Արմինֆո. Beeline-ի և Տեխնոլոգիական Զարգացման Կենտրոն հիմնադրամի կողմից համատեղ իրականացվող StartHub Armenia նախագծի շրջանակներում տեղի ունեցավ Starthub Offline հերթական հանդիպում-քննարկումը։ StartHub Offline-ը միջոցառումների շարք է, որի ընթացքում ստարտափների ներկայացուցիչները հանդիպում և քննարկումներ են անցկացնում ՏՏ ոլորտի առաջատարների հետ։
Ինչպես ԱրմԻնֆո-ին հաղորդեցին ընկերության մամուլի ծառայությունից, հանդիպման խորագիրն էր՝ «Ստարտափներ և Ներդրումներ», խոսնակը՝ Մանուկ Հերգնյանը, ով հանդիսանում է Գրանատուս Վենչուրս ընկերության համահիմնադիր ու կառավարող գործընկեր: Գրանատուս Վենչուրսը Հայաստանի առաջին վենչուրային ընկերությունն է, որը ֆինանսավորում է վաղ շրջանի ստարտափներին: Մանուկ Հերգնյանը հանդիսանում է նաև Երևանում և Մոսկվայում գործունեություն ծավալող Ի-Վի Քոնսալթինգ գործարար խորհրդատվական ընկերության հիմնադիր ու կառավարող գործընկեր:
Մանուկ Հերգնյանը մի շարք բարձր տեխնոլոգիական ընկերություններում խորհրդի անդամ է: Այդ ընկերությունների թվում են, մասնավորապես, Մենյու Գրուպը և Լիկվոր դեղագործական ձեռնարկությունը: Ինչպես նաև՝ հանրային ոլորտի և ոչ-առևտրային կազմակերպությունների անդամ է, օրինակ՝ Հայաստանի Առաջատար տեխնոլոգիաների ձեռնարկությունների միությունը, Հայաստանում Մայքրոսոֆթ ինովացիոն կենտրոնը: Նա ակտիվորեն աջակցում է Հայաստանում տեխնոլոգիական ձեռներեցության ամուր էկոհամակարգի կառուցմանը՝ բազմաթիվ նախաձեռնությունների միջոցով: Հերգնյանը սովորել է Օքսֆորդի համալսարանում, Երևանի և Մոսկվայի պետական համալսարաններում:
Հանդիպման ընթացքում խոսվել է Գրանատուս Վենչուրսի գործունեության, հայկական ստարտափներում իրականացվող ներդրումների, Հայաստանյան ստարտափ էկոհամակարգի, ներդրումների նախընտրելի ուղղությունների և այլ հետաքրքիր թեմաների շուրջ։
Ամփոփելով թեման Մանուկ Հերգնյանը նշեց, որ 2018 թվականն ոչ միայն Գրանատուս Վենչուրսի, այլեւ Հայաստանում ընդհանուր վենչուրային ներդրումների տեսանկյունից բեկումնային տարի էր, եւ շատ լավ նախադրյալներ է ապահովում հետագա զարգացման համար: Տարին պատմական է այն առումով, որ հայկակսն որոշ ստարտափներ կիրականացնեն ելքի գործարքներ:
«Ներդրումների ներգրավումը ցանկացած ստարտափի հիմնական նպատակներից մեկն է։ Սակայն, ներդրումների ներգրվման գործընթացում ամենակարևորը գումարը կամ դրա ծավալը չեն, չափազանց կարևոր է նաև գտնել այնպիսի ներդրող գործընկերոջ, որը նաև կնպաստի ստարտափի որակական առաջընթացին։ Այսօր հնարավորություն ունեցանք լսելու մի մարդու, ով կանգնած է Հայաստանում վենչուրային ներդրումների և ստարտափների ֆինանսավորման գործընթացների զարգացման հիմքում։ Մանուկ Հերգնյանի խոսքն անչափ օգտակար և ուսանելի է հաջողության դժվարին ուղին բռնած հայ ստարտափերների համար։ Համոզված եմ, որ նրանք այսօր շատ բան սովորեցին», - նշեց Տեխնոլոգիական զարգացման կենտրոն հիմնադրամի Խորհրդի նախագահ Սամվել Չախալյանը։
«Մեր հերթական Starthub Offline հանդիպումը կօգնի հայկական ստարտափներին պատկերացում կազմել ներդրումների նախընտրելի ուղղություններից, ինչը կնպաստի իրենց նախագծերի ավելի արագ զարգացմանը։ Հույս ունեմ, որ ստարտափները հաշվի կառնեն մասնագետների կարծիքներն իրենց նախագծերն ավելի գրավիչ և հասարակության համար օգտակար դարձնելու համար», - նշեց Հայաստանում Beeline-ի գլխավոր տնօրեն Անդրեյ Պյատախինը։
StartHub Armenia ծրագրի ընթացքին հետևելու և առաջիկա հանդիպում-քննարկումների մասին տեղյակ լինելու համար կարող եք այցելել www.starthub.am կայք կամ StartHub Armenia ֆեյսբուքյան էջ։
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «ՎԵՈՆ» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում:
ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 240 մլն բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում և Պակիստանում: «ՎԵՈՆ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Փաշինյանին հեռացրել են "ԻՆՆՈՊՐՈՄ"-ի հյուրերի ցանկից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
