Արմինֆո. ՀԱՊԿ անդամ երկրների ղեկավարները կազմակերպության գլխավոր քարտուղարի թեկնածության հարցով որոշում կկայացնեն դեկտեմբերի 6-ին, Սանկտ Պետերբուրգում։ Ըստ «Ռիա Նովոստիի՚, այդ մասին հայտարարել է ՌԴ նախագահի մամուլի քարտուղար Դմիտրի Պեսկովը, հավելելով, որ մինչ այդ գլխավոր քարտուղարի ժամանակավոր պաշտոնակատար կլինի Վալերի Սեմերիկովը։
Հիշեցնենք, որ Հայաստանի նախաձեռնությամբ նոյեմբերի 2-ին ՀԱՊԿ հավաքական անվտանգության խորհրդի որոշմամբ Յուրի Խաչատուրովն ազատվել է ՀԱՊԿ գլխավոր քարտուղարի պաշտոնից և արդեն վերադարձել է Հայաստան: 2008 թվականի մարտի 1-ից 2-ն ընկած ժամանակահատվածում տեղի ունեցած իրադարձությունների վերաբերյալ քրգործով Յուրի Խաչատուրովին, ինչպես նաև ՀՀ երկրորդ նախագահ Ռոբերտ Քոչարյանին, ՀՀ պաշտպանության նախկին նախարար Միքայել Հարությունյանին և մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նրանք այլ անձանց հետ նախնական համաձայնությամբ տապալել են ՀՀ սահմանադրական կարգը: