Արմինֆո.ԱԺ արտահերթ ընտրություններին մասնակցող 11 քաղաքական ուժերից հինգը հանդես է գալիս արտաքին քաղաքականության կտրուկ շրջադարձերի օգտին: Եվ այդ իմաստով առավել արմատականը «Սասնա Ծռեր՚ կուսակցությունն է: Մամուլի ասուլիսում այդպիսի կարծիք է հայտնել «Հանուն սոցիալական արդարության՚ կուսակցության նախագահ Արման Ղուկասյանը, որը մանրամասն ներկայացրել է քաղաքական ուժերի նախընտրական ծրագրերի արտաքին քաղաքական բաղադրիչը:
Նա ասել է, թե «Սասնա Ծռեր՚ կուսակցությունը հանդես է գալիս ՀԱՊԿ-ից և ԵԱՏՄ-ից Հայաստանի դուրս գալու, ինչպես նաև Հայաստանից 102 ռուսական ռազմակայանի դուրս բերման օգտին: «Մենք՚ դաշինքը նույնպես հանդես է գալիս ԵԱՏՄ-ից Հայաստանի դուրս գալու օգտին, նշելով, որ այդ ինտեգրացիոն միությունը մեր երկրին ոչինչ չի տվել: «Քաղաքացու որոշում՚ կուսակցության նախընտրական ծրագրում ավսում է, որ Հայաստանի և Ռուսաստանի միջև երկկողմ համաձայնագրերը պետք է վերանայվեն, մասնավորապես, Գյումրիի ռազմակայանի և ռուսական սահմանապահ զորքերի մասով: «Դա ոչ ստանդարտ և չհաշվեկշռված մոտեցում է, սակայն այն նույնպես գոյության իրավունք ունի՚, - ասել է Ղուկասյանը, նշելով, որ իրենց քաղաքական ուժը հանդես է գալիս հավասարակշռված արտաքին քաղաքականության օգտին, քանի որ կտրուկ շրջադարձերը վտանգավոր են երկրի համար և չեն բխում իրական պետական շահերից: Անդրադառնալով ևս մեկ նոր ուժի` «Ազգային առաջընթաց՚ կուսակցությանը, Ղուկասյանը հիշեցրել է, որ այդ կուսակցությունը վերջերս հայտարարել էր, որ ԵԱՏՄ փակ բռնապետական ակումբ է: Այդ ուժը նույնպես արտաքին հարաբերություններում ձգտում է դեպի Արևմուտք, դեպի ԵՄ հետ համագործակցության խորացում ու զարգացում: «Քրիստոնեաժողովրդական վերածննունդ՚ կուսակցության առնչությամբ ծագում են հարցեր, քանզի նրանք պնդում են, որ հայակենտրոն են և չեն ձգտում ոչ դեպի Արևւմուտք, ոչ դեպի Ռուսաստան, սակայն ինքը` Լևւոն Շիրինյանը, բազմիցս հայտարարել է, որ սատարում է «Սասնա Ծռեր՚ կուսակցությանը: «Հարց է ծագում, թե ինչպես նրանք կարող են լինել հայակենտրոն, սակայն սատարել արմտական հակառուսական կարգախոսներով հանդես եկող ուժերին՚, - ասել է նա: Բանախոսն ընդգծել է, որ քաղաքական ուժերի մոտեցումները կարևոր են ոչ միայն ներքին, այլև արտաքին քաղաքականությունում, հույս հայտնելով, որ ընտրողն իր ընտրությունը կկատարի լավ իրազեկված լինելով այդ ծրագրերի մասին: Արման Ղուկասյանի ասելով, կասկած չկա, որ «Իմ քայլը՚ դաշինքը մեծամասնություն կկազմի ԱԺ-ում, սակայն, կարևոր է հասկանալ, որ, նույնիսկ, այն ուժերը, որոնք հանդես են եկել արտաքին քաղաքականության կտրուկ շրջադարձերի օգտին, գալով իշխանության, դարձել են հավասարակաշռված քաղաքականության կողմնակից, ինչն իրապես արտացոլում է Հայաստանի իրական շահերը:
Հաջորդ բանախոսը, կուսակցության անդամ Լևոն Ռուխկյանը, նշել է, որ այս քարոզարշավն աննախադեպ էր` իր դրական և բացասական կողմերով հանդերձ: Դրիկանն այն է, որ քարոզարշավի ընթացքում ավելի նկատելի է բանավեճի մշակույթը, ինչն ընտրողներին տալիս է թեկնածուների լրիվ պատկերը: Ի տարբերություն նախորդ ընտրությունների` չափազանց մեծ դեր են խաղում տեղեկատվական տեխնոլոգիաները: Կուսակցությունները և առանձին թեկնածուներ օգտագործում են սոցիալական ցանցերը` որպես իրենց ծրագրերի և գաղափարների առաջ մղման գործիք: Երրորդ դրական միտումը այն է, որ հասարակությունն ակնկալում է արդար ընտրություններ, քանի որ կեղծարարության վտանգը հասցվել է նվազագույնի: «Մենք չենք կարող բացառել ընտրակաշառքները, սակայն, ակնհայտ է, որ այս ընտրություններում դրանք այնպես զանգվածային տարածում չունեն, ինչպես նախորդ ընտրությունների ժամանակ՚, - ասել է Ռուխկյանը: Ինչ վերաբերում է բացասական դրսևորումներին, ապա, բանախոսի կարծիքով, անընդունելի է, երբ քաղաքական ուժերը պայքարում են երկրորդ տեղի համար. և այս միտումը նկատելի է: Նա նշել է, որ այն քաղաքական ուժը, որը հանդես է գալիս կոնկրետ ծրագրով, ձայներ է ստանում այդ ծրագրի իրագործման համար, և երբ նա հայտարարում է, որ պայքարում է երկրորդ տեղի համար, նվազեցնում է իր հնարավորությունները, ընտրողին հղելով ուղերձ այն մասին, որ այդ ծրագիրը չի կենսագործվի: Բացի այդ, անընդունելի է, երբ որոշ քաղաքական ուժեր իրենց քարոզարշավը կառուցում են ոչ թե սեփական ծրագրի, այլ նախորդ իշխանություններին քննադատելու հիման վրա: «Դժբախտաբար, մեն չենք կարող ասել, որ քարոզարշավի ընթացքում ոչ մի խոչընդոտ չի եղել, դրանք եղել են, սակայն դա նույնպես այդքան մասշտաբային չի եղել՚, - հավելել է նա:
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
