Արմինֆո. Փետրվարի 11-ին Արցախի Հանրապետության արտաքին գործերի նախարար Մասիս Մայիլյանն ընդունել է Արցախում «The HALO Trustե միջազգային ոչ կառավարական կազմակերպության ծրագրի ղեկավարի պաշտոնում իր առաքելությունն ավարտած Չարլզ ֆոլին և ծրագրի նորանշանակ ղեկավար Ասքանազ Համբարձումյանին:
Չարլզ ֆոլը իր երախտագիտությունն է հայտնել Արցախի իշխանություններին համագործակցության և հանրապետության տարածքում կազմակերպության կողմից մարդասիրական ականազերծման աշխատանքների գործունեությանը աջակցելու համար: Նա Մասիս Մայիլյանին է ներկայացրել այդ պաշտոնում իրեն փոխարինած Ասքանազ Համբարձումյանին:
Կողմերը քննարկել են Արցախում «The HALO Trustե կազմակերպության մարդասիրական ականազերծման աշխատանքների, ինչպես նաև մոտ ապագայում նախատեսվող ծրագրերի իրականացման վերաբերյալ մի շարք հարցեր:
Զրուցակիցները գոհունակություն են հայտնել «The HALO Trustե-ի և Արցախի համապատասխան պետական կառույցների միջև հաստատված համագործակցության մակարդակի կապակցությամբ: Հանդիպմանը մասնակցել է նաև կազմակերպության տարածաշրջանային տնօրեն Մայքլ Նյուտոնը: