրավիճակ է, և իրենք վիրավորված են վարչապետի կոչից։ Նրանց խոսքով ՝ ջերմուկցիները չեն պատրաստվում ճանապարհ բացել։ Ինչպես ասվում է "Ես դեմ եմ հանքարդյունաբերությանը Ամուլսարում" նախաձեռնող խմբի հայտարարության մեջ, այսօր՝ ժամը 20:30-ին Ջերմուկի բնակիչները կհավաքվեն փակ քննարկման՝ Ամուլսարի ճանապարհը բացելու կոչի առնչությամբ: "Քննարկումից հետո մենք հանդես կգանք հայտարարությամբ։ Ամուլսարը հայրենիք է եւ վերջ", - ասված է հայտարարության մեջ:
Նշենք, որ Lydian Armenia-ն բրիտանական Lydian International-ի դուստր ընկերությունն է: Հանքավայրի շահագործման ժամկետը կկազմի 10 տարի եւ 4 ամիս, ընդ որում տարեկան կտրվածքով նախատեսվում է արդյունահանել միջինը 200 հազար ունցիա ոսկի: Ընկերության տեղեկատվության համաձայն՝ հանքավայրը պարունակում է շուրջ 73733 կգ ոսկի՝ տոննայում 0.78 գրամ միջին պարունակությամբ, ինչպես նաեւ 294.367 տոննա արծաթ՝ մեկ տոննայում 9.29 գ միջին պարունակությամբ:
Հանքավայրի գործարկումը թույլ կտա երկրի ՀՆԱ-ն Ավելացնել 1%-4%-ով, որի 1%-ի կլինի ուղղակի ներգործությւոն: Պատրաստի արտադրանքը, որը գրեթե ամբողջությամբ արտահանվելու է, կկազմի մոտ 250 մլն դոլար: Արդյունքում՝ արտահանման աճի վրա ազդեցությունը գնահատվում է մոտ 10 տոկոս:
Այդուհանդերձ, տեղի բնապահպանները չեն կիսում կառավարության հիացմունքը հանքի շահագործման ծրագրի գրավչության վերաբերյալ: Ամուլսարի հանքավայրը գտնվում է Արփա և Որոտան գետերի հովտում, իր հանքային աղբյուրներով հայտնի Ջերմուկ առողջարանային քաղաքի անմիջական հարևանությամբ և տարածաշրջանում խոշորագույն քաղցրահամ լճից ՝ Սևանա լճից ոչ հեռու։ Բնապահպանները մտավախություն ունեն, որ հանքավայրի շահագործումը, որի ընթացքում օգտագործվելու է նատրիումի ցիանիդ, կարող է հանգեցնել գետերի ջրի աղտոտման, աղտոտտվա ջրերը խմելու եւ ոռոգման համար ոչ պիտանի կդառնան եւ կարող են անուղղելի վնաս հասցնել Ջերմուկի հանքային աղբյուրներին ու Սեւանի էկոհամակարգին:
Քաղաքագետ․ Քանի դեռ ընդդիմությունը լռում է, Փաշինյանը կարող է օգտվել պլան "Բ"-ից և ստանալ սահմանադրական մեծամասնություն 
Թուրքագետ․ Իրանի և ԱՄՆ հռչակագիրը քաղաքական-տնտեսական առումով ավելի շահավետ է Իրանի համար
Քաղաքագետ․ Մինչ Փաշինյանը վստահեցնում է Ադրբեջանի հետ խաղաղության մասին, Բաքվում շարունակում են առաջ տանել Հայաստանի տարածքներն ադրբեջանցիներով բնակեցնելու նախագիծը
Քաղաքագետ․ Նոր իրավիճակում պաշտոնական Երևանը կարող է Բաքվին առաջարկել խաղաղության գործընթացը շարունակել առանց ՀՀ սահմանադրության շուրջ հանրաքվեի
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
ԿԸՀ-ն չեզոքացրեց ԲՀԿ-ին. Ընտրությունների քվեարկության արդյունքներով Հայաստանի խորհրդարան կանցնի երեք քաղաքական ուժ
Մոսկվա. Հայաստանում ընտրություններն ուղեկցվել են ընդդիմության նկատմամբ աննախադեպ ճնշումներով
Փորձագետ․ Անգամ ԵԱՀԿ դիտորդները Հայաստանում ընտրությունների ժամանակ բազմաթիվ խախտումներ են արձանագրել
