Ուրբաթ, 23 Օգոստոսի 2019 10:31
Մարիաննա Մկրտչյան

ՊՆ. Տավուշի մարզում տեղի ունեցած ավտովթարի հետևանքով ոչ մի զինծառայող լուրջ վնասվածք չի ստացել

ՊՆ. Տավուշի մարզում տեղի ունեցած ավտովթարի հետևանքով ոչ մի զինծառայող լուրջ վնասվածք չի ստացել

Արմինֆո.Տավուշի մարզում տեղի ունեցած ավտովթարի հետևանքով ոչ մի զինծառայող լուրջ վնասվածք չի ստացել: Այդ մասին հաղորդել է ՊՆ մամուլի քարտուղար Արծրուն Հովհաննիսյանը՝ ՙՖեյսբուքի՚ իր էջում:

 

ՙՏավուշի մարզում տեղի ունեցած ավտովթարի կապակցությամբ ներկայացնեմ, որ որևէ զինծառայող որևէ լուրջ վնասվածք չի ստացել: Շամշյանին էլ Բաքվից շնորհակալություն կհայտնեն. վթարի մանրամասների, զինծառայողների անձնական գրեթե ամբողջական տեղեկատվության համար՚, - գրել է Արծրուն Հովհաննիսյանը:

 

Ավելի վաղ ԶԼՄ-ները հաղորդել էին, որ օգոստոսի 23-ին, ժամը 03:30-ի սահմաններում, դեռևս չպարզված հանգամանքներում Բաղանիս գյուղի մոտ տեղակայված ՀՀ ՊՆ զորամասի հարևանությամբ ГАЗ 66 մակնիշի ՊՆ 6710 Շ համարանիշի ավտոմեքենան կողաշրջվել է: Վթարի հետևանքով ավտոմեքենայում գտնվող 25-ամյա Խորեն Գ.-ն, 26-ամյա Ծովակ Ա.-ն, 26-ամյա Սամսոն Հ.-ն, 27-ամյա Արթուր Պ.-ն, 29-ամյա Ֆրոնտիկ Ս.-ն, 25-ամյա Ֆրունզիկ Պ.-ն, 29-ամյա Անդրանիկ Հ.-ն, 25-ամյա Արսեն Ե.-ն, 25-ամյա Վահե Հ.-ն, 27-ամյա Էդգար Հ.-ն և 32-ամյա Հայկ Շ.-ն թեթև մարմնական վնասվածքներով տեղափոխվել են Նոյեմբերյանի բժշկական կենտրոն:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի