Ըստ Gallup International-ի հարցման, երևանցիների 53.3% -ը դրական է գնահատել անցած տարի մայրաքաղաքում տեղի ունեցած փոփոխությունները

Արմինֆո.Gallup International-ի հարցման տվյալների համաձայն, երեւանցիների 53.3% -ը դրական է գնահատում անցյալ տարվա ընթացքում Հայաստանի մայրաքաղաքում կատարված փոփոխությունները: Այս մասին դեկտեմբերի 27-ին կայացած մամուլի ասուլիսում հայտարարել է Հայաստանում Gallup International Association-ի ներկայացուցչության տնօրեն Արամ Նավասարդյանը:

Նա նշել է, որ մայրաքաղաքի բնակիչների 13.1% -ը Երեւանում փոփոխությունները գնահատել են ավ ելի շուտ բացասական, 13.5% -ը դժվարացել է պատասխանել այդ հարցին, 8.1% -ը գնահատել է փոփոխությունները չափազանց բացասական, եւ վերջապես, 11.8% -ը դրական գնահատել է տեղի ունեցած փոփոխությունները Երեւանում:  Ինչ վերաբերում է մայրաքաղաքում առաջնահերթ լուծման ենթակա խնդիրներին, ապա հարցվածների 60.6% -ը նշել է աղբահանության և մայրաքաղաքի մաքրության հարցը, մինչդեռ 2017 թվականին այդ հարցը բարձրացրել էին հարցվածների 29,1%:  Հանրային տրանսպորտի աշխատանքից դժգոհ երեւանցիների թիվը նույնպես աճել է` 2017 թ. 34.3%-ի փոխարեն հասնելով` 39.0%:  2018 թվին բնապահպանական խնդիրներին առնչվող դժգոհությունը 2017թ. համեմատ կրճատվել է եւ կազմել է 9.5%` 12.4% -ի փոխարեն: Հաջորդ խնդիրը երևանցիների համար լուսավորության հարցն է, որից դժգոհություն է հայտնել հարցման ամսնակիցների 4.2%, իսկ 2017 թվին` 8.6%: Խցանումների խնդիրըհ բարձրացրել է նարցվածների 3.3%-ը, իսկ 2017-ին այդ խնդիրը մտահոգել է հարցման մանսակիցների 7.3%-ին: Հարցման մասնակիցները անհապաղ լուծում պահանջող ևս մեկ  խնդիրն նեն համարել կոմունալ վճարումների հարցը, ինչի առնչությամբ դժգոհողների թիվը 2017 թվականի 6,82%-ի փոխարեն  կազմել է 2,72%: Երեւանցիների 3.3%-ը նշել է ապօրինի շինարարության խնդիրը, ինչի առնչությամբ  2017 թվին դժգոհողների թիվը կազմել է 5.5%: Երեւանի բնակիչների 2.5% -ը դժգոհություն է հայտնել քաղաքի կանաչ տարածքների բացակայության առնչությամբ, 2017 թվականին այդ հարցը  բարձրացրել էր երևանցիների 3,4% -ը: Վերջապես մայրաքաղաքի բնակիչների 2.5% -ը բարձրացրել է ճանապարհների ասֆալտապատման խնդիրը, 2017 թվին այդ հարցը բարձրացրել էր երեւանցիների 2.1% -ը:

Դրական փոփոխությունների շարքում Երեւանի բնակչության 6,6% -ը նշել է զբոսայգիների բարեկարգումը, մինչդեռ 2017 թվականին այդ ոլորտում տեղաշարժ դիտել էր 20.2%: 5.1%-ը նշում է, որ 2018 թ-ին կառուցվել են մանկական խաղահրապարակներ, իսկ 2017 թ. այդ առնչությամբ գոհունակություն էր հայտնել երևանցիների 18.7% է: Հարցման մասնակիցների 4.2% -ը դրական է գնահատել  բակերի բարեկարգումը, մինչդեռ 2017 թվականին  բակերի բարեկարգման առնչությամբ գոհունակություն էր հայտնել հարցվածների 17.6%: Հարցման մասնակիցների 2,5% -ը նշել է, որ 2018 թվին ավելացել են  կանաչ տարածքները, 2017 թվին կանաչօապատման առնչությամբ գոհունակություն էր հայտնել հարցվածների 16.5%: Հարցվածների 2,8% -ը նշել է, որ 2018 թվին Երեւանը դարձել է ավելի բարեկարգ, ավելի գեղեցիկ, իսկ 2017-ին նման փոփոխություն նշել էր հարցման մասնակիցների 15.3%: Նրանց 31.9% -ը համարում է, որ անցյալ տարի Երեւանում որեւէ դրական փոփոխություն չի կատարվել, մինչդեռ 2017 թվին այդպես էր կարծում հարցվածների ընդամենը 12.3%-ը:

5 բալանոց սանդղակով հանրային տրանսպորտի աշխատանքը արժանացել է 2.6 բալլի, այս առումով երեւանցիների տրամադրությունը, գործնականում, չի փոխվել անցյալ տարվա համեմատ (2.5): Քաղաքի մաքրությունից գոհ երևանցիների թիվը նույնպես նվազել է` 2.4 բալլ նախորդ տարվա 2,9-ի փոխարեն: Անվտանգության ոլորտի աշխատանքն արժանացել է 3,9 միավորի` նախորդ տարվա է 3,6-ի փոխարեն:

Զբոսաշրջության զարգացման հեռանկարների առնչությամբ հարցվածների 34.1% -ը կարեւորել է քաղաքի մաքրությունը ապահովելու խնդիրը: 20.1% -ը խնդիր է համարել ծառայությունների բարձր գները,  13.8% -ը` պահպանված պատմական եւ ճարտարապետական ​​շենքերի եւ հուշարձանների բացակայությունը: 12.6% -ը նշել է, որ անհրաժեշտ է ավելացնել կանաչ տարածքներ: Երեւանցիների 11.8% -ը համարում է, որ զբոսաշրջության զարգացման համար անհրաժեշտ է վերականգնել Հին Երեւանը: 10.8% -ը անհրաժեշտ է համարել հանրային զուգարանների թվի ավելացումը: 7.5% -ը կարծում է, որ տուրիզմի զարգացման համար անհրաժեշտ է մեծացնել զվարճանքի օբյեկտների քանակը: 4.8% -ը արտահայտվել է տեսարժան վայրերի քանակի ավելացման օգտին:  3.8% -ը նշել է, որ զբոսաշրջության զարգացման համար անհրաժեշտ է բարելավել լուսավորությունը: 16.1% -ը դժվարացել է պատասխանել այս հարցին: 20.4% -ը այլ պատասխաններ է տվել:

Հարցին, թե ինչպես են քաղաքացիները գնահատում Երեւանի արտաքին տեսքը, 2.7% -ը պատասխանել է` շատ վատ, 14.6% ավելի շուրտ վատ, բավականին լավ` 61.5%, շատ լավ` 20.3%, 1.0%-ը դժվարացել է պատասխանել այս հարցին:

Հարցին, թե արդյոք մայրաքաղաքի բնակիչները արդարացված են համարում քաղաքապետ Հայկ Մարությանի կողմից պատվիրված 150 000 դոլարանոց Ամանորյա տոնածառը, 13.3% -ը նշել է, որ դա բոլորովին չհիմնավորված ծախս է, 12.5% ​​-ը նշել է, որ, ամենայն հավանականությամբ, այդ ծախսն արդարացված չէր, 25.9%-ը դա համարել է ավելի շուրտ արդարացված, 44.7% -ը նշել է, որ տոնածառն արժեր այդքան, եւ, վերջապես, 3.7% -ը դժվարացել է պատասխանել այդ հարցին:

Հավելենք,  որ դեկտեմբերի 20-25-ը անցկացված հարցմանը մասնակցել է 602 երեւանցի: