Արդշինբանկը ընդլայնել է շաբաթ օրերին աշխատող մասնաճյուղերի ցանկը

Արմինֆո.Արդշինբանկը շարունակելով մասնաճյուղային ցանցի զարգացման ու կատարելագործման միջոցառումների ծրագիրը, ևս մեկ քայլ մոտեցել է իր հաճախորդին՝ ընդլայնելով շաբաթ օրերին աշխատող մասնաճյուղերի ցանկը: Այսուհետ բանկը կընդունի իր հաճախորդներին նաև շաբաթ օրերին՝ «Շենգավիթ», «Մասիս», «Իջևան», «Լոռի», «Արթիկ», «Մարտունի», «Աբովյան», «Եղեգնաձոր» և «Կապան» մասնաճյուղերում:

Ստորև ներկայացված է Արդշինբանկի շաբաթ/կիրակի օրերին աշխատող մասնաճյուղերի ամբողջական ցանկը:

Արդշինբանկը շարունակաբար բարելավում է սպասարկման պայմանները, վերանորոգում և վերազինում մասնաճյուղային ցանցը: Հունիս ամսին վերանորոգված գրասենյակներում սկսեցին իրենց աշխատանքը Երևան քաղաքի «Կենտրոն», «Աղասյան», «Կոմիտաս» մասնաճյուղերը և Եղվարդ քաղաքի «Նաիրի» մասնաճյուղը:

Նշենք, որ վերանորոգված բոլոր մասնաճյուղերում առկա է 24/7 շուրջօրյա սպասարկման գոտի, ինչը հնարավորություն է տալիս հաճախորդներին շաբաթվա բոլոր օրերին և ցանկացած ժամի կատարել բանկային գործարքներ:

Արդշինբանկի մասնաճյուղային ցանցը խոշորագույններից է ՀՀ բանկային համակարգում. այսօր բանկն ունի 63 գործող մասնաճյուղ, որոնցից 18-ը Երևանում, 45-ը ՀՀ մարզերում:

Արդշինբանկը Հայաստանի միակ մասնավոր ընկերությունն է, որը միջազգային կապիտալի շուկաներում թողարկել է եվրոպարտատոմսեր: Բանկն ունի միջազգային հեղինակավոր վարկանիշային գործակալություններից ստացված վարկանիշ՝ հավասար Հայաստանի Հանրապետության վարկանիշային մակարդակին: «Financial Times» կազմակերպության «The Banker» ամսագրի կողմից ճանաչվել է Հայաստանի 2018 թվականի «Տարվա լավագույն բանկ»: