Երևանում ոչ կոռեկտ են համարում ՀԱՊԿ ներքին հարցերի քննարկումն այլ պետությունների ներկայացուցիչների հետ

Արմինֆո.Երևանում կարծում են, որ ՀԱՊԿ ներսում կան խնդիրներ, որոնք պետք է վերացնել: Նոյեմբերի 13-ին մամուլի ասուլիսում այդ մասին հայտարարել է  Հայաստանի ԱԳՆ մամլո խոսնակ Աննա Նաղդալյանը` անդրադառնալով Բելառուսի նախագահի և Ադրբեջանի դեսպանի միջև ՀԱՊԿ ներքին օրակարգի քննարկմանը և այդ քայլի կոռեկտությանը Երևանի տեսնկյունից, հատկապես, հաշվի առնելով հարցերի քննարկումը Հայաստանի համար ոչ բարեկամ երկրի ներկայացուցչի հետ:

ԱԳՆ մամլո խոսնակը, մասնավորապես, ասել է, որ Հայաստանը ՀԱՊԿ համարում է վեց երկրների շահերի քննարկման հարթակ, և այդօրինակ երևույթները վկայում են այն մասին, որ կազմակերպության ներսում կան խնդիրներ, որոնք անհրաժեշտ է վերացնել: «Երևանում կարծում են, որ նմանօրինակ քննարկումները կոռեկտ չեն ՚,  - հայտարարել է Հայաստանի ԱԳՆ ներկայացուցիչը:

Անդրադառնալով ՀԱՊԿ գլխավոր քարտուղարի ընտրությանը և այդ պաշտոնում Հայաստանի ներկայացուցչի ընտրության հնարավորիությանը` Նաղդալյանը նշել է, որ հարցի քննարկման հետաձգումը մինչև դեկտեմբերի 6-ի հանդիպումը Սանկտ Պետերբուրգում` պայմանավորւված է այն հանգամանքով, որ կազմակերպության անդամ երկրները չեն կարողացել հարցի շուրջ  փոխհամաձայնության հանգել Աստանայում: ԱԳՆ ներկայացուցչի ասելով, նաև որոշում է կայացվել  գլխավոր քարտուղարի  լիազորությունների վաղաժամկետ դադարեցումը կարգավորող նորմատիվային ակտերի մշակման մասին: Աննա Նաղդալյանը նաև ընդգծել է, որ Հայաստանը բավականաչափ ռեսուրս ունի ՀԱՊԿ գլխավոր քարտուղարի պաշտոնում իր պարտավորությունները կատարելու համար` մինչև կանոնակարգով սահմանված ժամկետը:

Պատասխանելով այն հարցին, թե արդյոք հնարավոր է, որ Բելառուսի հնարավոր թեկնածու Ստանիսլավ Զասն ադրբեջանամետ դիքրորոշում որդեգրի, հաշվի առնելով նրա ուսումնառությունը Բաքվում և Բելառուսի ղեկավարության սերտ կապերն Ադրբեջանի հետ, ԱԳՆ մամլո խոսնակն ընդգծել է, որ կազմակերպությունում բոլոր որոշումները կայացվում են փոխհամաձայնության հիման վրա, հիշեցնելով, որ ՀԱՊԿ նախորդ գլխավոր քարտուղարի թեկնածությունը ևս երկար ժամանակ չէր հաստատվում` այդ հարցի շուրջ փոխհամաձայնության բացակայության առնչությամբ: Նա նաև համոզմունք է հայտնել, որ ՀԱՊԿ գլխավոր քարտուղարի լիազորությունները գերագնահատվում են, մինչդեռ գլխավոր քարտուղարը մենեջերի նման մի բան է, նա  ինքնուրույն որոշումներ չի կայացնում, նրա բոլոր հայտարարությունները վեց պետությունների փոխհամաձայնեցված որոշման արդյունք են: Հայաստանի  ԱԳՆ ներկայացուցիչը նաև հավելել է, որ Երևանը պաշտպանում է ՀԱՊԿ գլխավոր քարտուղարի պաշտոնի փոխանցման ռոտացիոն սկզբունքը:

Հավելենք, որ Բելառուսի նախագահ Ալեքսանդր Լուկաշենկոն Մինսկում Ադրբեջանի դեսպան Լատիֆ Գանդիլովի հետ հանդիպմանը պատմել է Աստանայում կայացած ՀԱՊԿ գագաթնաժողովի մասին: Լուկաշենկոն դեսպանին, մասնավորապես, տեղեկացրել է, որ Աստանայում հիմնական ժամանակը հատկացվել է ոչ թե ՀԱՊԿ գլխավոր քարտուղարի հարցին, այլ` կազմակերպության երկրների շուրջ առկա արտաքին քաղաքական, ինչպես նաև ՀԱՊԿ անդամ պետությունների ներքաղաքական իրավիճակին: «Այնտեղ ոչ ոք մտադիր չէր միջամտել այս կամ այն գործընթացին: Օրինակ, Նիկոլ Փաշինյանը. դեկտեմբերի 9-ին խորհրդարանի ընտրություններ են, նա անդրադարձավ այդ թեմային, մենք լսեցինք՚, - տեղեկացրել է Բելառուսի նախագահը, հավելելով, որ նախագահներն ի գիտություն են ըդնունել գագաթնաժողովում ասվածը, և այստեղ արտակարգ ոչինչ չկա:

Անդրադառնալով ՀԱՊԿ աշխատակազմի նոր ղեկավարի նշանակմանը` Լուկաշենլոն նշել է. «Բնականաբար, տարբերակները շատ էին: Սակայն սա չի նշանակում, թե մենք ոտնահարել ենք Հայաստանի շահերը, սա չի նշանակում, որ մեկը հաղթել է, մյուսը՝ պարտվել: Հարցն այն է, որ Նիկոլ Փաշինյանը պետք է, պարզապես,  սեփական կառավարությունում պարզի իրավիճակը, քանի որ այժմ Հայաստանը գլխավորում է Եվրասիական տնտեսական միությունը և Հավաքական անվտանգության պայմանագրի կազմակերպությունը: Սա շատ մեծ ծանրաբեռնվածություն է մի երկրի համար, որը գտնվում է այսպիսի անցումային փուլում: Արդյո՞ք Հայաստանը գլուխ կհանի: Եթե Նիկոլ Փաշինյանը պարզի և մեզ պատասխան տա, դա կլինի Սանկտ Պետերբուրգում՚: Բելառուսի նախագահն ընդգծել է, որ որոշումը կկայացվի հանգիստ հունով` դեկտեմբերի 6-ին նախատեսվող հանդիպմանը: