Ուրբաթ, 16 Օգոստոսի 2019 11:41
Մարիաննա Մկրտչյան

<Զվարթնոց>. <Պոբեդան> կշարունակի դեպի Գյումրի թռիչքները. բոլոր խնդիրները լուծված են

<Զվարթնոց>. <Պոբեդան> կշարունակի դեպի Գյումրի թռիչքները. բոլոր խնդիրները լուծված են

Արմինֆո.Ռուսական <Պոբեդա> լոուքոսթերը կշարունակի թռիչքներ իրականացնել դեպի Գյումրի. բոլոր խնդիրները լուծված են։ Այս մասին հայտնում են <Զվարթնոց> միջազգային օդանավակայանի մամուլի ծառայությունից:  

 

Օդանավակայանում նաեւ տեղեկացրել են, որ տոմսերի վաճառքի գործընթացը վերսկսվել է ։

 

<Պոբեդա> ավիաընկերությունը օգոստոսի 6-ին տեղեկացրել էր, որ Գյումրիի <Շիրակ> օդանավակայանում վառելիքի թերլիցքավորման պատճառով դադարեցրել է Մոսկվա-Գյումրի-Մոսկվա չվերթների տոմսերի վաճառքը:

 

ՀՀ քաղավիացիայի կոմիտեի նախաձեռնությամբ ձևավորվել է փորձագետների աշխատանքային խումբ, որն ուսումնասիրել է <Պոբեդա> ավիաընկերության և Գյումրիի <Շիրակ> օդանավակայանի շուրջ ստեղծված իրավիճակի բոլոր ասպեկտները: Կոմիտեի հաղորդագրության համաձայն ՝ իրենք ստեղծված իրավիճակի մասին տեղեկացել են ԶԼՄ-ներից, քանի որ ավիաընկերությունը պաշտոնապես չի տեղեկացրել ձմեռային չվերթների իրականացումը դադարեցնելու իր մտադրության մասին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի