Երկիր Ծիրանի. Հայկ Մարությանը գլխավոր խորհրդական է նշանակել մի մարդու, ով մասնակից է եղել նախկին իշխանությունների կողմից իրականացված թալանին և ապօրինություններին

Արմինֆո.Երևանի քաղաքապետ Հայկ Մարությանը նոյեմբերի 1-ին որոշում է կայացրել Կամո Արեյանին նշանակել Երևանի քաղաքապետի գլխավոր խորհրդական: Հայկ Մարությանը գլխավոր խորհրդական է նշանակել մի մարդու, ով մասնակից է եղել նախկին իշխանությունների կողմից իրականացված թալանին և ապօրինություններին: Այդ մասին ասվում է <Երկիր Ծիրանի> կուսակցության հայտարարության մեջ:

<Թե թալանը որքան է կազմել՝ վաղուց է պարզ: Կես տարին բավականին մեծ ժամկետ էր ՀՀ իրավապահ մարմինների համար՝ անցկացնելու նախաքննություն և մեղադրական եզրակացություններ ներկայացնելու դատարան, իսկ դատարանը կարող էր արձակել Կամո Արեյանի և, իհարկե, այլ ՀՀԿ-ականների թալանի և ապօրինությունների վերաբերյալ դատապարտման դատավճիռներ:

Միայն 2017 թվականի հունիսի 16-ի Տարոն Մարգարյանի և այն ժամանակ նրա տեղակալ Կամո Արեյանի ապօրինի որոշումները՝ կապված «Սպայկաե և «Արմսանպրոդակտե  ընկերությունների հետ` Երևանին պատկանող շուրջ 50 միլիոն դոլարի շուկայական արժողությամբ հող նվիրաբերելու կոռուպցիոն գործարքի համար հիմք են այս մարդկանց դատապարտելու (այս մասին հաղորդումը հանցագործության վերաբերյալ, որը ներկայացվել է «Երկիր Ծիրանիե կուսակցության կողմից  դեռ 2017 թվականի ամռանը, պատշաճ արձագանք չի ստացել):

Կամո Արեյանն այն փոխքաղաքապետն էր, ով համարել է բարոյական և օրինական մեկ տարվա ընթացքում 30 մլն դրամի կոնյակ գնելը։

Կամո Արեյանն այն անձն է, ում, որպես ՀՀ տարածքային կառավարման նախարարի տեղակալի՝ պաշտոնավարման տարիներին իրականացվել է Երևանի կենտրոնում գտնվող, այսպես կոչված՝ պետության կարիքների համար վերցվող անշարժ գույքի (հողամասեր, շենքեր և շինություններ) օտարման վայրագ ծրագիր:

Կամո Արեյանն այն փոխքաղաքապետն էր, ում պաշտոնավարման օրոք Երևանի Աջափնյակ համայնքում շուրջ 10 հեկտար տարածքի վրա  ապօրինի գոյացել  է  միլիոնավոր տոննաների պարունակությամբ կոշտ թափոնների աղբավայր:

Կամո Արեյանն այն փոխքաղաքապետն էր, ով Երևանի տարածքները ապօրինի վաճառելով՝ Երևանի գերեզմանատները բազմակի անգամ մեծացրել է (քաոտիկ կառուցապատման հետևանքով մոտեցնելով գերեզմանները բնակելի տներին):

Կամո Արեյանն այն փոխքաղաքապետն էր, ով բազմաթիվ խոստումներ է տվել երևանցիներին և չի կատարել:

Կամո Արեյանն այն փոխքաղաքապետն էր, ով հովանավորել է երթուղայինների (մարշրուտկաների) գծատերերին:

Կամո Արեյանն այն փոխքաղաքապետն էր, ով հովանավորել է «Սանիթեքիե ապօրինի գործունեությունը:

Կամո Արեյանն այն փոխքաղաքապետն էր, ում պաշտոնավարման ժամանակ բազմաթիվ մանկապարտեզներ ապօրինի վաճառվել են:

Կամո Արեյանն այն փոխքաղաքապետն էր, ում պաշտոնավարման ժամանակ Երևանի կենտրոնում գտնվող շենքերի տանիքներն ապօրինի վաճառվել են՝ բազմակի անգամ թուլացնելով շենքերի սեյսմակայունությունը:

Կամո Արեյանն այն փոխքաղաքապետն էր, ում պաշտոնավարման տարիներին Երևանի այգիները, պուրակները, գազոնները, մայթերը և արհեստական լճակները վաճառվել են: Կամո Արեյանի մեղքերի թվագրումը անսահման է Երևանը քանդելու մեջ:

Դե, իհարկե, բնականաբար, Կամո Արեյանի՝ «Երևանի քաղաքապետարան համայնքային բյուջե Լվացքատանե գլխավոր և անփոխարինելի մասնագետն է: Նրա ծառայություններից օգտվելու գայթակղությունը մեծ է՝ չէ՞ որ նա 180 միլիոն դոլար բյուջե ունեցող «Երևանի քաղաքապետարան համայնքային բյուջե Լվացքատանե լվացքը հասցրել է պրոֆեսիոնալ մակարդակի և անխափան աշխատանքի: Ուրեմն ի՞ նչ՝ «Ժե տառը սխալ էր արտաբերվել: Ոչ թե «ՄերԺիրե, այլ ՄերՍիրե, «Մերսիր (Массаж) արա Սերժինե` սիրիր և հանդուրժիր Սերժին>,- 

ասված է հայտարարության մեջ: