Արմեն Ստեփանյան. Ակնկալում ենք Ամուլսարի նախագծի առնչությամբ միջազգային փորձաքննութան շուտափույթ անցկացում

Արմինֆո. Մեր դռները միշտ բաց են եղել  ցանկացած տեսակի ստուգման համար, որը ձեռնարկության գործունեության դադարեցման պատճառ չի կարող հանդիսանալ: Այդ մասին հունվարի 30-ին Արդյունահանող ճյուղերի թափանցիկության նախաձեռնության (EITI) առաջին ազգային զեկույցի ներկայացմանը նվիրված միջոցառումների շրջանակներում հայտարարել է Lydian Armenia ընկերության կայուն զարգացման գծով տնօրեն Արմեն Ստեփանյանը: <Բայց իրականությունն այսօր այնպիսին է, որ ստեղծված իրավիճակում մենք ակնկալում ենք միջազգային փորձաքննության շուտափույթ  անցկացում>,- ընդգծել է նա:

Ստեփանյանի կարծիքով, Ամուլսարի հանքավայրի ներդրումային ծրագրի դադարեցումն անպայման կանդրադառնա Հայաստանի գործարար հեղինակության վրա: <Ձեզ հայտնի են մեր նախագիծը ֆինանսավորող կազմակերպությունների անունները, որոնք աջակցում են Հայաստանում նախագծերի իրականացմանը նաև այլ ուղղություններով: Եվ նրանցից շատերն, իրոք, վիրավորված են: Մեր խորին համոզմամբ, Հայաստանի ներդրումային հեղինակությանը մեծ վնաս է հասցվել>,- նշել է նա: Այս առնչությամբ նա հիշեցրել է, որ նախագծի մեկնարկի պահից երկրի տնտեսությունում ներդրվել է ավելի քան $400 մլն, ըստ որում՝ ընկերությունը ոչ մի շահույթ չի ստացել: <8 ամիս շարունակ ճանապարհներն ապօրինի կերպով փակ են, և դեռևս լույսի նշույլ չի երևում այս իրավիճակում: Եվ այն դեպքում, եթե ֆինանսական խոշոր կառույցները պահանջեն վերադարձնել իրենց միջոցները, դժվարանում եմ ասել, թե ով է մեղավոր այդ իրավիճակում: Կարծում եմ՝ անարդար կլինի այդ հարցն ուղղել Lydian-ին>,- ընդգծել է նա:

Լրագրողների հարցին, թե արդյոք ընկերությունը քննարկում է դատական ճանապարհով միջոցները վերադարձնելու հնարավորությունը՝ Ստեփանյանը նշել է. <Բոլոր ընտրանքները դրա համար բաց են, բազմիցս այդ մասին խոսվել է: Ամեն ինչ հնարավոր է>: Նա հիշեցրել է, որ 2018 թ. ընթացքում ընկերության ծրագրերում նախատեսվում էին լրացուցիչ ներդրումներ, տարեվերջին Lydian-ը պատրաստվում էր արտադրության գործարկմանը: Ըստ որում, Ստեփանյանը դժվարացել է նշել ընկերությանը հասցված վանսի գումարը՝ նշելով, որ խոսքը վերաբերում է մի քանի տասնյակ միլիոն դոլարին: Եթե ընթացիկ տարում  հնարավորություն ընձեռվի, ընկերությունը, նրա խոսքով, մտադիր էշարունակել շինարարական աշխատանքները:

<Վստահ եմ, որ բոլոր հանքարդյունահանող գործընկերները գիտեն, և ոչ ոք չի մեղանա, եթե արդեն ապացուցված փաստ հրապարակեմ՝ Հայաստանում Lydian Armenia-ն մի քայլ առաջ է՝ թե սոցիալ-տնտեսական հարցերի առումով, թե առողջապահության և անվտանգության տեսակետից: Ընկերությունը կարող էր լուրջ ինստիտուցիոնալ փոփոխություններ մտցնել Հայաստանի արդյունահանման ոլորտում, եթե աշխատի>,- ասել է նա:

Հիշեցնենք, որ Lydian Armenia-ն բրիտանական Lydian International-ի դուստր ընկերությունն է, որի բաժնետերերն են նաև ԱՄՆ, Մեծ Բրիտանիայի, մի շարք եվրոպական երկրների միջազգային ինստիտուցիենալ ներրդողներ, այդ թվում` IFC և EBRD: Ամուլսարի ոսկու հանքավայրի շահագործման նախագիծն այսօր Հայաստանում արդյունաբերական ամենախոշոր նախագիծն է, որի ընդհանուր արժեքը կազմում է 370 մլն դոլար: 2016 թվականի օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում: