Արմինֆո. Երևանը երեք անգամ պետք է մտածի նախքան ԱՄՆ-ից ռազմական տեխնիկա գնելը: ԱրմԻնֆո-ին այդպիսի կարծիք է հայտնել Պետդումայի ԱՊՀ գործերի, եվրասիական ինտեգրման և հայրենակիցների հետ կապերի կեմիտեի առաջին փոխնախագահ Կոնստանտին Զատուլինը:
«Անկախության բոլոր տարիներին Հայաստանը փորձել է լավ հարաբերություններ պահպանել ԱՄՆ-ի և Ֆրանսիայի հետ: Եվ, հաշվի առնելով Բաքվի ու Անկարայի հետ Երևանի, այսպես ասենք, ոչ լավագույն հարաբերությունները, թվում է, Ռուսաստանի կողմից ճիշտ չի լինի հակառակը պահանջել Հայաստանից: Ընդ որում, Մոսկվայում, անշուշտ, ուշադրություն են դարձրել ԱՄՆ-ից ռազմական տեխնիկա գնելու Ջոն Բոլթոնի փաստացի առաջարկությանը: Իմ կարծիքով, իրադարձությունների նման զարգացումը ուղղակիորեն կհակասի ՀԱՊԿ հարաբերությունների շրջանակում Հայաստանի պարտավորություններին, որոնց Մոսկվան պատասխանում է միանգամայն արտոնյալ պայմաններով սպառազինությունների մատակարարումներով՚, - ընդգծել է ռուսաստանցի քաղաքական գործիչը:
Նախորդ տարվա հոկտեմբերին Հայաստան այցի ընթացքում ԱՄՆ նախագահի ազգային անվտանգության գծով խորհրդական Ջոն Բոլթոնը հանրապետության կառավարությանն առաջարկել էր գնել ամերիկյան զենք, և վարչապետ Նիկոլ Փաշինյանը չէր բացառել այդ հարցը քննարկելու հնարավորությունը` եթե Վաշինգտոնից շահավետ առաջարկություն ստացվի: Պաշտպանության նախարար Դավիթ Տոնոյանն, իր հերթին, հայտարարել էր, որ տվյալ պահին ամերիկյան զենք գնելու անհրաժեշտություն չկա: Նրա ասելով, ռազմական համագործակցության շուրջ Հայաստանն ԱՄՆ հետ ոչ մի այլ քննարկում չի վարում:
Զատուլինը, միևնույն ժամանակ, կարծում է, որ Մոսկվան լիովին իրավունք ունի գնահատելու, թե Հաայստանում իշխանափոխությունը որքանով է անդրադառնում ՀԱՊԿ գծով Ռուսաստանի դաշնակիցների պաշտպանունակության ներուժի վրա: Այդ լույսի ներքո ռուսաստանցի խորհրդարանականը նշել է ՀԱՊԿ նախկին գլխավոր քարտուղար Յորի Խաչատուրովի նկատմամբ Հայաստանում հարուցված քրեական գործը: Զատուլինի գնահատմամբ, դրա արդյունքում ՀԱՊԿ ներսում ծավալված հրապարակային բանավեճը ոչ միայն պատիվ չի բերում որևէ մեկին, այլև խաթարում է վստահությունը կազմակերպության մասնակից երկրների շրջանում:
«Իհարկե, ես գիտեմ, թե ինչով կավարտվի Խաչատուրովին Հայաստանի կամ Բելառուսի ներկայացուցիչով փոխարինելու այդ ողջ էպոպեան, և անգամ` նրա անունը, ով այդ ամենի արդյունքում կնշանակվի ՀԱՊԿ ղեկավար: Սակայն, կարծում եմ, որ այսօր այդ մասին խոսելը ճիշտ չէ և հակասում է մասնակից երկրների շահերին` ներառյալ Ռուսաստանը՚, - ամփոփել է Զատուլինը:
ՀԱՊԿ գլխավոր քարտուղարի պաշտոնից Յորի Խաչատուրովին Երևանի կողմից վաղաժամկետ հետ կանչելու արդյունքում այդ պաշտոնը 2018 թվականի նոյեմբերի 2-ից ի վեր թափուր է, չնայած այն հանգամանքին, որ ՀԱՊԿ գործող նախագահ Հայաստանը հետ կանչված գլխավոր քարտուղարի փոխարեն առաջադրել է նոր թեկնածու: Կազմակերպության նախագահությունը մեկ պետությունից մյուսին անցնում է ռուսական այբուբենի տառերի հերթականությանը համապաատսխան: Հաշվի առնելով, որ Խաչատուրովն այդ պաշտոնում աշխատել է հարկ եղած երեք տարվա կեսը միայն, իսկ նախագահության ժամկետը լրանում է 2020 թվականին, Երևանը միանգամայն իրավամբ պնդում է իր ներկայացուցչի նշանակումը, ում անունը չի նշվում, սակայն ԶԼՄ-ներում հայտնված լուրերի համաձայն, խոսքը վերաբերում է պաշտպանության նախկին նախարար Վաղարշակ Հարությունյանին:
Միևնույն ժամանակ, ըստ ռուսական այբուբենի, Հայաստանից հետո գալիս է Բելառուսը, որը ՀԱՊԿ գլխավոր քարտուղարի պաշտոնի համար առաջադրել է երկրի ԱԽ ղեկավար Ստանիսլավ Զասի թեկնածությունը: ՀԱՊԿ կազմում են Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը: ՀԱՊԿ կանոնադրության համաձայն, նոր գլխավոր քարտուղարի նշանակման վերաբերյալ որոշում կարող է կայացվել ՀԱՊԿ վեց երկրների ձևաչափով, բացառապես փոխհամաձայնության հիմունքով` հաշվի առնելով բոլոր կողմերի շահերը:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
