Արմինֆո.«Էլարդի» հետ վարչապետի Նիկոլ Փաշինյանի Skype-կոնֆերանսը տեղի է ունեցել: Այդ մասին ՙՖեյսբուքի՚ իր էջում հաղորդել է վարչապետը: ՙՔանի որ նկարահանվել է մի քանի տեսախցիկից, նյութի մոնտաժումը կտեւի մի քանի ժամ: Ինչպես եւ պայմանավորվել էինք, խոսակցությունն ամբողջությամբ կհրապարակվի: Մտածելու շատ բան կա: Նյութը կնայեք, կխոսենք՚, - գրել է վարչապետը:
Հիշեցնենք, որ 2018 թվականի սեպտեմբերին Հայաստանի կառավարությունը հանձնարարել էր ջրային ռեսուրսների մասով գնահատել Ամուլսարի ոսկու ծրագրի հնարավոր հետեւանքները: Որպես խորհրդատվական ընկերություն ընտրվել էր Earth link & Advanced Resources Development-ը (ELARD)։ 2019թ. փետրվարին ՀՀ կառավարությունը 396 900 դոլար Էր հատկացրել երրորդ աուդիտի ֆինանսավորման համար։
ELARD-ի կողմից կատարված փորձաքննության արդյունքների հրապարակումը ընդհանուր հուզմունք եւ վրդովմունք է առաջացրել հանրության շրջանում, քանի որ, ըստ փաստաթղթի, Ամուլսարի հանքավայրի շահագործման բնապահպանական ռիսկերը կառավարելի են: Հարկ է նաև նշել, որ նախօրեին Ամուլսարի նախագծով զբաղվող քննչական խմբի ղեկավար Յուրա Իվանյանը մամլո ասուլիսի ժամանակ հաղորդել է, որ Ամուլսարի վերաբերյալ փորձաքննությունն իրականացվել է ոչ միայն Lydian Armenia-ի, այլ նաև տարբեր բնապահպանների, գիտական աշխատակիցների, պետական, մասնագիտացված միջազգային բնապահպանական կառույցների կողմից ներկայացված բոլոր հետազոտությունների հիման վրա, այդ թվում՝ Բրոնոզյանի թիմի հետազոտությունը, բայց՝ ոչ ոսկու հանքավայրում:
Lydian Armenia-ն բրիտանական Lydian International-ի դուստր ընկերությունն է ։ Ամուլսարի նախագիծը այսօրվա դրությամբ Հայաստանի խոշորագույն արդյունաբերական նախագիծն է, որի ընդհանուր արժեքը 370 մլն դոլար Է: 2016-ի օգոստոսին տեղի ունեցավ նախագծի մեկնարկը, որը ենթադրում է հանքավայրի շինարարություն եւ յուրացում: Նախապատրաստական աշխատանքները կատարվել էին 2006 թվականից։ Ամուլսարի հանքավայրի շահագործման ժամկետը կկազմի 10 տարի եւ 4 ամիս, ամեն տարի նախատեսվում է արդյունահանել միջինը 200 հազար ունցիա ոսկի (մոտ 10 մլն տոննա հանքաքար): Գնահատող հանքային ռեսուրսները, ինչպես նշված է 2017 թվականի 1-ին եռամսյակի տեխնիկական հաշվետվության մեջ, պարունակում են 3,5 մլն ստուգված և նշված ունցիա ոսկի և 1,3 մլն ենթադրյալ ունցիա ոսկի: Ամուլսարի հանքավայրը Հայաստանում մեծությամբ երկրորդ պաշարն է։ Ընկերության բաժնետոմսերը գնանշված են Տորոնտոյի ֆոնդային բորսայում։