Արմինֆո. Արցախի ազգային անվտանգության խորհրդի քարտուղար Վիտալի Բալասանյանը հրաժարական է տալիս։ Այդ մասին Արմինֆո-ին հաղորդել է Արցախի քաղաքական շրջանակների աղբյուրը, չբացառելով, որ հրաժարականի դիմումը կարող է ստորագրվել արդեն այսօր։
Քաղաքական շրջանակներում շրջանառվող տեղեկությունների համաձայն, Բալասանյանի հրաժարականը պայմանավորված է վարչապետ Նիկոլ Փաշինյանի, նրա թիմի հասցեին հնչեցրած խիստ քննադատությամբ և նրանց վարած քաղաքականության հետ անհամաձայնությամբ։ Արցախցի քաղաքական գործիչների վարկածով, անձամբ Նիկոլ Փաշինյանը Արցախի նախագահ Բակո Սահակյանից պահանջել է Բալասանյանին ազատել զբաղեցրած պաշտոնից։
Մինչդեռ, Արմինֆո-ի աղբյուրը հերքել է այդ վարկածը, հայտարարելով, որ Բալասանյանի հրաժարականը պայմանավորված է 2020թ. նախագահական ընտրություններին մասնակցելու նրա ծրագրերով: "Արցախում նախընտրական քարոզարշավն, ըստ էության, արդեն սկսվել է։ Որքանո՞վ է նպատակահարմար, որ Բալասանյանն այն անցկացնի Անվտանգության խորհրդի քարտուղարի պաշտոնում: Դա կդիտարկվի որպես ընտրական գործընթացների ժամանակ վարչական ռեսուրսների օգտագործում, ուստի Բալասանյանին առաջարկվել է հեռանալ զբաղեցրած պաշտոնից և հանգիստ անցկացնել քարոզարշավը։ Ըստ էության, այդ հարցը բարձրացվում է վերջին ամիսների ընթացքում, հավանական է, որ այն հատկապես արդիական է դարձել նախընտրական քարոզարշավի աշժուժացումից հետո", - ասել է աղբյուրը՝ ընդսմին չհերքելով Բալասանյանի հրաժարականի քաղաքական ասպեկտի առկայությունը։ "Բոլորին է հայտնի, որ Բալասանյանը խիստ քննադատությամբ է հանդես գալիս վարչապետ Փաշինյանի հասցեին, որքանո՞վ է նպատակահարմար, որ նա, գտնվելով Արցախի անվտանգության խորհրդի քարտուղարի պաշտոնում, իր նախընտրական քարոզարշացն անցկացնի ՀՀ իշխանություններին քննադատելով", ասել է նա։
Բալասանյանից մեկնաբանություն ստանալ նրա հնարավոր պաշտոնանկության և դրա պատճառների մասին չհաջողվեց։