Երևանում տեղի է ունեցել մեծ համերգ՝ նվիրված Առնո Բաբաջանյանի հիշատակին

Արմինֆո. Փետրվարի 22-ին Ա. Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն կոմպոզիտոր Առնո Բաբաջանյանին նվիրված համերգ: Համերգը կազմակերպվել է <Առնո Բաբաջանյանի հիշատակի միջազգային հիմնադրամի> կողմից, որի ղեկավարն է նրա որդին՝ Արա Բաբաջանյանը: Հիմնադրամը պարբերաբար համերգներ է անցկացնում Հայաստանի և Ռուսաստանի մայրաքաղաքներում, այլ քաղաքներում:

<<Ազգ իմ փառապանծ> խորագրով այս համերգը հերթական համերգ չէր: Այն  <Առնո Բաբաջանյան հիշատակի միջազգային հիմնադրամի> հերթական բարեգործական ակցիան էր՝ <Իմ քայլը> հիմնադրամին աջակցելու նպատակով, որի հիմնադիրը վարչապետ Նիկոլ Փաշինյանի տիկին Աննա Հակոբյանն է>,- ԱրմԻնֆո-ի թղթակցին ասել է <Առնո Բաբաջանյանի հիշատակի միջազգային հիմնադրամի> անդամ, բլոգեր Ռոման Բաղդասարյանը, ով հայտնի հայ հաղորդավար Կարեն Քոչարյանի հետ միասին վարել է այդ երեկոն: Ռոման Բաղդասարյանը հիշեցրել է, որ անցած տարվա նոյեմբերի 11-ին, երբ Մոսկվայում տեղի ունեցավ <Իմ քայլը> հիմնադրամի շնորհանդեսը, <Առնո Բաբաջանյանի հիշատակի միջազգային հիմնադրամը>  ստանձնեց երեկոյի մշակութային ծրագրի կազմակերպումը. <Հիմնադրամը կրկին օգնության ձեռք է մեկնում մեկ այլ հիմնադրամի՝ անմոռանալի բաբաջանյանական երեկո նվիրելով մարդկանց: <Ազգ իմ փառապանծ> բարեգործական համերգի տոմերի վաճառքից ստացված ողջ հասույթը կփոխանցվի <Իմ քայլը> հիմնադրամին՝ որպես օգնություն օնկոլոգիական հիվանդություններով տառապող երեխաներին>:

Համերգն ընթացել է ջերմ, հիանալի մթնոոլրտում: Մասնակցել են երգիչներ ԱՄՆ-ից, Գերմանիայից, Ռուսաստանից, Հայաստանից և այլ երկրներից: Նրանց թվում էին այնպիսի կատարողներ, ինչպես՝ Նիկոլայ Ռյաբուխան, Արսեն Ստեփանյանը, Արթուր Աղաջանովը, Սոնա Ռուբինյանը, Կարինե Ասիրյանը, Վազգեն Գաբրիելյանը, Սոնա Շահգելդյանը, Սիլվա Հակոբյանը, Գագիկ Եզակյանը, Արմեն Ավջանը, Սյուզաննա Մելքումյանը և այլոք:  Մեծ բեմ են դուրս եկել և հանդիսատեսին իրենց գեղեցիկ ձայնով զարմացրել բաբաջանյանական երգերի փոքրիկ կատարողներ Անժելա Ալբերտյանը և Արփինե Գևորգյանը: Ի դեպ,  Չուխաջյանի անցան երաժշտական դպրոցի սան 10-ամյա Անժելա Ալբերտյանը զարմացրել է իր հզոր, խորաթափանց և <ոչ մանկական> ձայնով: Ե այս տարի երիտասարդ երգչուհին Հայաստանը ներկայացնելու է <Սլավյանսկիյ բազար-2019> միջազգային ամենամյա մրցույթ-փառատոնում, որը տեղի կունենա հուլիսի 8-18-ը Վիտեբսկում: 

Համերգից տպավորությունը հիանալի էր՝ համերգի կազմակերպումը, վարողների պրոֆեսիոնալիզմը և հումորը, երգիչների հզոր ու գեղեցիկ ձայնը, նոր երիտասարդ անունների բացահայտումը, և այս ամենը Հայաստանի ազգային ֆիլհարմոնիկ նվագախմբի ուղեկցությամբ՝ գեղարվեստական ղեկավար և դիրիժոր Էդուարդ Թոփչյանի ղեկավարությամբ:

Համերգի հովանավորներն էին՝ <Альтернатив-тур> ընկերությունը, ինչպես նաև Ռուսաստանի հայերի միության մոսկովյան մասնաճյուղի ղեկավար Շահեն Պետրոսյանը:      

Տասը տարի առաջ ԱրմԻնֆո-ի թղթակիցն առիթ էր ունեցել ներկա գտնվելու համանման համերգի՝ նույնպես նվիրված Առնո Բաբաջանյանի հիշատակին: Այդ ժամանակ համերգին մասնակցող հայկական էստրադայի <աստղերի> մեծ մասը

մշակութային շոկի ենթարկեց հանդիսատեսին իր ձայնի բացակայությամբ և առանց խղճի խայթի թղթից կարդալով երգերը: Այդ ժամանակ իրավիճակը փրկեցին մի քանի կատարողներ, այդ թվում՝ Նովոսիբիրսկի օպերայի և բալետի թատրոնից հրավիրված բարիտոն Կարեն Մովսիսյանը, ով ի դեպ ավարտել է Երևանի կոնսերվատորիան, բայց, ինչպես մեր տաղանդավոր արտիստներից շատերը, ժամանակին ճանաչում չէր գտել հայրանիքում: Տպավորել էր նրա նրբազգացությունը եզրափակիչ երգի ժամանակ, որը բոլոր երգիչները պետք է միասին կատարեին: Կարենը համեստորեն մեջքի հետևում էր բռնել բարձրախոսը. նրա ձայնի հզորությունն առանց բարձրախոսի էլ խլացնում էր հայկական էստրադայի <աստղերի> ձայնը: Ցավոք, Կարեն Մովսիսյանը՝ բաբաջանյանական երգերի ժամանակակից լավագույն կատարողներից մեկը, մի շարք պատճառներով չի կարողեցել այս անգամ Նովոսիբիրսկից Երևան գալ: Համերգին ներկա են գտնվել մեծանուն կոմպոզիտորի որդին՝ Արա Բաբաջանյանը, տիկնոջ՝ Մայայի հետ, ինչպես նաև <Իմ քայլը> հիմնադրամի ղեկավար, Հայաստանի առաջին տիկին Աննա Հակոբյանը: